ខេត្តកំពត ៖ តាមសេចក្តីរាយការណ៍បឋមបានឲ្យដឹងថា មានករណីមួយបានធ្វើឲ្យមានការភ្ញាក់ផ្អើល ដោយជនជាតិហ្វាំងឡង់ម្នាក់បានសម្រេចចិត្តចង.កធ្វើអត្តឃាតសម្លាប់ខ្លួន កាលពីម៉ោង១និង៣០នាទី រំលងអធ្រាត្រឈានចូលថ្ងៃទី២១ សីហា ២០១៨ មូលហេតុតូចចិត្តខឹងសង្សារសុំបែក ។
ជនរងគ្រោះខាងលើមានឈ្មោះ PIEPPO ISKI JOHANNES ភេទប្រុស អាយុ៣៤ឆ្នាំ ជនជាតិហ្វាំងឡង់ លិខិតឆ្លងដែនលេខ PU312913 បានចង.កសម្លាប់ខ្លួន ក្នុងផ្ទះសំណាក់ ស្ថិតនៅភូមិទ្វីខាងជើង សង្កាត់អណ្តូងខ្មែរ ក្រុងកំពត ខេត្តកំពត ។
ក្រោយកើតហេតុសមត្ថកិច្ចនគរបាលបច្ចេកទេស និងគ្រូពេទ្យជំនាញបានចុះទៅពិនិត្យសព និងបានបញ្ជាក់ថា ជនរងគ្រោះពិតជាចង.កសម្លាប់ខ្លួនមែន ។
តាមសាក្សីដែលជាមិត្តភក្តិជនរងគ្រោះបានរៀបរាប់ប្រាប់សមត្ថកិច្ចថា មូលហេតុបណ្តាលឲ្យជនរងគ្រោះចង.កសម្លាប់ គឺដោយសារមានបញ្ហាមួយចំនួន គឺសង្សារសញ្ញាតិជាតិហ្វាំងឡង់ដូចគ្នាសុំបែកផ្លូវ ប្រហែល១ខែមុននេះ ។ ម្យ៉ាងទៀតអាជីវកម្មលក់ដូររបស់គាត់ (ជនរងគ្រោះ) ត្រូវបានបញ្ឈប់កម្មករ ដោយគាត់បញ្ជាក់ថា ក្ស័យធន និងឈប់លក់ដូរទៀតផង ។
ក្នុងនោះដែរសមត្ថកិច្ចក៏បានពិនិត្យឃើញកញ្ឆា និងថ្នាំពេទ្យជាច្រើនមុខអាចត្រូវបានជនរងគ្រោះបានប្រើប្រាស់ក្នុងលក្ខណៈដូចជាមនុស្សខូចចិត្ត ។ បន្ទាប់ពិនិត្យរួចសពត្រូវបានប្រគល់ឲ្យទៅនគរបានអន្តោប្រវេសន៍ ដើម្បីបានទាក់ទងស្ថានទូតរៀបចំបញ្ជូនតាមការជាក់ស្តែង ៕
ចែករំលែកព័តមាននេះ