ស្រវឹងហើយបើកបរមានអីនៅទៀត ប្រាវរបួសធ្ងន់ស្រាល៣នាក់មានទាំងក្មេងទៀត
- កែប
ខេត្តកែប ៖ មនុស្សបីនាក់ក្នុងចំណោមនោះមានក្មេងម្នាក់បានរងរបួសធ្ងន់ស្រាលក្នុងករណីគ្រោះថ្នាក់ចរាចរណ៍រវាងម៉ូតូនឹងម៉ូតូដោយគ្រោះថ្នាក់នេះផ្តើមឡើងដោយភាគីម្ខាងស្រវឹងជិះម៉ូតូមិនគោរពផ្លូវអទិភាពទើបបង្កជាគ្រោះថ្នាក់បែបនេះ ។ ហេតុការណ៍ខាងលើបានកើតឡើងកាលពីវេលាម៉ោង៦និង៥៥នាទីព្រលប់ ថ្ងៃទី២៥ ខែសីហា ឆ្នាំ២០១៨ ត្រង់ចំណុចខាងជើងវត្តកែវក្រសាំង ស្ថិតក្នុងភូមិកែវក្រសាំង សង្កាត់កែប ក្រុង-ខេត្តកែប លើកំណាត់ផ្លូវលេខ33A ។
នគរបាលបានបញ្ជាក់ទៀតថា ភាគីរងរបួសស្រាលជិះម៉ូតូC125 ពណ៌ខ្មៅ ស៊េរីឆ្នាំ២០០៩ ពាក់ផ្លាកលេខ កែប 1A-1890 បើកបរដោយឈ្មោះ ប៉ាល់ ពាន អាយុ៦៨ឆ្នាំ មុខរបរកសិករ រស់នៅភូមិកែវក្រសាំង សង្កាត់កែប ក្រុងកែប របួសស្រាល ។ ចំណែកអ្នករួមដំណើរឈ្មោះ ពេញ ចាន់ដារ៉ា ភេទប្រុស អាយុ៦ឆ្នាំ ត្រូវជាចៅរស់នៅជាមួយគ្នា ។
ចែករំលែកព័តមាននេះ