រាជធានីភ្នំពេញ ៖ ការនាំចេញរបស់កម្ពុជាសម្រេចបានទំហំទឹកប្រាក់ជាង៥ពាន់លានដុល្លារអាមេរិកក្នុងឆមាសទី១ ដើមឆ្នាំនេះ ដែលមានកំណើនប្រមាណ៦% ធៀបនឹងរយៈពេលដូចគ្នាកាលពីឆ្នាំមុន ។ នេះបើយោងតាមរបាយការណ៍របស់អគ្គនាយកដ្ឋានសេវានាំចេញ នាំចូលនៃក្រសួងពាណិជ្ជកម្ម ។…
រាជធានីភ្នំពេញ ៖ ការនាំចេញរបស់កម្ពុជាសម្រេចបានទំហំទឹកប្រាក់ជាង៥ពាន់លានដុល្លារអាមេរិកក្នុងឆមាសទី១ ដើមឆ្នាំនេះ ដែលមានកំណើនប្រមាណ៦% ធៀបនឹងរយៈពេលដូចគ្នាកាលពីឆ្នាំមុន ។ នេះបើយោងតាមរបាយការណ៍របស់អគ្គនាយកដ្ឋានសេវានាំចេញ នាំចូលនៃក្រសួងពាណិជ្ជកម្ម ។
របាយការណ៍បានបញ្ជាក់នាព្រឹកថ្ងៃទី១ សីហា ថា គិតត្រឹមរយៈពេលមួយឆមាសឆ្នាំ២០១៨ ការនាំចេញពីកម្ពុជាទៅទីផ្សារអន្តរជាតិ មានចំនួនសរុបជាង៥ពាន់លានដុល្លារអាមេរិក កើនឡើងប្រមាណ៥,៧០% បើធៀបនឹងរយៈពេលដូចគ្នានឹងឆ្នាំមុន ។
លោក កាំង ម៉ូនីកា អគ្គលខាធិការរងនៃសមាគមរោងចក្រកាត់ដេរនៅកម្ពុជា បានមានប្រសាសន៍ឲ្យដឹងថា ទំនិញនាំចេញសំខាន់ៗពីកម្ពុជា រួមមាន ផលិតផលវាយនភ័ណ្ឌ សម្លៀកបំពាក់ ស្បែកជើង និងអង្ករ ជាដើម ។ ទីផ្សារនាំចេញរបស់កម្ពុជា មានដូចជា សហរដ្ឋអាមេរិក សហគមន៍អឺរ៉ុប កាណាដា និងជប៉ុន ។ល។
លោកបន្តថា ៖« ទីផ្សារនាំចេញ និងការបញ្ជាទិញផលិតផលក្នុងវិស័យនេះនៅតែរក្សាបានកំណើនល្អប្រសើរ ហើយការបោះឆ្នោតបានបញ្ចប់នាពេលថ្មីៗនេះ មិនទាន់មានឥទ្ធិពលដល់ការបញ្ជាទិញនោះទេ » ។
ប្រធាននាយកដ្ឋាននាំចេញ នាំចូលនៃក្រសួងពាណិជ្ជកម្ម លោក ហូ ស៊ីយ៉ុង បានប្រាប់ឲ្យដឹងផងដែរថា ការបញ្ជាទិញពេញមួយឆ្នាំ២០១៨នេះ អាចកើនឡើងក្នុងរង្វង់ជាង១០% ក្នុងនោះមានម៉ាកល្បីៗទូទាំងពិភពលោក រួមមាន អាឌីដាស (Addidas) និងហាសអេនអឹម (H&M) ជាដើម បានកើនឡើងពីការបញ្ជាទិញពីសហរដ្ឋអាមេរិក និងសហគមន៍អឺរ៉ុប ។ លោកបន្តថា ៖« ការបញ្ជាទិញ ក៏ដូចជាការនាំចេញរបស់កម្ពុជា នឹងនៅតែល្អប្រសើរថែមទៀត បើទោះបីជាការបោះឆ្នោតត្រូវបានបញ្ចប់ ខណៈដែលប្រទេសកម្ពុជានៅតែរក្សាបានកំណើនសេដ្ឋកិច្ចដ៏រឹងមាំ ពិសេសស្ថានភាពនយោបាយកម្ពុជានៅតែមានភាពល្អប្រសើរ »៕
ចែករំលែកព័តមាននេះ