ជាងជួសជុលរថយន្តម្នាក់ជិះម៉ូតូបុ.កពីក្រោយរថយន្តមិនចាំម៉ាក ១គ្រឿង រងរបួ.សធ្ងន់ នៅផ្លូវជាតិលេខ៣
- ភ្នំពេញ
រាជធានីភ្នំពេញ៖ បុរសជាជាងជួសជុលរថយន្តម្នាក់បានជិះម៉ូតូ១គ្រឿងជ្រុលទៅបុកពីក្រោយរថយន្តមិនចាំម៉ាក១គ្រឿងទៀត ដែលកំពុងបើកបរស្របទិសគ្នានៅខាងមុខ បណ្ដាលឲ្យដួលម៉ូតូបោកផ្ទប់ថ្នល់បែកក្បាលរងរបួសធ្ងន់ធ្ងរ បន្ទាប់មករថយន្តខាងលើបានបើកបន្តទៅមុខបាត់ស្រមោល មិនបានឈប់រកខុសត្រូវអ្វីឡើយ ។
ឧប្បត្តិហេតុនេះបានកើតឡើងកាលពីវេលាម៉ោង៩និង៤០នាទីព្រឹកថ្ងៃទី០៦ ខែសីហា ឆ្នាំ២០៦ នៅតាមផ្លូជាតិលេខ៣ ស្ថិតនៅក្នុងភូមិព្រៃព្រីងខាងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
បុរសអ្នកលក់ផ្លែដួងតាមម៉ូតូសណ្ដោងរ៉ឺម៉កម្នាក់បាននិយាយថា នៅវេលាម៉ោងខាងលើ គាត់បានឃើញបុរសរងគ្រោះជិះម៉ូតូ១គ្រឿងម៉ាកហុងដាវ៉េវអ៊ីពណ៍ក្រហម ពាក់ស្លាកលេខភ្នំពេញ1BU-3358 ធ្វើដំណើរតាមផ្លូវជាតិលេខ៣ ក្នុងទិសដៅពីត្បូងទៅជើង ។ លុះពេលទៅដល់ត្រង់ចំណុចកើតហេតុ ក៏ជ្រុលទៅបុកពីក្រោយរថយន្ត១គ្រឿងទៀត មិនចាំម៉ាកនិងស្លាកលេខ ដែលកំពុងបើកបរស្របគ្នា បណ្ដាលឲ្យដួលម៉ូតូបោកផ្ទប់ថ្នល់បែកក្បាលរងរបួសធ្ងន់ធ្ងរសន្លប់ស្ដូកស្ដឹងតែម្ដង ។
ប្រភពដដែលបានប្រាប់ឲ្យដឹងបន្តថា ក្រោយពេលកើតហេតុរថយន្តខាងលើមិនបានឈប់ដើម្បីរកខុសត្រូវនាំមានរឿងវែងឆ្ងាយនោះទេ ក៏បានបើកបន្តដំណើរទៅមុខបាត់ដោយសុវត្ថិភាព ។ បន្ទាប់មកជាងជួសជុលរងគ្រោះរូបនោះ ក៏ត្រូវបានក្រុមសង្គ្រោះអង្គភាព៧១១ បញ្ជូនទៅសង្គ្រោះបន្ទាន់នៅមន្ទីរពេទ្យ ព្រះកុសុមៈ ព្រោះគ្រោះថ្នាក់ចរាចរណ៍នេះកើតឡើងនៅជិតក្រុមសង្គ្រោះនោះផងដែរ ៕
ចែករំលែកព័តមាននេះ