ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង១២និង១០នាទីថ្ងៃទី២០ ខែសីហា ឆ្នាំ២០១៧ នៅចន្លោះគីឡូម៉ែត្រ១៥៦-១៥៧ ស្ថិតនៅភូមិអូរតាហយ ឃុំស្ទឹងឆាយ ស្រុកកំពង់សិលា…
ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង១២និង១០នាទីថ្ងៃទី២០ ខែសីហា ឆ្នាំ២០១៧ នៅចន្លោះគីឡូម៉ែត្រ១៥៦-១៥៧ ស្ថិតនៅភូមិអូរតាហយ ឃុំស្ទឹងឆាយ ស្រុកកំពង់សិលា ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើងរវាងរថយន្តហាយឡែនដឺ រវាងម៉ូតូ ។
សេចក្តីរាយការណ៍បន្ត រថយន្តហាយឡែនដឹខាងលើ ពណ៌ស្ករ មានទិសដៅពីខេត្តព្រះសីហនុទៅភ្នំពេញ ពាក់ស្លាខលេខ ព្រះសីហនុ 2B – 8886 អ្នកបើកបរ (រត់គេចបាត់) បានបុក និងម៉ូតូ០១គ្រឿងម៉ាកវ៉េវ ពណ៌ក្រហម បើកបរដោយឈ្មោះ នូ ទូច ភេទស្រី មានទីលំនៅភូមិកើតហេតុខាងលើ ហើយជនរងគ្រោះបានខ្ទាតចូលទៅក្រោមរថយន្តមួយគ្រឿងទៀត ម៉ាកហ៊ីយ៉ាន់ដាយ ពណ៌ខៀវ ទ្រុងពណ៌ស ដឹកខ្សាច់មានទិសដៅបញ្ច្រាសទិសគ្នា ពាក់ស្លាកលេខ ភ្នំពេញ 3 -E 2010 អ្នកបើកបរ (រត់គេចបាត់) ហើយបណ្តាលឲ្យអ្នកបើកបរម៉ូតូស្លាប់នៅនឹងកន្លែង ។
ចំពោះមុខកម្លាំងអាវុធហត្ថស្នាក់ការសន្តិសុខ៤០២ សហការជាមួយកម្លាំងរបស់អធិការដ្ឋាននគរបាលស្រុកកំពង់សិលា ការពារកន្លែងកើតហេតុជួយ និងជួយសម្រួលចរាចរណ៍ ។ រីឯសពបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ចំណែកវត្ថុតាងរថយន្ត និងម៉ូតូ ត្រូវបានយកទៅរក្សាទុកនៅអធិការដ្ឋាននគរបាលស្រុកកំពង់សិលាចាត់ការតាមនីតិវិធី ៕
ចែករំលែកព័តមាននេះ