រាជធានីភ្នំពេញ ៖ ជនសង្ស័យម្នាក់ក្នុងចំណោមបក្សពួក២នាក់ ត្រូវបានប្រជាពលរដ្ឋនាំគ្នា ឃាត់ខ្លួនបន្ទាប់ពីជិះម៉ូតូម៉ាកហុងដាសេរី២០១៨ មួយគ្រឿង ធ្វើសកម្មភាពឆក់កាបូបមិនបានសម្រេច មានការប្រតាយប្រតប់គ្នាដួលម៉ូតូ ។ ហេតុការណ៍នេះបង្កឲ្យមានការភ្ញាក់ផ្អើល…
រាជធានីភ្នំពេញ ៖ ជនសង្ស័យម្នាក់ក្នុងចំណោមបក្សពួក២នាក់ ត្រូវបានប្រជាពលរដ្ឋនាំគ្នា ឃាត់ខ្លួនបន្ទាប់ពីជិះម៉ូតូម៉ាកហុងដាសេរី២០១៨ មួយគ្រឿង ធ្វើសកម្មភាពឆក់កាបូបមិនបានសម្រេច មានការប្រតាយប្រតប់គ្នាដួលម៉ូតូ ។
ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង២និង៣០នាទី រសៀលថ្ងៃទី០៥ ខែកញ្ញា ឆ្នាំ២០១៨ នៅចំណុចផ្សារធំទួលសង្កែ ហៅផ្សារសាំហាន់ក្នុងភូមិបាក់ទូក សង្កាត់ទួលសង្កែ១ ខណ្ឌឬស្សីកែវ ។
ជនសង្ស័យដែលត្រូវឃាត់ខ្លួនឈ្មោះ សំ សេងវ៉ាន់ឌី ភេទប្រុស អាយុ១១ឆ្នាំ មានលំនៅភូមិ បឹងសាឡាង សង្កាត់ឬស្សីកែវ ខណ្ឌឬស្សីកែវ ។ ចំណែកម្ចាស់កាបូបពុំត្រូវបានស្គាល់ឈ្មោះឡើយ បន្ទាប់ពីត្រូវចោរឆក់ពុំបានសម្រេចក៏បានធ្វើដំណើរទៅបាត់ ។
តាមនគរបាលបានឲ្យដឹងថា ជនសង្ស័យមានបក្សពួក២នាក់ ជិះម៉ូតូម៉ាកហុងដាឌ្រីមសេ១២៥ សេរី២០១៨ ពាក់ស្លាកលេខ ភ្នំពេញ ១HC- ៥០៩៨ ។ តាមព័ត៌មានឲ្យដឹងថា នៅមុនពេលកើតហេតុគេឃើញស្ត្រីជាម្ចាស់កាបូបធ្វើដំណើរតាមផ្លូវបេតុងក្នុងទិសដៅពីកើតទៅលិច ។ នៅពេលធ្វើដំណើរជិតដល់ផ្សារសាំហាន់ ស្រាប់តែជនសង្ស័យ២នាក់ជិះម៉ូតូម៉ាកហុងដាខាងលើធ្វើដំណើរមកទន្ទឹមធ្វើសកម្មភាពឆក់កាបូបតែម្តង ។
តាមសាក្សីបានបន្តទៀតនៅក្នុងសកម្មភាពឆក់ពុំបានសម្រចនោះទេ មានការប្រទាញប្រទង់គ្នាបណ្តាលឲ្យម៉ូតូជនសង្ស័យដួល ហើយត្រូវបានប្រជាពលរដ្ឋនាំគ្នាឃាត់ខ្លួនបានម្នាក់ ។ ចំណែកម្នាក់ទៀតគេចខ្លួនបាត់ស្រមោល ។ ជនសង្ស័យរួមទាំងម៉ូតូត្រូវបាននគរបាលនាំខ្លួន មកស្នាក់ការប៉ុស្តិ៍នគរបាលទួលសង្កែ១ ដើម្បីសាកសួរ និងចាត់ការតាមច្បាប់ ៕
ចែករំលែកព័តមាននេះ