មិចក៏ដល់ថ្នាក់ហ្នឹង…លោក​មេបញ្ជាការ​រង !


រាជធានី​ភ្នំពេញ ៖ មេបញ្ជាការ​រង​កងរាជអាវុធហត្ថ​ស្រុក​ខ្សាច់កណ្ដាល​ម្នាក់​សង្ស័យ​ស្រវឹងស្រា​បាន​បើករថយន្ត​ឡិច​ស៊ិ​ស GX-470 បុក​ក្បាល​នាគ​ពុះ​ចែកផ្លូវ​បណ្តាល​អោយ​រង​របួសធ្ងន់ ហេតុការណ៍​នេះ​ដែរ​បាន​កើតឡើង​នៅ​វេលា​ម៉ោង​១​និង​៣០​នាទី​រំលង​អធ្រាត្រ​ឈាន​ចូល​ថ្ងៃ​ទី​១៣ ខែសីហា ឆ្នាំ​២០១៨ ជិត​អគ្គស្នងការ​នគរបាល​ជាតិ ផ្លូវ​ព្រះ​នរោត្តម សង្កាត់​ទន្លេបា​សាក់ ខណ្ឌចំការមន ។

អ្នកបើកបរ​រថយន្ត​មានឈ្មោះ បាន ហ្ស​ង់​ដូ​ណា ភេទ​ប្រុស មុខរបរ​មេបញ្ជាការ​រង​កងរាជអាវុធហត្ថ​ស្រុក​ខ្សាច់កណ្ដាល​ឋានន្តរសក្តិ​អនុសេនីយ៍ទោ អត្តលេខ​១៦១៥១៤ ។

តាម​ប្រ​ភ​ព័ត៌មាន​ពី​កន្លែង​កើតហេតុ​បានអោយ​ដឹង​ថា មុន​ពេល​កើតហេតុ​គេ​បានឃើញ​បុរស​ម្នាក់​ដែល​គេ​ស្គាល់​ថា ជា​មេបញ្ជាការ​រង​កងរាជអាវុធហត្ថ​ស្រុក​ខ្សាច់កណ្ដាល​ដោយ​សង្ស័យ​ថា ស្រវឹងស្រា​បាន​បើករថយន្ត​ម៉ាក​ឡិច​ស៊ិ​ស GX-470 ពណ៌​ទឹកប្រាក់ ពាក់​ស្លាក​លេខ ភ្នំពេញ 2AG-1902 មិនដឹង​ថា គោលបំណង​ទៅ​ណា​នោះ​ទេ​គឺ​បាន​ធ្វើ​ដំណើរ​តាម​ផ្លូវ​ព្រះ​នរោត្តម​ក្នុង​ទិស​ដៅ​ពី​ត្បូង​ទៅ​ជើង​ក្នុង​ល្បឿន​លឿន​ដូច​ហោះ ។

លុះ​មក​ដល់​ចំណុច​កើតហេតុ​ក៏​ស្រាប់តែ​រថយន្ត​បាន​រ៉េ​ចង្កូត​ជ្រុល​ទៅ​ផ្ទុប និង​ក្បាល​នាគ​ពុះ​ចែកផ្លូវ​យ៉ាង​ពេញទំហឹង​បណ្តាល​អោយ​រថយន្ត​ខ្ទេច​ផ្នែក​ខាង​មុខ​គាប់​ជាប់​នឹង​ក្បាល​នាគ​ពុះ​ចែកផ្លូវ ព្រមទាំង​ធ្វើ​អោយ​អ្នក​បើក​បោក​ក្បាល​ផ្ទុប​ទៅ​នឹង​កញ្ចក់​រថយន្ត​សន្លប់​ស្តូកស្តឹង ហើយ​ភ្លាម​នោះ​ជន​រង​គ្រោះ​ត្រូវ​បាន​រថយន្ត​សង្គ្រោះ​បាន​មក​ដឹក​យក​ទៅ​សង្គ្រោះ​នៅ​គ្លិ​និក​ឯកជន ដោយឡែក​ទ្រូងផ្លូវ​រង​ការ​ខូចខាត​វៀច​ទ្រង់ទ្រាយ​ដើម​អស់​ចំនួន​១​កង់ ។

ក្រោយ​ពេល​កើតហេតុ សមត្ថកិច្ច​ជំនាញ​បាន​ចុះ​ទៅ​ដល់​កន្លែង​កើតហេតុ​រួច​ហើយ​បាន​ធ្វើការ​ស្ទួ​ច​យក​រថយន្ត​បង្ករ​ទៅ​រក្សារ​ទុក​នៅ​ការ​រិ​យា​ល័យ​ចរាចរណ៍​ជើង​គោក​រាជធានី​ភ្នំពេញ​ដើម្បី​រង​ចាំ​ធ្វើការ​ដោះស្រាយ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ