កុំ​ទាន់​អាល​ជឿ​ដោយ​គ្រាន់តែ​ឮ​គេ​និយាយ


ការ​ជឿ​នេះ​មិន​ត្រូវ​ចេះ​តែ​ជឿ​ដោយ​គ្មាន​ហេតុផល​ទេ ព្រោះ​បើ​ជឿ​ក្នុង​ផ្លូវខុស​នឹង​នាំ​ឱ្យ​ខ្លួន​មានទោស តែបើ​ជឿ​ត្រូវ​វិញ​នឹង​បានជា​ប្រយោជន៍ ដូច​ព្រះសម្មាសម្ពុទ្ធ​ជា​ម្ចាស់​ក៏​ទ្រង់​សំដែង​ក្នុង​កា​លាម​សូត្រ​ថា អ្នក​ទាំងឡាយ​កុំ​ទាន់​អាល​ជឿ​លើ​ក្បួនតម្រា អ្នក​ទាំងឡាយ​កុំ​ទាន់​អាល​ជឿ​លើ​អ្វី​ដែល​គ្រាន់តែ​បាន​មក កុំ​ទាន់​អាល​ជឿ​លើស​ម្តី​គេ​និយាយ អ្នក​ទាំងឡាយ​កុំ​ទាន់​អាល​ជឿ​ថា នេះ​ជា​សមណៈ នេះ​ជា​គ្រូ​របស់​អ្នក​ជាដើម​ដោយ​គ្មាន​ហេតុផល​ច្បាស់លាស់​នោះ​ទេ ។

ព្រះ​អង្គ​បាន​ត្រាស់​បញ្ជាក់​ទៀត​ថា ពាក្យ​ថា កុំ​ទាន់​អាល​ជឿ មិនមែន​បាន​ន័យ​ថា មិន​ឲ្យ​ជឿ សោះ​នោះ​ទេ ដោយ​ព្រះ​អង្គ​ទ្រង់​បញ្ជាក់​ហេតុផល​ច្បាស់លាស់​ថា បើ​អ្នក​ទាំងឡាយ​ពិចារណា​ដោយ​បញ្ញា​ឃើញច្បាស់​ថា ពាក្យ​នេះ​ប្រព្រឹត្ត​ទៅ​ដើម្បី​សេចក្ដី​ទុក្ខ មិនមែន​ជា​ប្រយោជន៍ អ្នក​ទាំងឡាយ​គប្បី​លះបង់​ចោល​ចេញ តែបើ​ពាក្យ​ណា​ប្រព្រឹត្ត​ទៅ​ដើម្បី​សេចក្ដីសុខ សេចក្ដីចម្រើន ដើម្បី​ជា​ប្រយោជន៍​ដល់​ខ្លួន​និង​អ្នក​ដទៃ អ្នក​ទាំងឡាយ​គប្បី​សមាទាន​យក គប្បី​ប្រព្រឹត្ត​ជឿ​តាម​ចុះ ។

នេះ​ជា​ពាក្យ​បណ្តាំ​របស់​ព្រះ​សម្ពុទ្ធ​ទ្រង់​អប់រំ​ដល់​សត្វលោក​កុំឱ្យ​ឮ​គេ​ថា គេ​និយាយ​ហើយ​ចេះ​តែ​នាំ​គ្នា​ជឿ នាំ​គ្នា​ធ្វើ​តាម​ដោយ​ខ្វះ​បញ្ញា​ពិចារណា​រក​ការ​ពិត​នោះ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ