រាជធានីភ្នំពេញ ៖ ក្រសួងយុត្តិធម៌ និងសហគមន៍អឺរ៉ុបនៅព្រឹកថ្ងៃទី៣១ ខែសីហា ឆ្នាំ២០១៨នេះបានរៀបចំសិក្ខាសាលាបញ្ចប់គម្រោងរៀបចំគោលនយោបាយស្តីពីជំនួយផ្លូវច្បាប់ ។ គោលបំណងនៃសិក្ខាសាលានេះ ដើម្បីបញ្ចប់គម្រោងជាផ្លូវការបង្ហាញលទ្ធផលសំខាន់ៗនិងគោលការណ៍ណែនាំស្តីពីការធ្វើសុខដុមនីយ៍កម្មច្បាប់ ស្តីពីគណៈមេធាវិក%…
រាជធានីភ្នំពេញ ៖ ក្រសួងយុត្តិធម៌ និងសហគមន៍អឺរ៉ុបនៅព្រឹកថ្ងៃទី៣១ ខែសីហា ឆ្នាំ២០១៨នេះបានរៀបចំសិក្ខាសាលាបញ្ចប់គម្រោងរៀបចំគោលនយោបាយស្តីពីជំនួយផ្លូវច្បាប់ ។
គោលបំណងនៃសិក្ខាសាលានេះ ដើម្បីបញ្ចប់គម្រោងជាផ្លូវការបង្ហាញលទ្ធផលសំខាន់ៗនិងគោលការណ៍ណែនាំស្តីពីការធ្វើសុខដុមនីយ៍កម្មច្បាប់ ស្តីពីគណៈមេធាវិក% ដូចជា ធ្វើការពិភាក្សាពីជំហានបន្ទាប់ជុំវិញការស្វែងរកមតិគាំទ្រ និងការអនុវត្ត ។ សិក្ខាសាលានេះក្រោមអធិបតីរបស់ជិន ម៉ាលីន អនុរដ្ឋលេខាក្រសួងយុត្តិធម៌ ពិធីនេះធ្វើឡើងនៅសណ្ឋាគារកាំបូឌីយ៉ាណា ។
យោងតាមឯកសារក្រសួងយុត្តិធម៌បានលើកឡើងថា ក្នុងការកំណត់ពីបទចោទព្រហ្មទណ្ឌមកលើខ្លួន ជនគ្រប់រូប មានសិទ្ធិទទួលបានការធានាក្នុងកម្រិតអប្បរមាដូចជា ការទទូលបានការការពារក្តី ដោយខ្លួនមានវត្តមានក្នុងសមភាពពេញលេញ និងការពារខ្លួនផ្ទាល់ ឬតាមរយៈជំនួយផ្លូវច្បាប់ ពីមេធាវីដែលខ្លួនជ្រើសរើសទទួលបានព័ត៌មានគ្រប់គ្រាន់ ប្រសិនបើខ្លួនពុំបានទទួលជំនួយផ្លូវច្បាប់នេះ គឺជាសិទ្ធិមួយ និងទទួលបានជំនួយផ្លូវច្បាប់ពីមេធាវីដែលត្រូវបានចាត់តាំងឲ្យខ្លួន ក្នុងករណីដែលមានការតម្រូវ ដើម្បីជាប្រយោជន៍ក្នុងការផ្តល់យុត្តិធម៌ និងពុំចាំបាច់ទូតទាត់ដល់មេធាវីដែលចាត់តាំងឲ្យខ្លួននៅក្នុងករណីដែលជននេះពុំមានមធ្យោបាយគ្រប់គ្រាន់ ដើម្បីបង់ថ្លៃមេធាវីនេះ ។
ក្រសួងយុត្តិធម៌បានបញ្ជាក់ថា គោលនយោបាយថ្មីស្តីពីជំនួយផ្លូវច្បាប់គួររៀបចំឡើងដោយមានការចូលរួមពីអ្នកពាក់ព័ន្ធនានាចាប់ពីដើមដំបូងទៅនឹងត្រូវធ្វើការពិចារណាពីបរិបទប្រទេសកម្ពុជាពោល គឺមិនត្រូវគ្រាន់តែចម្លងតាមគោលនយោបាយដែលមានស្រាប់នោះឡើយ ។ គម្រោងនេះនឹងធ្វើការពិចារណាប្រើប្រាស់ដំណើរការដែលមានលក្ខណៈចំហបែបនេះ ដោយលើកស្នើនូវវិធីសាស្ត្រវាយតម្លៃផលប៉ះពាល់គោលនយោបាយ និងធ្វើការកែសម្រួល បញ្ជាក់ចំណុចមួយចំនួនតូចពាក់ព័ន្ធ និងផលដែលត្រូវសម្រេចបានចេញគម្រោងនេះ ។
ការវាយតម្លៃបឋមលើកជំនួយផ្លូវច្បាប់នៅកម្ពុជាបានលើកឡើងថា គោលនយោបាយស្តីពីជំនួយផ្លូវច្បាប់បច្ចុប្បន្នដូចមាននៅក្នុងយុទ្ធសាស្ត្រស្តីពីកំណែទម្រង់ច្បាប់ និងយុត្តិធម៌ឆ្នាំ២០០៣ ពុំមានវិសាលភាពគ្រប់គ្រាន់ ដើម្បីផ្តល់ជំនួយផ្លូវច្បាប់ដល់ជនក្រីក្រ និងជនដែលងាយរងគ្រោះក្នុងប្រព័ន្ធយុត្តិធម៌ព្រហ្មទណ្ឌនោះឡើយ ។ ក្នុងរយៈពេល១០ឆ្នាំកន្លងមកនេះ ជំនួយផ្លូវច្បាប់ដែលផ្តល់ដោយអង្កការមិនមែនរដ្ឋាភិបាលមានការថយចុះ៥៣% ។ ដូច្នេះថវិការបស់រដ្ឋាភិបាលកម្ពុជាសម្រាប់ផ្តល់ជំនួយផ្លូវច្បាប់ត្រូវបានបង្កើនឡើង (បច្ចប្បន្ននេះមានចំនួន១២០.០០០ដុល្លារអាមេរិក) ។ ក្រសួងយុត្តិធម៌មានលើកឡើងថា ថវិកាត្រូវបានផ្តល់តាមរយៈគណៈមេធាវីនៃព្រះរាជាណាចក្រកម្ពុជាដែលពុំគ្រប់គ្រាន់សម្រាប់បំពេញតម្រូវការរបស់ប្រជាពលរដ្ឋក្រីក្រទាំងខាងគុណភាពទាំងខាងបរិមាណ ។
ដូច្នេះស្ថានភាពជំនួយផ្លូវច្បាប់នៅកម្ពុជាចាំបាច់ត្រូវមានការកែលំអបន្ថែមទៀត ដើម្បីបំពេញទៅតាមស្តង់ដាអន្តរជាតិក៏ដូចជា បទដ្ឋាននានាដែលចែងក្នុងរដ្ឋធម្មនុញ្ញកម្ពុជា ។ ក្រសួងយុត្តិធម៌បានលើកឡើងថា ក្របខណ្ឌការងារច្បាប់ និងស្ថាប័នសម្រាប់ជំនួយផ្នែកច្បាប់ដែលប្រព័ន្ធយុត្តិធម៌ក្រៅផ្លូវការ និងប្រព័ន្ធយុត្តិធម៌ផ្លូវការ មានមុខងារដ៏សំខាន់មួយរបស់រដ្ឋ គឺដើម្បីធានានូវច្បាប់ និងសណ្តាប់ធ្នាប់ល្អ ។ ច្បាប់ និងសណ្តាប់ធ្នាប់នៅក្នុងសង្គមមួយអាចសម្រេចទៅបានតាមរយៈការបង្កើតឲ្យមានប្រព័ន្ធមួយដែលអនុញ្ញាតឲ្យមនុស្សគ្រប់រូបអាចដោះស្រាយជម្លោះបានដោយសន្តិវិធី ។ ដើម្បីអាចដោះស្រាយជម្លោះទាំងនេះបានរដ្ឋត្រូវបង្កើតឲ្យមានប្រព័ន្ធយុត្តិធម៌មួយ ។
ជារឿយៗប្រព័ន្ធយុត្តិធម៌ផ្លូវការត្រូវបានបំពេញបន្ថែមដោយប្រព័ន្ធក្រៅផ្លូវការដែលមានគោលដៅដោះស្រាយជម្លោះដោយមិនប្រើតុលាការតាមរយៈវិធីសាស្ត្រដោះស្រាយវិវាទក្រៅប្រព័ន្ធតុលាការ ។ ស្ថាប័នយុត្តិធម៌ក្រៅផ្លូវការមានដូចជា មជ្ឈមណ្ឌលសេវាតុលាការ សន្ធានការីតុមូលសន្តិភាព ៕
ចែករំលែកព័តមាននេះ