អង្គរស្អាតមែន…តែកុំមើលផ្លូវចូល
- សៀមរាប
ខេត្តសៀមរាប ៖ ផ្លូវ៦០ម៉ែត្រ ដែលស្ថិតក្នុងសង្កាត់ស្លក្រាម ក្រុងសៀមរាប ត្រូវបានអាជ្ញាធរជាតិអប្សរា ចុះធ្វើជួសជុលឡើងវិញ នៅថ្ងៃទី០១ សីហា នេះ…
ខេត្តសៀមរាប ៖ ផ្លូវ៦០ម៉ែត្រ ដែលស្ថិតក្នុងសង្កាត់ស្លក្រាម ក្រុងសៀមរាប ត្រូវបានអាជ្ញាធរជាតិអប្សរា ចុះធ្វើជួសជុលឡើងវិញ នៅថ្ងៃទី០១ សីហា នេះ…
ខេត្តសៀមរាប ៖ ផ្លូវ៦០ម៉ែត្រ ដែលស្ថិតក្នុងសង្កាត់ស្លក្រាម ក្រុងសៀមរាប ត្រូវបានអាជ្ញាធរជាតិអប្សរា
ចុះធ្វើជួសជុលឡើងវិញ នៅថ្ងៃទី០១ សីហា នេះ បន្ទាប់ពីមានពលរដ្ឋមកពីទីជិតទីឆ្ងាយ ជាពិសេសភ្ញៀវជាតិ-អន្តរជាតិ នាំគ្នាធ្វើការរិះគន់ចំៗថា អាជ្ញាធរពាក់ព័ន្ធទាំងអស់មិនព្រមមើល ដោយសុខចិត្តជិះហួសកាលពីពេលកន្លងមក ។
ដោយពិនិត្យមើលឃើញស្ថានភាពជាក់ស្តែងពិតជាលំបាកខ្លាំងក្នុងការធ្វើដំណើរហើយនោះ ត្រូវបានអាជ្ញាធរជាតិអប្សរា ចុះធ្វើការជួសជុលកន្លែងដែលខូចទាំងនោះយ៉ាងសស្រាក់សស្រាំ ហើយធ្វើយ៉ាងណាឱ្យបានលឿនបំផុត ។
ទោះបីជាយ៉ាងណា អាជ្ញាធរជាតិអប្សរា ក៏បានសុំការយោគយល់ និងអធ្យាស្រ័យពីអ្នកធ្វើដំណើរទាំង
អស់ផងដែរ ចំពោះបញ្ហាយឺតយ៉ាវ ក៏ព្រោះខែនេះជារដូវវស្សា ហើយមានភ្លៀងធ្លាក់ជាច្រើនថ្ងៃផង ទើបបណ្តាលឱ្យមានការពន្យារ ពេលរហូតមកដល់ថ្ងៃទី០១ សីហា នេះ ។
គួរបញ្ជាក់ថា កំណាត់ផ្លូវ៦០ម៉ែត្រ ស្ថិតនៅក្នុងសង្កាត់ស្លក្រាម ក្រុងសៀមរាប ចាប់ពីចំណុចស្ពាននាគ រហូតដល់រង្វង់មូល ត្រូវបានរងការខូចខាតដោយអន្លើរៗ ដែលបណ្តាលមកពីទឹកភ្លៀង និងកំណើនចរាចរណ៍ខ្លាំង បង្កឱ្យមានការលំបាកក្នុងការធ្វើដំណើរ ។
បើតាមពលរដ្ឋម្នាក់ បានធ្វើដំណើរឆ្លងកាត់ផ្លូវ៦០ម៉ែត្រនេះ បានប្រាប់កោះសន្តិភាពនារសៀលថ្ងៃទី១ សីហា នេះថា ផ្លូវដែលរងនូវការខូច (ផ្លូវ៦០ម៉ែត្រ) ចាប់ពីស្ពាននាគរហូតដល់រង្វង់មូលនោះ គឺជាផ្លូវរបស់អាជ្ញាធរជាតិអប្សរាកាន់កាប់ ។ ពីមុន ផ្លូវនេះដូចជាផ្លូវទៅកាន់ឋាននរកអុីចឹង ព្រោះធ្វើដំណើរពុំបានមើលទេ ជាពិសេស នៅពេលយប់ងងឹតទៀតនោះ គឺអាចមានគ្រោះថ្នាក់ចរាចរណ៍ជាក់ជាមិនខាន ។
គាត់បន្តថា លុះពេលមានបងប្អូនមួយចំនួន បានថតបង្ហោះក្នុងបណ្តាញសង្គម ទើបឃើញខាងអាជ្ញាធរអប្សរាចុះមកជួសជុលតែម្តង ។ ហើយអ្វីជាកកត់សម្គាល់នោះ ផ្លូវនេះ គឺជាផ្លូវដើម្បីឱ្យភ្ញៀវជាតិ និងអន្តរជាតិ ចេញ-ចូលទៅទស្សនាកម្សាន្តនៅអង្គរវត្ត តាមប្រាសាទ និងរមនីយដ្ឋាននានា នៅក្នុងខេត្តសៀមរាបមិនគួរណាឱ្យខូចបែបនេះទេ ។
ចែករំលែកព័តមាននេះ