ខេត្តមណ្ឌលគិរី ៖ លោក នង ទុណ្ណារី ប្រធានកិត្តិយសអនុសាខាកាកបាទក្រហមកម្ពុជាស្រុកអូររាំង បានដឹកនាំសមាជិក សមាជិកា ចុះសួរសុខទុក្ខ និងនាំយកអំណោយមនុស្សធម៌មួយចំនួនរបស់សាខាកាកបាទក្រហមកម្ពុជាខេត្តផ្តល់ជូនកូនកំព្រាចំនួន៣នាក់…
ខេត្តមណ្ឌលគិរី ៖ លោក នង ទុណ្ណារី ប្រធានកិត្តិយសអនុសាខាកាកបាទក្រហមកម្ពុជាស្រុកអូររាំង បានដឹកនាំសមាជិក សមាជិកា ចុះសួរសុខទុក្ខ និងនាំយកអំណោយមនុស្សធម៌មួយចំនួនរបស់សាខាកាកបាទក្រហមកម្ពុជាខេត្តផ្តល់ជូនកូនកំព្រាចំនួន៣នាក់ (ឪពុកម្តាយស្លាប់) រស់នៅក្រុមរកា ភូមិពូហ្យាម ឃុំសែនមនោរម្យ ស្រុកអូររាំង កាលថ្ងៃទី៤ ខែសីហា ឆ្នាំ២០១៨។
លោក នង ទុណ្ណារី បានពាំនាំការសាកសួរសុខទុក្ខពីសំណាក់លោក ស្វាយ សំអ៊ាង ប្រធានគណៈកម្មាធិការសាខាកាកបាទក្រហមកម្ពុជាខេត្តមណ្ឌលគិរី ដែលជានិច្ចកាលសាខាកាកបាទក្រហមកម្ពុជាខេត្តតែងតែចុះសួរសុខប្រជាពលរដ្ឋទូទៅ ជាពិសេស កុមារកំព្រា ស្ត្រីមេម៉ាយ ជនចាស់ជរា ជនពិកា និងប្រជាពលរដ្ឋដែលរងគ្រោះដោយប្រការផ្សេងៗ ដោយមិនប្រកាន់និន្នាការនយោបាយអ្វីឡើយ។
ជាក់ស្តែង កូនកំព្រាចំនួន៣នាក់រួមមាន ១-ឈ្មោះ វីន ស្រីនីន អាយុ១៤ឆ្នាំ ២-ឈ្មោះ វីន ស្រីឃីន អាយុ៩ឆ្នាំ និង៣- ឈ្មោះវីន ស្រីមឺយ អាយុ៤ឆ្នាំ រស់នៅក្រុមរកា ភូមិពូហ្យាម ឃុំសែនមនោរម្យ ស្រុកអូររាំង នាពេលនេះ ទទួលបានអំណោយមនុស្សធម៌មួយចំនួនរួមមាន អង្ករ៦០គីឡូក្រាម ឃីត១កញ្ចប់ និងថវិកា២៤៥.០០០រៀលផងដែរ៕
ចែករំលែកព័តមាននេះ