វាសនាកូនថៅកែលក់សាច់ជ្រូក និងគូកន…
- ភ្នំពេញ
រាជធានីភ្នំពេញ ៖ កាលពីរសៀលថ្ងៃទី១៧ សីហា តំណាងអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់កូនថៅកែលក់សាច់ជ្រូក និងគូកនម្នាក់ជាផ្លូវការហើយ ។ ជនសង្ស័យម្នាក់ ឈ្មោះ…
រាជធានីភ្នំពេញ ៖ កាលពីរសៀលថ្ងៃទី១៧ សីហា តំណាងអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់កូនថៅកែលក់សាច់ជ្រូក និងគូកនម្នាក់ជាផ្លូវការហើយ ។ ជនសង្ស័យម្នាក់ ឈ្មោះ…
រាជធានីភ្នំពេញ ៖ កាលពីរសៀលថ្ងៃទី១៧ សីហា តំណាងអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់កូនថៅកែលក់សាច់ជ្រូក និងគូកនម្នាក់ជាផ្លូវការហើយ ។
ជនសង្ស័យម្នាក់ ឈ្មោះ គ្រី ដារិន ភេទប្រុស អាយុ៣៩ឆ្នាំ ចោទពីបទគំរាមគំហែងថានឹងសម្លាប់ ដោយបញ្ជាឱ្យបំពេញលក្ខខណ្ឌអ្វីមួយ មាត្រា២៣៤ បទកាន់កាប់អាវុធដោយគ្មានការអនុញ្ញាត តាមមាត្រា៤៩០ និងបទប្រើប្រាស់ដោយគ្មានការសិទ្ធិ នូវយានយន្តដែលមានសញ្ញាសម្គាល់ មាត្រា៦១៥ នៃក្រមព្រហ្មទណ្ឌ ។ រីឯឈ្មោះ ស្រន់ ពិសិដ្ឋ ភេទប្រុស អាយុ៣០ឆ្នាំ តំណាងអយ្យការចោទប្រកាន់ពីបទសមគំនិត និងអំពើខាងលើ តាមមាត្រា២៩ និងមាត្រា២៣៤នៃក្រមព្រហ្មទណ្ឌ ។ ក្រោយពីចោទប្រកាន់ជាផ្លូវការហើយ សំណុំរឿងនេះ បានចាត់បញ្ជូនទៅចៅក្រមសើុបសួរ ដើម្បីបន្តនីតិវិធី ។
គួរបញ្ជាក់ថា កម្លាំងសមត្តកិច្ចនគរបាលខណ្ឌឬស្សីកែវ នៅរសៀលថ្ងៃទី១៥ ខែសីហា ឆ្នាំ២០១៨នេះ បានបញ្ចូនខ្លួនបុរសដែលជិះ រថយន្ត៥៧០ពាក់ស្លាកលេខរដ្ឋប្រើប្រាស់អាវុធខ្លីគំរាមបាញ់ម្ចាស់រថយន្តស្ទូច និង បក្ខពួកម្នាក់ទៀតទៅអយ្យការអមសាលាដំបូងរាជធានីភ្នំពេញ ។ ជនសង្ស័យជាម្ចាស់រថយន្តឡិចសុីស៥៧០ឈ្មោះ គ្រី ដារិន ភេទប្រុសអាយុ៣៩ឆ្នាំ ស្នាក់នៅផ្ទះលេខ៥៧ផ្លូវ ៤៥៤ សង្កាត់ទួលទំពូងទី១ ខណ្ឌចំការមន មានមុខរបរអ្នកលក់សាច់ជ្រូក ។ រីឯបក្ខពួកជាអ្នកបើករថយន្តកូរ៉ូឡាឈ្មោះ ស្រន់ ពិសិដ្ធ ភេទប្រុស អាយុ៣០ ឆ្នាំ ស្នាក់នៅក្នុងសុីកាប់ជ្រូកគីឡូម៉ែត្រលេខ៦ ។
ដើមចមបណ្តាលឲ្យមានការឃាត់ខ្លួនជនសង្ស័យ២នាក់នេះ ត្រូវបានគេដឹងថា កាលពីថ្ងៃទី១៥ ខែសីហា ឆ្នាំ២០១៨ វេលាម៉ោង២ និង១៥នាទី រំលងអាធ្រាត មានរថយន្តលុចសុីស៥៧០ ពណ៍ស ពាក់ស្លាកលេខ រដ្ឋ០៧.២ ៨៩៨៩ បានបើកបុកបង្កោលភ្លើង នៅចំនុចមុខក្លោងទ្វារវិទ្យាល័យឬស្សីកែវ ផ្លូវជាតិលេ៥ សង្កាត់ឬស្សីកែវ ។
បន្ទាប់មកនគរបាលអធិការដ្ឋានឬស្សីកែវបានរាយការណ៍ ទៅការិយាល័យចរាចរណ៍ ផ្លូវគោករាជធានីភ្នំពេញ ។ បន្ទាប់មករថយន្តបង្ករនោះ ត្រូវបានអង្គភាពការរិយាល័យចរាចរណ៍ផ្លូវគោក បានយករថយន្តស្ទូចមកដឹកនៅអង្គភាព លុះពេលដឹកមកដល់ចំណុចផ្លូវប្រឡាយទឹកវត្តទួលអស់លោក ដែលផ្លូវនោះកំពុងធ្វើស្ពាន មិនអាចទៅមុខរួច រថយន្តស្ទូចក៏បានបកត្រឡប់ក្រោយវិញ ។
ពេលទៅដល់ចំណុចមុខវត្តទួលអស់លោក ជនបង្ករដែលជាម្ចាស់រថយន្ត៥៧០ និង បក្សពួកម្នាក់ទៀតនោះ បានជិះរថយន្តម៉ាកកូរ៉ូឡា ពាក់ស្លាកលេខភ្នំពេញ២A.១២៤៥ បានស្ទាក់មុខឡានស្ទូច និង បញ្ជាឲ្យម្ចាស់ឡានស្ទូចឈប់ រួចជនបង្ករបានឡើងរថយន្តស្ទូច អង្គុយអែបតៃកុងឡាន នឹង បានយកកាបូបកាំភ្លើងខ្លីដាក់លើតាបឡូរថយន្ត ហើយបានរួតកាបូបបញ្ហាញតៃកុងរថយន្តគំរាម ឲ្យដឹករថយន្តរបស់ខ្លួនចូលផ្ទះខ្លួនឯង ស្ថិតនៅចំនុច ផ្ទះលេខ៤ ផ្លូវលំ ក្រុម១ ភូមិខ១ សង្កាច្រាំងចំរេះទី២ វិញ ។
ក្រោយពីហេតុការណ៍កើតឡើង កម្លាំងជំនាញខណ្ឌ ប៉ុស្តិ៍ សហការណ៍ជាមួយការិយាល័យចរាចរណ៍ ចុះទៅដល់លំនៅដ្ឋានរបស់ជនបង្ករធ្វើការឃាត់ខ្លួន នឹងដកហូតរថយន្ត ហើយបន្តរុករកវត្ថុតាង(កាំភ្លើងខ្ចី) តែដោយសមត្ថកិច្ចរកនៅក្នុងរថយន្តមិនឃើញ ក៏បានរាយការណ៍ទៅព្រះរាជអាជ្ញារងលោក សៀង សុខ ស្នើសុំបន្តឆែកឆេរក្នុងលំនៅដ្ឋានរបស់ជនបង្ករ ដោយមានការចូលរួមពីក្រឡាបញ្ជី ប្រធានភូមិ ចៅសង្កាក់ លុះមកដល់វេលាម៉ោង១០ ព្រឹក សមត្ថកិច្ចជំនាញ បានរកឃើញអាវុធរបស់ជនបង្កយកទៅលាក់ទុក្ខនៅក្នុងឡាប៊ូបន្ទប់ទឹកជាន់ទី២ ម៉ាក បេរ៉ាតាលេខBER027273 ពណ៍ខ្មៅ មាន១១គ្រាប់ ។
សមត្ថកិច្ចបានដកហូតវត្ថុតាង១.រថយន្ត៥៧០មួយគ្រឿង ស្លាកលេខរដ្ធ០៧–២.៨៩៨៩ពណ៍ស២.រថយន្តកូរ៉ូឡាមួយគ្រឿងពណ៍ស្លែពាក់ស្លាកលេខ២A១២៤៦ 3.កាំភ្លើងខ្លីមួយដើមម៉ាក បេយ៉ាតាលេខBER027273 ពណ៍ខ្មៅ មាន១១គ្រាប់ បច្ចុប្បន្នជនសង្ស័យទាំង២កំពុងស្ថិតនៅសាលាដំបូងរាជធានីភ្នំពេញ ៕
ចែករំលែកព័តមាននេះ