សោកស្តាយ…អតីតនាយករដ្ឋមន្រ្តីឥណ្ឌាទទួលមរណភាពហើយ !
ប្រទេសឥណ្ឌា ៖ ប្រមុខរដ្ឋាភិបាលឥណ្ឌាលោកណារេនដ្រាម៉ូឌី រាយការណ៍ថាអតីតនាយក រដ្ឋមន្រ្តីឥណ្ឌាលោក ATAL BIHARI VAJPAYEE បានទទួលមរណភាពហើយកាលពីថ្ងៃទី១៦ សីហា…
ប្រទេសឥណ្ឌា ៖ ប្រមុខរដ្ឋាភិបាលឥណ្ឌាលោកណារេនដ្រាម៉ូឌី រាយការណ៍ថាអតីតនាយក រដ្ឋមន្រ្តីឥណ្ឌាលោក ATAL BIHARI VAJPAYEE បានទទួលមរណភាពហើយកាលពីថ្ងៃទី១៦ សីហា…
ប្រទេសឥណ្ឌា ៖ ប្រមុខរដ្ឋាភិបាលឥណ្ឌាលោកណារេនដ្រាម៉ូឌី រាយការណ៍ថាអតីតនាយក
រដ្ឋមន្រ្តីឥណ្ឌាលោក ATAL BIHARI VAJPAYEE បានទទួលមរណភាពហើយកាលពីថ្ងៃទី១៦ សីហា ក្នុងជន្មាយុ៩៣ឆ្នាំ ក្រោយពីបញ្ជូនទៅសង្គ្រោះបន្ទាន់ក្នុងមន្ទីរពេទ្យមួយនៃទីក្រុងញូវដែល្លី ។
តាម TWITTER លោកម៉ូឌីសរសេរពីលោក VAJPAYEE ដែល៣លើកកាន់តំណែងនាយករដ្ឋមន្រ្តីឥណ្ឌាថា មរណភាពរបស់លោកកំណត់ពីការបញ្ចប់សករាជមួយ ។ មួយជីវិតរបស់លោកលះបង់ដើម្បីប្រជាជាតិហើយបម្រើប្រជាជាតិដោយប្ដូរផ្ដាច់រយៈពេលជាច្រើនទសវត្ស ។ មរណភាពនេះជាការបាត់បង់មួយសម្រាប់រូបលោកផ្ទាល់ ។
លោក VAJPAYEE ដែលធ្វើនាយករដ្ឋមន្រ្តីឥណ្ឌាដល់ទៅ៣លើក ចាប់តាំងពីច្រើនឆ្នាំមកហើយជួបប្រទះនឹងបញ្ហាសុខភាពនានា រួចសុខភាពលោកស្រុតចុះដុនដាបខ្លាំងរយៈពេលប៉ុន្មានថ្ងៃចុងក្រោយនេះ ។
លោក VAJPAYEE ជាអតីតអ្នកកាសែតនិងជាកវីនិពន្ធហើយងាកមកប្រឡូកខាងនយោបាយ ។ អតីតនាយករដ្ឋមន្រ្តីរូបនោះ បានរួមចំណែកយ៉ាងខ្លាំងក្នុងការធ្វើឲ្យគណបក្ស BHARATIYA JANATA កំពុងកាន់អំណាចខ្លាំង ហើយលោកកាន់តំណែងនាយករដ្ឋមន្រ្តីដល់ទៅ៣លើកគឺក្នុងឆ្នាំ១៩៩៦ ១៩៩៨-៩៩និង១៩៩៩-២០០៤ ។
អាជីពនយោបាយរបស់លោកមានរយៈពេលដល់ទៅ៥ទសវត្ស។លោកធ្លាប់ចូលរួមជាពិសេសក្នុងការចរចាជាមួយនាយករដ្ឋមន្រ្តីប៉ាគីស្ថានជាគូប្រឆាំងធំរបស់ឥណ្ឌា កាលពីឆ្នាំ១៩៩៩។
ប៉ុន្តែរូបភាពសន្តិភាពនិយមរបស់លោកត្រូវរលំរលាយពេលផ្ទុះអំពើហិង្សា រវាងពួកយុទ្ធជនស្និទ្ធ
ប៉ាគីស្ថាននិងកងទាហានឥណ្ឌានៅតំបន់មានជម្លោះកាស្មៀរ បណ្ដាលឲ្យមនុស្សស្លាប់ប្រមាណ១០០០នាក់ ៕
ចែករំលែកព័តមាននេះ