រាជធានីភ្នំពេញ ៖ ស្ត្រីវ័យក្មេងរូបស្រស់សោភា២នាក់រួមនឹងយុវជនម្នាក់បើករថយន្តមួយគ្រឿងម៉ាកតូយ៉ាតាព្រូស ពណ៌ប្រផេះ បើកបរក្នុងល្បឿនយ៉ាងលឿនរវល់តែនិយាយគ្នារ៉េចង្កូតទៅខាងឆ្វេងជ្រុលចង្កូតទៅបុកក្បាលនាគពុះចែកទ្រូងផ្លូវបណ្តាលអោយបាក់អស់មួយកង់ជាប់កាឡេទៅមុខលែងរួច ។ ហេតុការណ៍នេះបានកើតឡើងកាលពីវេលាម៉ោង២និង៤០នាទីរំលងអធ្រាត្រឈានចូលថ្ងៃទី២០ ខែសីហា ឆ្នាំ២០១៨ តាមបណ្តោយផ្លូវ១៨២…
រាជធានីភ្នំពេញ ៖ ស្ត្រីវ័យក្មេងរូបស្រស់សោភា២នាក់រួមនឹងយុវជនម្នាក់បើករថយន្តមួយគ្រឿងម៉ាកតូយ៉ាតាព្រូស ពណ៌ប្រផេះ បើកបរក្នុងល្បឿនយ៉ាងលឿនរវល់តែនិយាយគ្នារ៉េចង្កូតទៅខាងឆ្វេងជ្រុលចង្កូតទៅបុកក្បាលនាគពុះចែកទ្រូងផ្លូវបណ្តាលអោយបាក់អស់មួយកង់ជាប់កាឡេទៅមុខលែងរួច ។
ហេតុការណ៍នេះបានកើតឡើងកាលពីវេលាម៉ោង២និង៤០នាទីរំលងអធ្រាត្រឈានចូលថ្ងៃទី២០ ខែសីហា ឆ្នាំ២០១៨ តាមបណ្តោយផ្លូវ១៨២ នៅចំណុចមុខ113Eo ស្ថិតនៅក្នុងសង្កាត់អូរឬស្សី២ ខណ្ឌ៧មករា ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញស្ត្រីវ័យ ក្មេងរូបស្រស់២នាក់រួមនឹងយុវជនម្នាក់បើករថយន្តមួយគ្រឿងម៉ាកតូយ៉ូតាព្រូស ពណ៌ប្រផេះពាក់ស្លាកលេខ ភ្នំពេញ 2AI-7811 បើកបរតាមបណ្តោយផ្លូវ១៨២ក្នុងទិសដៅពីកើតទៅលិចបើកក្នុងល្បឿនយ៉ាងលឿនរវល់តែនិយាយជាមួយមិត្តភក្តិមិនបានប្រយ័ត្នក៏រ៉េចង្កូតមកឆ្វេងហើយជ្រុលទៅបុកក្បាលនាគពុះចែកទ្រូងផ្លូវបណ្តាលអោយបាក់ដេកដួលអស់មួយកង់ រីឯរថយន្តបង្កវិញខូចខាតតិចតួច ។
ភ្លាមៗនោះដែលម្ចាស់រថយន្តបង្កបានចុះមកពីរថយន្តហើយឡើងជិះម៉ូតូឡាំម៉ាតារួចបើកចេញទៅបាត់បន្សល់ទុកនៅតែរថយន្តបង្កនៅកន្លែងកើតហេតុតែប៉ុណ្ណោះ ។ ក្រោយពេលកើតហេតុរថយន្តបង្កត្រូវបានសមត្ថកិច្ចធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ