ខេត្តព្រះសីហនុ ៖ សពបុរសម្នាក់ត្រូវបានគេប្រទះឃើញ កាលពីវេលាម៉ោង៧និង១០នាទីព្រឹកថ្ងៃទី៨ ខែកញ្ញា ឆ្នាំ២០១៨ នេះនៅចិញ្ចើមផ្លូវជាតិលេខ៤ ចន្លោះគីឡូម៉ែត្រលេខ១១១-១១២ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ ។
សមត្ថកិច្ចបានអោយដឹងថា សពមានអាយុប្រហែល៤១ឆ្នាំ កម្អស់១,៥៥ម៉ែត្រ សម្បុរសណ្តែកបាយ ពាក់អាវយឺតដៃខ្លីពណ៌ស អត់ស្លៀកខោ ដែលតាមការសន្និដ្ឋានពីមន្ត្រីជំនាញ និងមន្ត្រីពេទ្យស្រុកកំពង់សីលា អះអាងជាបណ្តោះអាសន្នថា សពអាចនឹងស្លាប់ដោយគ្រោះថ្នាក់ចរាចរណ៍ ដោយពិនិត្យឃើញមានបាក់ឆ្អឹងជំនីខាងស្តាំ និងមានដានស្នាមកង់ឡាននៅនឹងកន្លែងក្បែរសាកសពផងដែរ ។
បច្ចុប្បន្នសពត្រូវបានសមត្ថកិច្ចអាជ្ញាធរកំពុងចាត់ចែងយកទៅកប់ទុកជាបណ្តោះអាសន្ននៅវត្តព្រៃប្រសិទ្ធក្បែរកន្លែងកើតហេតុដើម្បីស្រាវជ្រាវរកសាច់ញាតិ ៕
ចែករំលែកព័តមាននេះ