រាជធានីភ្នំពេញ ៖ នាព្រឹកថ្ងៃទី៣០ ខែសីហា ឆ្នាំ២០១៨នេះ មានការរៀបចំពិធីបញ្ចុះបឋមសិលា បើកការដ្ឋានសាងសង់ផ្សារទំនើបជីបម៉ុង២៧១ មេហ្គាម៉ល ស្ថិតនៅតាមបណ្តោយផ្លូវលេខ២៧១ ក្នុងសង្កាត់ចាក់អង្រែលើ…
រាជធានីភ្នំពេញ ៖ នាព្រឹកថ្ងៃទី៣០ ខែសីហា ឆ្នាំ២០១៨នេះ មានការរៀបចំពិធីបញ្ចុះបឋមសិលា បើកការដ្ឋានសាងសង់ផ្សារទំនើបជីបម៉ុង២៧១ មេហ្គាម៉ល ស្ថិតនៅតាមបណ្តោយផ្លូវលេខ២៧១ ក្នុងសង្កាត់ចាក់អង្រែលើ ខណ្ឌមានជ័យ ។
ក្រោមវត្តមានដ៏ខ្ពង់ខ្ពស់ឯកឧត្តមទេសរដ្ឋមន្ត្រីជា សុផារ៉ា រដ្ឋមន្ត្រីក្រសួងរៀបចំដែនដីនគររូបនីយកម្ម និងសំណង់ និងមានការចូលរួមពីសំណាក់ភ្ញៀវជាតិ និងអន្តរជាតិ អស់លោក លោកស្រី ឧកញ៉ា រួមទាំងក្រុមមន្ត្រីរាជការ ជាច្រើននាក់ផងដែរ ។ នៅព្រឹកថ្ងៃខែដដែលនេះក្រុមហ៊ុនខាងលើក៏បានរៀបចំពិធីក្រុងពាលីសូត្រមន្ត ដើម្បីសុំសេចក្តីសុខសប្បាយផងដែរ ។
ដោយផ្សារទំនើបជីបម៉ុង២៧១ មេហ្គាម៉លខាងលើ គឺសាងសង់ឡើងនៅលើផ្ទៃដីប្រមាណជាង៤១ហិកតា ដែលជាផ្សារទំនើបមួយដែលមានផាកសុខភាពល្អ និងការរៀបចំតុបតែងដ៏ប្រណីត រួមទាំងសោភ័ណ្ឌល្អផងដែរ ។
ចំពោះគម្រោងសាងសង់ចំណាយអស់ ២៥២លានដុល្លារអាមេរិក ហើយនឹងសាងសង់រួចរាល់នៅឆ្នាំ២០២០ ខាងមុខនេះ ។
សូមបញ្ជាក់ ៖ ក្រុមហ៊ុនជីបម៉ុងគ្រុបជាមួយក្រុមហ៊ុនជីបម៉ុងរីថេល ជាម្ចាស់គម្រោងសាងសង់ផ្សារទំនើបខាងលើនេះ ៕
ចែករំលែកព័តមាននេះ