ខេត្តកំពង់ស្ពឺ ៖ ព្រោះតែរឿងនំ៤កញ្ចប់សោះ បណ្តាលឲ្យបុរសពិការម្នាក់រងនូវការកាប់ប្រហារជាច្រើនកាំបិត ពីសំណាក់ជនដៃដល់មួយរូបដែលប៉ុនប៉ងសម្លាប់ ដោយសារតែជនរងគ្រោះឃើញជនដៃដល់លួចនំរបស់ខ្លួនដែលដាក់លក់យកទៅឲ្យចៅរបស់ខ្លួន ។ ករណីកាប់ប្រហារនេះកើតឡើងកាលពីវេលាម៉ោង១៩យប់ ថ្ងៃទី២៤ ខែសីហា…
ខេត្តកំពង់ស្ពឺ ៖ ព្រោះតែរឿងនំ៤កញ្ចប់សោះ បណ្តាលឲ្យបុរសពិការម្នាក់រងនូវការកាប់ប្រហារជាច្រើនកាំបិត ពីសំណាក់ជនដៃដល់មួយរូបដែលប៉ុនប៉ងសម្លាប់ ដោយសារតែជនរងគ្រោះឃើញជនដៃដល់លួចនំរបស់ខ្លួនដែលដាក់លក់យកទៅឲ្យចៅរបស់ខ្លួន ។
ករណីកាប់ប្រហារនេះកើតឡើងកាលពីវេលាម៉ោង១៩យប់ ថ្ងៃទី២៤ ខែសីហា ឆ្នាំ២០១៨ នៅភូមិតាមិញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ បង្កដោយជនសង្ស័យឈ្មោះ យ៉ុង កេន ភេទប្រុស អាយុ៦៧ឆ្នាំ ។ ចំណែកជនរងគ្រោះឈ្មោះ សុខ ហុន ភេទប្រុស អាយុ៣៨ឆ្នាំ មានទីលំនៅកន្លែងកើតហេតុខាងលើ ។
លោកវរសេនីយ៍ឯក ផ្គាក់ ដោយសារតែជនដៃដល់ខឹងនឹងជនរងគ្រោះស្តីឲ្យរឿងលួចនំរបស់ខ្លួនយកទៅឲ្យចៅ ប៊ុត ប៊ុនធឿន អធិការនគរបាលស្រុកឱរ៉ាល់បានប្រាប់ថា ជនរងគ្រោះបានរងនូវការកាប់ត្រូវចំនួន០៦កាំបិត ។
តាមការរៀបរាប់របស់សាច់ញាតិជនរងគ្រោះបានឲ្យសមត្ថកិច្ចដឹងថា កាលពីថ្ងៃទី២១ សីហាជនដៃដល់បានមកផ្ទះជនរងគ្រោះដែលមានដាក់ល់នំ និងចាប់ហួយពេលនោះទំនងជាអត់ឃើញមានមនុស្សជនដៃដល់បានលួចនំ៤កញ្ចប់ ពេលនោះស្រាប់តែជនរងគ្រោះឃើញហើយស្តីឲ្យរបៀបលេងសើចថា តាឯងលួចនំខ្ញុំប្រយ័ត្នខ្ញុំប្តឹងឲ្យប៉ូលិសចាប់ដាក់គុក ។ ថាហើយជនរងគ្រោះក៏នៅផ្ទះដូចធម្មតា ហើយជនដៃដល់ក៏ចេញបាត់ទៅ ។ លុះមុនពេលកើតហេតុ ខណៈជនរងគ្រោះកំពុងនៅផ្ទះជុំប្រពន្ធដូចសព្វដង ស្រាប់តែលេចមុខជនដៃដល់ដែលក្នុងដៃកាន់កាំបិតផ្គាប់បានមកកាប់ប្រហារលើជនរងគ្រោះចំនួន០៦កាំបិតឃើញដូចច្នោះប្រពន្ធជនរងគ្រោះចូលទៅជួយក៏ត្រូវជនដៃដល់កាប់ត្រូវមួយកាំបិតផងដែរ ។
ប្រពន្ធជនរងគ្រោះឈ្មោះ ញ៉ូញ យីម អាយុ៤២ឆ្នាំ ត្រូវក្បាល០១កាំបិត បណ្ដាលឲ្យរងរបួសធ្ងន់ទាំង២នាក់ប្តីប្រពន្ធតែម្តង ។ ក្រោយកើតហេតុសាច់ញាតិ និងអ្នកភូមិបានបញ្ជូនទៅព្យាបាលនៅភ្នំពេញទាំងយប់តែម្តង ។ បន្ទាប់មកជនសង្ស័យក៏ត្រូវបានប្រជាការពារ និងសមត្ថកិច្ចចូលទៅឃាត់ខ្លួន ស្រាប់តែជននេះបានកាប់មកលើសមត្ថកិច្ចទៀតផង តែសំណាងល្អរបូតកាំបិតចេញពីដងកុំអីមិនដឹងជារងរបួសមនុស្សប៉ុន្មាននាក់នោះទេ ។ ក្រោយបង្កសមត្ថកិច្ចបាននាំខ្លួនមករក្សាទុកបណ្តោះអាសន្ននៅអធិការដ្ឋាននគរបាលស្រុក ដើម្បីកសាងសំណុំរឿងតាមនីតិវិធី ។
បញ្ជាក់ ៖ ករណីនេះកើតឡើងបណ្តាលមកពីជនសង្ស័យឈ្មោះ យ៉ុង កេន មានគំនិតច្រណែនជាមួយគ្រួសារជនរងគ្រោះ(ពិការ) ដែលរកស៊ីមានបានជាងខ្លួន លើសពីនេះ គឺកាលពីថ្ងៃទី២១ សីហាជនដៃដល់បានលួចនំរបស់ជនរងគ្រោះដែលដាក់លក់យកទៅឲ្យចៅរបស់ខ្លួនចំនួន៤កញ្ចប់ហើយពេលនោះជនរងគ្រោះបានស្តីបន្ទោស និងនិយាយលេងថា ប្តឹងឲ្យប៉ូលិសចាប់ដាក់គុកទើបជនសង្ស័យមានគំនិតចង់កាប់ក្នុងគោលបំណងសម្លាប់បំបិតមាត់តែម្តង ។
នៅចំពោះមុខសមត្ថកិច្ចជនសង្ស័យបាននិយាយថា មូលហេតុដែលខ្លួនកាប់ប្រហារជនរងគ្រោះដោយសារខឹងវាមានជាងខ្លួន ហើយម្យ៉ាងទៀតខ្លាចជនរងគ្រោះប្តឹងឲ្យសមត្ថកិច្ចឃាត់ខ្លួនរឿងលួចនំ៤កញ្ចប់ កាលពីថ្ងៃទី២១ កន្លងមក ។ លើសពីនេះទៅទៀតជនដៃដល់បានប្រាប់សមត្ថកិច្ចថា ឲ្យបាញ់គាត់ចោលទៅ បើមិនបាញ់ចោលទេ គាត់នឹងសម្លាប់ខ្លួននៅក្នុងគុកជាក់ជាមិនខានឡើយ ។
លោកអធិការបាននៅព្រឹកថ្ងៃទី២៥ សីហា ២០១៨ នេះថា ក្រោយស្តាប់ចម្លើយសារភាពរួចមកកម្លាំងជំនាញបានកសាងសំណុំរឿងបញ្ជូនទៅកាន់ការិយាល័យព្រហ្មទណ្ឌ ដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ