រាជធានីភ្នំពេញ ៖ ក្រុមហ៊ុន អិលឌី ភីកឈ័រ (LD Picture) ជាផលិតកម្ម ដែលផលិតនិងថតភាពយន្តខ្មែរ បានរៀបចំធ្វើសន្និសីទមួយស្ដីអំពី រឿងអាបពាក់មួកសុវត្ថិភាពវគ្គ២ ដែលកំពុងទទួលបានការគាំទ្រពីទស្សនិកជនយ៉ាងច្រើនកុះករហើយ ត្រូវបានម្ចាស់រោងភាពយន្តយកទៅចាក់បញ្ចាំងនៅក្នុងរោងភាពយន្តរបស់ខ្លួន និងមានអ្នកទស្សនាច្រើនដោយសារតែក្នុងសាច់រឿងនេះ
រាជធានីភ្នំពេញ ៖ ក្រុមហ៊ុន អិលឌី ភីកឈ័រ (LD Picture) ជាផលិតកម្ម ដែលផលិតនិងថតភាពយន្តខ្មែរ បានរៀបចំធ្វើសន្និសីទមួយស្ដីអំពី រឿងអាបពាក់មួកសុវត្ថិភាពវគ្គ២ ដែលកំពុងទទួលបានការគាំទ្រពីទស្សនិកជនយ៉ាងច្រើនកុះករហើយ ត្រូវបានម្ចាស់រោងភាពយន្តយកទៅចាក់បញ្ចាំងនៅក្នុងរោងភាពយន្តរបស់ខ្លួន និងមានអ្នកទស្សនាច្រើនដោយសារតែក្នុងសាច់រឿងនេះ មានឈុតឆាកកំប្លែង រន្ធត់ និងមានតារាល្បីៗនៅក្នុងព្រះរាជាណាចក្រកម្ពុជាចូលរួមសម្ដែងផងដែរ ។
ការធ្វើសន្និសីទនេះ ត្រូវបានរៀបចំឡើង នៅរោងភាពយន្តលីជេន ក្នុងផ្សារស៊ីធីម៉ល កាលពីរសៀលថ្ងៃទី១០ មេសា ២០១៣ ដែលមានអ្នកដឹកនាំរឿង ម្ចាស់រោងកុន លីជេន និងតួអង្គសំដែងដូចជា នាយពាក់មី នាយក្រូច នាយពាង លោកសុវណ្ណ នរាហ៍ កញ្ញាថន លក្ខិណា លោកជីណា កញ្ញាជីជី ចូលរួមផងដែរ។ លោកលៀក លីដា អ្នកដឹកនាំរឿង អាបពាក់មួកសុវត្ថិភាពបានមានប្រសាសន៍នៅក្នុងអង្គសន្និសីទនៅរសៀលថ្ងៃនោះថា ផលិតកម្មអិលឌី ភីកឈ័រ (LD Picture) ជាផលិតកម្មថ្មីនៅក្នុងប្រទេសកម្ពុជា ហើយទើបតែផលិតរឿងបានពីរប៉ុណ្ណោះ គឺរឿងអាបពាក់មួកសុវត្ថិភាពវគ្គ១ និងវគ្គ២ ហើយក៏មានការគាំទ្រពីសំណាក់ទស្សនិកជនយ៉ាងច្រើន ដែលធ្វើអោយផលិតកម្មមានការពេញចិត្ត និងខិតខំប្រឹងប្រែង ផលិត និងថតរឿងជាច្រើនទៀតសម្រាប់បំពេញតម្រូវការទស្សនិកជនដែលតែងតែគាំទ្រភាពយន្តខ្មែរ ។
រឿងអាបពាក់មួកសុវត្ថិភាពវគ្គ២នឹងមានការគាំទ្រច្រើនពីទស្សនិកជន ដោយសារតែ ក្នុងរឿងនេះមាន តារាល្បីៗក្នុងព្រះរាជាណាចក្រកម្ពុជា ចូលរួមសម្ដែងដូចជា លោកសុខ គា នាយកុយ នាយពាក់មី នាយគ្រឿន នាយក្រូច កញ្ញាថន លក្ខិណា កញ្ញាជីជី លោកសុវណ្ណនរាហ៍ និងតារាល្បីជាច្រើនទៀត ។ រឿងអាបពាក់មួកសុវត្ថិភាពវគ្គ១ និងវគ្គ២នេះ មានលក្ខណៈខុសគ្នាបន្តិចបន្តួច ដោយសារតែនៅក្នុងវគ្គ២នេះ សាច់រឿងមានលក្ខណៈបែបកំប្លុកកំប្លែងច្រើន ៕
ចែករំលែកព័តមាននេះ