ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា រថយន្តម៉ាកហ៊ីយ៉ាន់ដាយមួយគ្រឿង បានក្រឡាប់កណ្តាលផ្លូវ ខណៈអ្នកបើកបរងងុយដេកខ្លាំង កើតឡើងកាលពីវេលាម៉ោង០៣ និង១៥នាទីព្រឹកថ្ងៃទី០២ សីហា នេះ ស្ថិតតាមបណ្តោយផ្លូវជាតិលេខ៤ ត្រង់ចំណុចចន្លោះគីឡូ១៦៧-១៦៨ ក្នុងភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ ។
សេចក្តីរាយការណ៍បន្តថា អ្នកបើកបរខាងលើ ឈ្មោះស៊ាង ហេង ភេទប្រុស អាយុ២៣ឆ្នាំ មានទីលំនៅភូមិថ្មពេជ្រទី១ ឃុំថ្មពេជ្រទី ស្រុកត្បូងឃ្មុំ ខេត្តត្បូងឃ្មុំ ។ រីឯរថយន្តក្រឡាប់ មានពាក់ស្លាកលេខ3A-3450 មានដឹកឥដ្ឋសម្រាប់ធ្វើរបងផ្ទះ (ជាឥដ្ឋប្រភេទនាំចូលពីប្រទេសចិន) ហើយបានខ្ទេចខ្ទីបែកពេញថ្នល់តែ
ម្តង ។
ទោះបីជាយ៉ាងណា ហេតុការណ៍នេះ ត្រូវបានចាត់ទុកថា សំណាងល្អមួយ ដែលមិនមានមនុស្សណាម្នាក់ ជាពិសេសអ្នកបើកបរនោះ មិនត្រូវបានរងគ្រោះថ្នាក់នោះទេ ខណៈបានបង្កដោយខ្លួនឯងបែបនេះ ។
ចែករំលែកព័តមាននេះ