រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់បានត្រូវប្រជាពលរដ្ឋព័ទ្ធចាប់ បាន ខណៈពេលកំពុងធ្វើសកម្មភាពលួចខ្វេះម៉ាញេតូម៉ូតូឌ្រីមសេ១២៥ ពណ៌ខ្មៅ ស៊េរី២០០៧ មួយគ្រឿង កាលពីវេលាម៉ោង៦និង៣៥នាទីល្ងាចថ្ងៃទី៣០ មេសា នៅមហាវិថីសហព័ន្ធរុស្ស៊ី មុខភោជនីយដ្ឋានតេលាទឹកថ្លា ក្នុងសង្កាត់ទឹកថ្លា ខណ្ឌសែនសុខ ។
រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់បានត្រូវប្រជាពលរដ្ឋព័ទ្ធចាប់ បាន ខណៈពេលកំពុងធ្វើសកម្មភាពលួចខ្វេះម៉ាញេតូម៉ូតូឌ្រីមសេ១២៥ ពណ៌ខ្មៅ ស៊េរី២០០៧ មួយគ្រឿង កាលពីវេលាម៉ោង៦និង៣៥នាទីល្ងាចថ្ងៃទី៣០ មេសា នៅមហាវិថីសហព័ន្ធរុស្ស៊ី មុខភោជនីយដ្ឋានតេលាទឹកថ្លា ក្នុងសង្កាត់ទឹកថ្លា ខណ្ឌសែនសុខ ។
ជនសង្ស័យដែលត្រូវប្រជាពលរដ្ឋព័ទ្ធចាប់បានប្រគល់ឱ្យប៉ូលិសនោះឈ្មោះថា ប្រុស អាយុ៣១ឆ្នាំ មុខរបរជាងកាត់សក់ ស្នាក់នៅក្នុងសង្កាត់មនោរម្យ ខណ្ឌ៧មករា ឯជនសង្ស័យម្នាក់ទៀតដែលរត់គេចខ្លួនរួចឈ្មោះធី អាយុ២៥ឆ្នាំ ។ ចំណែកម្ចាស់ម៉ូតូឈ្មោះ ហ៊ុន ទិត្យ អាយុ២៥ឆ្នាំ ជាអ្នកគិតលុយក្នុងភោជនីយដ្ឋានតេលាទឹកថ្លា ស្នាក់នៅក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីកន្លែងកើតហេតុឱ្យដឹងថា ជនសង្ស័យទាំង២នាក់ជិះម៉ូតូឌ្រីមសេ១២៥ ពណ៌ខ្មៅ ស៊េរី២០១២ មួយគ្រឿង ពាក់ស្លាកលេខភ្នំពេញ 1BT-4860 មកឈប់នៅមុខភោជនីយដ្ឋានតេលាទឹកថ្លាប្រមាណ៥នាទី ក៏ឃើញបុរសម្នាក់ដែលជិះពីក្រោយទៅឈរក្បែរម៉ូតូឌ្រីមសេ១២៥ ពណ៌ខ្មៅ ស៊េរី២០០៧ មួយគ្រឿង ពាក់ស្លាកលេខកណ្តាល 1J-2000 ។ ខណៈឃើញដូចនេះម្ចាស់ម៉ូតូសង្ស័យ ក៏ដើរទៅមើលស្រាប់តែឃើញបុរសនោះកំពុងលួចខ្វេះម៉ាញេតូម៉ូតូរបស់ខ្លួន ហើយក៏ស្រែកឆោឡោឡើងឱ្យគេជួយចាប់ចោរទាំង២នាក់នោះ ។ ពេលនោះប្រជាពលរដ្ឋផ្អើលព័ទ្ធចាប់បានម្នាក់ដែលកំពុងអង្គុយលើម៉ូតូ ឯម្នាក់ទៀតដែលធ្វើសកម្មភាពនោះរត់គេចខ្លួនបាត់ស្រមោល ។
ក្រោយពេលឃាត់ខ្លួនបានជនសង្ស័យម្នាក់និងម៉ូតូឌ្រីមសេ១២៥ ពណ៌ខ្មៅ ស៊េរី២០១២ មួយគ្រឿងដែលជននេះជិះធ្វើសកម្មភាព ប្រជាពលរដ្ឋក៏បានប្រគល់ឱ្យប៉ូលិសប៉ុស្តិ៍រដ្ឋបាលទឹកថ្លា ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ