ថ្ងៃស្អែក​ប្រឡង​បាក់​ឌុ​ប សិស្សានុសិស្ស​មក​បន់ស្រន់​អ្នកតា​ដំបងគ្រញូង


ខេត្តបាត់ដំបង ៖ នា​ព្រឹក​ថ្ងៃអាទិត្យ​ទី​១៩ ខែសីហា ឆ្នាំ​២០១៨​នេះ សិស្ស​មក​ពី​គ្រប់​ទីកន្លែង ត្រូវ​ប្រឡង​គ្រប់​វិទ្យាល័យ​ក្នុង​ខេត្តបាត់ដំបង បាន​ត្រូវ​ត្រៀមប្រឡង​នា​ថ្ងៃស្អែក​នេះ ដោយ​ម្នាក់​ៗ មិន​ភ្លេច​ពី​ការ​សុំ​បន់ស្រន់​លោកតា​ដំបងគ្រញូង​ឲ្យ​ជួយ​ធ្វើ​ម៉េច​ឲ្យ​ចៅ​ៗ បាន​ប្រឡង​ជាប់​ផង​។ យុវតី ជុំ ស្រី​និ​ច មក​ពី​ឃុំ​ល្វា ស្រុក​ប​វេ​ល ត្រូវ​ប្រឡង​នា​ថ្ងៃស្អែក​នៅ​សាកលវិទ្យាល័យ​បាត់ដំបង ដែល​មាន​មិត្ត រួម​ថ្នាក់​ចំនួន​៤​នាក់​បាន​ប្រាប់​ថា ចំណេះ​ជំនាញ​ដែល​បាន​រៀនសូត្រ​កន្លង​មក​នោះ​គឺ មាននៅ​ក្នុង​ខ្លួន​ហើយ​ស្រេច តែ​បារម្ភ​រឿង​វិញ្ញាសា ខ្លាច​តែ​ចេញ​មក​ខុស​ពី​ចំណេះដឹង​ដែល​មាន ដូច្នោះ​ដើម្បី​ដាស់​ស្មារតី​បន្ថែម​ទៀត។

មាន​តែ​មក​សុំ​បន់ស្រន់​លោកតា​ដំបងគ្រញូង​ជួយ​រក្សា​ទឹកចិត្ត​កូនចៅ កុំ​ឲ្យ​មានការ​ភ័យ​ញាប់​ញ័រ ព្រោះតែ​មេរៀន​ដែល​បាន​ចេះ​មក​ហើយ​កុំ​ឲ្យ​ភ្លេចភ្លាំង​ឲ្យ​សោះ​។ ហើយ​ក្នុង​ជំនឿ​ទុកចិត្ត​ដែល​នាង​ខ្ញុំ​មាន​គឺ មានការ​ជឿជាក់​៨០%​ក្នុង​មេរៀន ដែល​អាច​ធ្វើ​បាន​ត្រឹមត្រូវ ដូច្នោះ​២០%​ទៀត​នេះ​គឺ​មាន​តែ​សុំ​លោកតា​ដំបងគ្រញូង ជួយ​កូនចៅ​បាន​ប្រឡង​ជាប់​១០០%​ផង​។

លោក សួ​ស ជឿន អ្នកលេង​ភ្លេងបុរាណ​កំដរ​ពេល​បន់ស្រន់​នៅ​ទីនោះ​បាន​ប្រាប់​ថា ក្រុម​វង់ភ្លេង​របស់ លោក​មក​លេង​សម្រាប់​តែ​ថ្ងៃសីល និង​មានបុណ្យ​ទាន​ធម្មតា​តែ​ប៉ុណ្ណោះ​។ ដោយ​បាន​ថវិកា​ពី​អ្នក​មក បន់ស្រន់​ជួយ​ដាក់​ឲ្យ​តាម​សទ្ធា​ជ្រះថ្លា​រៀង​ៗ​ខ្លួន​តែ​ប៉ុណ្ណោះ បើ​ថ្ងៃ​ធម្មតា​មាន​អ្នក​មក​បន់ស្រន់ តិចតួច​ណាស់ ដែល​ថ្ងៃ​ខ្លះ​សូ​ម្បី​តែ​ថ្លៃ​ដឹក​សម្ភារ​ទៅ​វិញ​ទៅ​មក​ក៏​មិន​គ្រប់​ផង ហើយ​ចំ​ថ្ងៃ​បុណ្យ​ទាន ចំណូល​ដែល​បាន​មក​គឺ​អាច​ចែក​គ្នា​អ្នកភ្លេង​បាន​ពី​៥​ទៅ​៧​ម៉ឺន​រៀល​ក្នុង​ម្នាក់​។

អ្នកស្រី សាំង រស្មី លក់ដូរ គ្រឿង​ដ​ង្វា​យ មាន​ចេក ដូង ធូប​ទៀន ម្លូ​ស្លា ផ្កាឈូក ទឹក​សុទ្ធ សម្រាប់​ថ្ងៃនេះ គឺ​បាន​ត្រៀម​ជា​មុន​ហើយ ស្រេច​មិន​ឲ្យ​ខ្វះ​ឡើយ​។ ព្រោះ​មាន​មនុស្ស​មក​បន់ស្រន់​ច្រើន​ដែល​តម្លៃ​លក់​ក្នុង​១​ឈុត​មាន​៧​មុខ តម្លៃ​តែ​១៥.០០០​រៀល​តែ​ប៉ុណ្ណោះ គឺ​តម្លៃ​ដូច​ថ្ងៃ​ធម្មតា​គ្រាន់តែ​លក់ដាច់​បាន​ច្រើន និង​តិច​តែ​ប៉ុណ្ណោះ​។

ចំពោះ​អ្នក​សម្អាត​អនាម័យ និង​អ្នក​ថតរូប​ប្រចាំ​ទីនោះ គឺ​ហ៊ាន​បង់​ឲ្យ​សាលាក្រុង​ក្នុង​ម្នាក់​៧០​ម៉ឺន​រៀល ក្នុង​១​ខែ សម្រាប់​ចែកវេន​គ្នា​ប្រចាំការ កុំ​ឲ្យ​ឈ្លោះ​គ្នា ដែល​មាន​គ្នា​ប្រមាណ​៨​នាក់​នៅ​ទីនោះ ដើម្បី​ផ្លាស់​ប្តូរ​គ្នា​ក្នុង​តម្រូវការ​របស់​ភ្ញៀវ​ដែ​ម​បាន​មក​បន់ស្រន់​នៅ​ទី​នេះ​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ