ខាងក្រោមនេះនឹងបង្ហាញអ្នកពីផ្លែឈើដលមិនត្រឹមតែធ្វើឲ្យអ្នកស្គមមិនបានទេ ថែម ទាំងធ្វើឲ្យអ្នកងាយឡើងទម្ងន់ទៀតផង ។ តើ មានផ្លែឈើអ្វីខ្លះទៅ ?
1.ទុរ៉េន អ្នកមិនគួរញ៉ាំច្រើនឡើយ ព្រោះវាមិនត្រឹមតែធ្វើឲ្យអ្នកមានរាងដូចជាធុងសាំងនោះទេ ថែមទាំងធ្វើឲ្យអ្នកក្តៅក្នុងទៀតផង ។ ដូចនេះបើអ្នកបរិភោគច្រើនក្នុងរយៈពេលខ្លី អ្នកនឹងបំផ្លាញរូបរាងដ៏ស្អាតរបស់អ្នកបានយ៉ាងងាយ ។
2.ផ្លែឪឡឹក អ្នកមិនគួរពិសាច្រើនឡើយ ព្រោះនៅក្នុងនោះសម្បូរទៅដោយជាតិស្ករខ្ពស់។ បើអ្នកញ៉ាំឪឡឹកចំនួនកន្លះផ្លែ ប្រៀបដូចពិសាបាយអស់ចំនួនពីរចាន ។ ជាហេតុដែលធ្វើឲ្យអ្នកធាត់ដោយមិនដឹងខ្លួន ។
3.ផ្លែប៊័រ មានផ្ទុកកាឡូរីខ្ពស់ ដោយធ្វើឲ្យរាងអ្នកងាយប្រែប្រួលខ្លាំងណាស ់។ ដូចនេះនៅពេលដែលអ្នកបរិភោគផ្លែប៊័រនេះរួច អ្នកមិនគួរញ៉ាំអាហារដែលមានជាតិខ្លាញ់ខ្ពស់ឡើយ ទើបមិនធ្វើឲ្យប៉ះពាល់ដល់រូបរាងរបស់អ្នក ។
4.ផ្លែគូលេន មានផ្ទុកជាតិស្ករខ្ពស់ ដោយអ្នកពិសាផ្លែឈើនេះមួយផ្លែ ប្រៀបដូចញ៉ាំទឹកស្ករចំនួនមួយម៉ាត់អ៊ីចឹង ។ ដូចនេះបើអ្នកមិនចង់ធាត់ដោយមិនដឹងមូលហេតុ ហើយមិនចង់ក្តៅក្នុងដោយមិនដឹងខ្លួន អ្នកមិនគួរបរិភោគផ្លែឈើមួយនេះច្រើនក្នុងពេលតែមួយឡើយ ។
5.ទឹកដូងក៏ងាយធ្វើឲ្យអ្នកធាត់ដែរ ដោយនៅក្នុងនោះក៏មានជាតិស្ករផងដែរ ។ ដូចនេះ អ្នកគួរតែប្រយ័តុ្នក្នុងការញ៉ាំ ដោយគ្រប់គ្រងបរិមាណឲ្យបានល្អ។
6.ផ្លែមៀន ក៏អាចធ្វើឲ្យអ្នកឡើងទម្ងន់ដោយមិនដឹងខ្លួនដែរ ថែមទាំងអាចធ្វើឲ្យអ្នកងាយក្តៅក្នុងដូចគ្នា ។ ដូចនេះអ្នកគួរតែគិតឲ្យបានច្បាស់ មុននឹងបរិភោគ ។
7.ផ្លែចេក ក៏មានផ្ទុកកាឡូរីខ្ពស់ដែរ ដោយអ្នកគួរតែពិសារក្នុងបរិមាណដែលសមស្រប ទើបមិនធ្វើឲ្យអ្នកឡើងទម្ងន់ ដោយធ្វើឲ្យរូបរាងប្រែប្រួលខ្លាំង ។ ដូចនេះក្នុងពេលដែលអ្នកបរិភោគផ្លែឈើទាំងនេះ អ្នកគួរតែប្រយ័ត្ន កុំល្មោភញ៉ាំឲ្យសោះ បើមិនចង់ឲ្យរាងរត់អស (ប្រភពពី៖ Health.com.kh)៕
ចែករំលែកព័តមាននេះ