រាជធានីភ្នំពេញ ៖ ជនសង្ស័យជាមុខសញ្ញាកាច់កម៉ូតូ និងជួញដូរគ្រឿងញៀន២នាក់ត្រូវបានកម្លាំងប៉ុស្តិ៍នគរបាលរដ្ឋបាលភ្នំពេញថ្មីឃាត់ខ្លួន និងដកហូតថ្នាំញៀនប្រភេទក្រាមសថ្លាចំនួន៩កញ្ចប់តូច និងដែកឆ្កឹះសោម៉ូតូមួយចំនួនដែលជនសង្ស័យលាក់ក្នុងកាបូបស្ពាយ។ ការឃាត់ខ្លួនជនសង្ស័យនេះធ្វើឡើងកាលពីម៉ោង១២និង៣០នាទីថ្ងៃត្រង់ថ្ងៃទី៨ សីហា ឆ្នាំ២០១៨ នៅចំណុចផ្លូវ១០១១…
រាជធានីភ្នំពេញ ៖ ជនសង្ស័យជាមុខសញ្ញាកាច់កម៉ូតូ និងជួញដូរគ្រឿងញៀន២នាក់ត្រូវបានកម្លាំងប៉ុស្តិ៍នគរបាលរដ្ឋបាលភ្នំពេញថ្មីឃាត់ខ្លួន និងដកហូតថ្នាំញៀនប្រភេទក្រាមសថ្លាចំនួន៩កញ្ចប់តូច និងដែកឆ្កឹះសោម៉ូតូមួយចំនួនដែលជនសង្ស័យលាក់ក្នុងកាបូបស្ពាយ។ ការឃាត់ខ្លួនជនសង្ស័យនេះធ្វើឡើងកាលពីម៉ោង១២និង៣០នាទីថ្ងៃត្រង់ថ្ងៃទី៨ សីហា ឆ្នាំ២០១៨ នៅចំណុចផ្លូវ១០១១ ភូមិពោងពាយ សង្កាត់ភ្នំពេញថ្មី ខណ្ឌសែនសុខ។
ជនសង្ស័យទាំង២នាក់ខាងលើ ម្នាក់ឈ្មោះ សុខ នី ហៅយួន អាយុ១៨ឆ្នាំ មុខរបរមិនពិតប្រាកដ ស្នាក់នៅផ្លូវរថភ្លើង សង្កាត់ស្រះចក ខណ្ឌដូនពេញ និងម្នាក់ទៀតឈ្មោះហួរ សិលា ហៅឡា អាយុ៣០ឆ្នាំ មុខរបរមិនពិតប្រាកដ ស្នាក់នៅផ្លូវលំ សង្កាត់បឹងកក់១ ខណ្ឌទួលគោក។
តាមសមត្ថកិច្ចបានឱ្យដឹងថា មុនឃាត់ខ្លួនជនសង្ស័យទាំង២នាក់ខាងលើ កម្លាំងនគរប៉ុស្តិ៍បានជិះល្បាតក្នុងមូលដ្ឋានប្រទះឃើញជនសង្ស័យកំពុងអង្គុយនៅកន្លែងលាងម៉ូតូ ដោយឃើញម៉ូតូជនសង្ស័យប្រភេទម៉ូតូធុនធំ ពណ៌ខៀវលាយខ្មៅ មានស្លាកលេខខុសប្រក្រតី ពេលនោះកម្លាំងសមត្ថកិច្ចសុំត្រួតពិនិត្យឯកសារ ស្រាប់
តែក្នុងកាបូបជនសង្ស័យឃើញមានឧបករណ៍សម្រាប់ឆ្កឹះសោ និងដែកកាច់សម្រាប់កម៉ូតូ ព្រមទាំងថ្នាំញៀនប្រភេទក្រាមសថ្លាចំនួន៩កញ្ចប់ថង់តូចនៅជាប់ខ្លួន ក៏ឃាត់ខ្លួនជនសង្ស័យទាំង២នាក់តែម្តង។
ជនសង្ស័យទាំង២នាក់ខាងលើ ត្រូវកម្លាំងនគរបាលកសាងសំណុំរឿងបញ្ជូនទៅកាន់អធិការដ្ឋានដើម្បីចាត់ការតាមផ្លូវច្បាប់ ៕
ចែករំលែកព័តមាននេះ