ខេត្តព្រះសីហនុ ៖ កម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថខេត្តព្រះសីហនុ កាលពីថ្ងៃទី៣ ខែកញ្ញា បានធ្វើការឃាត់ខ្លួន និងកសាងសំណុំរឿងជនសង្ស័យជនជាតិចិន៤នាក់ ទៅកាន់សាលាដំបូងខេត្ត ពាក់ព័ន្ធករណីជួញដូរដោយខុសច្បាប់…
ខេត្តព្រះសីហនុ ៖ កម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថខេត្តព្រះសីហនុ កាលពីថ្ងៃទី៣ ខែកញ្ញា បានធ្វើការឃាត់ខ្លួន និងកសាងសំណុំរឿងជនសង្ស័យជនជាតិចិន៤នាក់ ទៅកាន់សាលាដំបូងខេត្ត ពាក់ព័ន្ធករណីជួញដូរដោយខុសច្បាប់ នូវសារធាតុញៀនប្រមាណជិត៣គីក្រាម។ ជនសង្ស័យ១.ឈ្មោះ shi xue cheng ភេទប្រុស អាយុ៤១ឆ្នាំ មុខរបរមេការខារ៉ាអូខេ ២.ឈ្មោះ Pan yi ភេទប្រុស អាយុ២៩ឆ្នាំ មុខរបរជាភ្ញៀវទេសចរណ៍ ៣.ឈ្មោះ Li xin ភេទប្រុស អាយុ២៩ឆ្នាំ មុខរបរជាភ្ញៀវទេសចរណ៍ និង ៤.ឈ្មោះ chen xiao tian ភេទប្រុស អាយុ៣៩ឆ្នាំ មុខរបរជាភ្ញៀវទេសចរណ៍។
ជាមួយនឹង ការឃាត់ខ្លួន ជនសង្ស័យទាំងនាក់នេះ សមត្ថលិច្ចកងរាជអាវុធហត្ថ បានធ្វើការដកហូតវត្ថុតាងមាន ម្សៅក្រាមសថ្លា ចំនួន៣កញ្ចប់ធំ ស្មើទម្ងន់ ២,៨៨៤.៦៦ក្រាម ជ្រុញ៧ និងឧបករណ៍ប្រើប្រាស់ សម្រាប់ជក់គ្រឿងញៀនមួយចំនួនទៀត ។ សូមបញ្ជាក់ថា កាលពីរំលងអធ្រាត្រយប់ថ្ងៃទី២ កញ្ញា កម្លាំងជំនាញមន្ទីរយុត្តិធម៌ ដោយមានការសម្របសម្រួលពីលោក កៀង សុន្ទរោ ព្រះរាជអាជ្ញារងខេត្ត បានចុះបង្ក្រាបបទល្មើសគ្រឿងញៀនមួយករណី នៅចំណុចក្លឹបកម្សាន្តអ៊ីតៃជាយិន របស់ជនជាតិចិន ស្ថិតក្នុងសង្កាត់លេខ៤ ក្រុងព្រះសីហនុ ដោយបានឃាត់ខ្លួនជនសង្ស័យចំនួន១៣នាក់។
ក្រោយឃាត់ខ្លួនសមត្ថកិច្ចបានធ្វើការសាកសួរ រកឃើញជនសង្ស័យ៤នាក់ពាក់ព័ន្ធគ្រឿងញៀនជិត៣គីឡូក្រាម ចំណែកជនជាតិចិនប្រុសស្រី៩នាក់ ទៀតមិនពាក់ព័ន្ធករណីជួញដូរគ្រឿងញៀននោះ កម្លាំងសមត្ថកិច្ចកងរាជអាវុធហត្ថអនុញ្ញាតឱ្យទៅវិញ៕
ចែករំលែកព័តមាននេះ