រាជធានីភ្នំពេញ ៖ ស្ត្រីតែងខ្លួនជាបុរសម្នាក់ សង្ស័យមានសតិមិនគ្រប់និងមានស្នាមរបួសហើមជាំផ្ទៃមុខ ដៃជើង និងស្មាផង បានដើរទៅឡើងជិះលើម៉ូតូ១គ្រឿង ដែលម្ចាស់គេចតទុកនៅលើចិញ្ចើមផ្លូវមុខផ្សារ ជម្ពូវ័ន បន្ទាប់មកថែមទាំងបានស្រែកដោយខ្លួនឯងថា…
រាជធានីភ្នំពេញ ៖ ស្ត្រីតែងខ្លួនជាបុរសម្នាក់ សង្ស័យមានសតិមិនគ្រប់និងមានស្នាមរបួសហើមជាំផ្ទៃមុខ ដៃជើង និងស្មាផង បានដើរទៅឡើងជិះលើម៉ូតូ១គ្រឿង ដែលម្ចាស់គេចតទុកនៅលើចិញ្ចើមផ្លូវមុខផ្សារ
ជម្ពូវ័ន បន្ទាប់មកថែមទាំងបានស្រែកដោយខ្លួនឯងថា «ចោរៗ» បង្កការភ្ញាក់ផ្អើលដល់អ្នកផ្សារខាងលើនោះថែមទៀតផង ។
ហេតុការណ៍ខាងលើ បានកើតឡើងកាលពីវេលាម៉ោង០៦ និង១០នាទីព្រឹកថ្ងៃទី០៥ កញ្ញា ស្ថិតតាមផ្លូវជាតិលេខ៤ ត្រង់ចំណុចមុខផ្សារជម្ពូវ័ន សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ។
ស្ត្រីខាងលើនោះ មិនត្រូវបានស្គាល់អត្តសញ្ញាណនោះឡើយ ព្រោះសូម្បីតែរូបនាងខ្លួនឯង ក៏មិនបានស្គាល់ឈ្មោះនិងអាសយដ្ឋានរបស់ខ្លួនឯងច្បាស់ដែរ ។ ចំណែករបួសហើមជាំនៅលើផ្ទៃមុខដៃជើងនិងស្មារបស់នាងនោះ នាងមិនដឹងច្បាស់ថា បណ្ដាលមកពីអ្វីឡើយ ដោយម្ដងនិយាយថា ត្រូវគេវាយ ម្ដងទៀតថាដើរដួលដោយខ្លួនឯង ។
តាមប្រភពបានឲ្យដឹងថា ស្ត្រីរូបនេះកាត់សក់ខ្លី និងស្លៀកពាក់ជាបុរស បានដើររេរានៅមុខផ្សារជម្ពូវ័ន។ បន្តិចក្រោយមក ស្រាប់តែឡើងជិះម៉ូតូដែលម្ចាស់ចតទុកនៅលើចិញ្ចើមផ្លូវ ។ បន្ទាប់មក បានស្រែកថា «ចោរៗ» បង្កការភ្ញាក់ផ្អើលពេញផ្សារ ។ សន្តិសុខផ្សារជម្ពូវ័នបានរាយការណ៍ជូននគរបាលឲ្យចុះយកទៅធ្វើការសាកសួរនៅប៉ុស្តិ៍ចោមចៅ៣ភ្លាមៗតែម្ដង។
នគរបាលប៉ុស្តិ៍ចោមចៅ៣ ក្រោយពេលសួរនាំទៅយកជាការមិនបាន ទើបហៅខាងមន្ត្រីមន្ទីរសង្គមកិច្ចរាជធានីភ្នំពេញ នាំយកស្ត្រីខាងលើ ទៅធ្វើការពិនិត្យអាការៈជំងឺនិងថែទាំតាមជំនាញ ។
ចែករំលែកព័តមាននេះ