ខេត្តបន្ទាយមានជ័យ ៖ ពិតជាមួយពាន់សំណាង ខណៈរថយន្តមួយគ្រឿងបើកយ៉ាងលឿនលើផ្លូវកោងឡើងជែងរថយន្តមួយគ្រឿងទៀតស្របទិសគ្នា ស្រាប់តែបុកបន្ទាន់ដៃស្ពានធ្លាយកញ្ចក់មុខខាងឆ្វេង តែពុំមានគ្រោះថ្នាក់ដល់អាយុជីវិតឡើយ ហេតុការណ៍នេះកើតឡើងនៅម៉ោង២និង៣០នាទី ថ្ងៃទី២៨ ខែកក្កដា ឆ្នាំ២០១៨ នៅចំណុចខាងលិចស្ពានទឹកផ្លា ស្ថិតក្នុងភូមិ-សង្កាត់ទឹកផ្លា ក្រុងសិរីសោភ័ណ។
អ្នកបើកបររថយន្តខាងលើមានឈ្មោះ លីម តុលា ភេទប្រុស អាយុ៣១ឆ្នាំ រស់នៅភូមិ-សង្កាត់ទឹកផ្លា ក្រុងសិរីសោភ័ណ្ឌ។
តាមមន្ត្រីនគរបាលចរាចរណ៍ជើងគោកខេត្តបានប្រាប់ថា មុនកើតហេតុ គឺរថយន្តធុនកាមរីបាឡែន ពណ៌ទឹកប្រាក់ ពាក់ស្លាក់លេខ 2Q.9937 បើកពីកើតទៅលិចក្នុងល្បឿនលឿន ហើយដល់ផ្លូវកោងបានឡើងជែងរថយន្តតូច១គ្រឿងស្របទិសគ្នា ស្រាប់តែគេចរថយន្តធំ១គ្រឿងទៀតមកពីមុខបញ្ច្រាស់គ្នាពីលិចទៅកើត ក៏ទៅបុកទៅបង្កានដៃស្ពានខាងស្តាំដៃ បណ្តាលធ្លាយកញ្ចក់មុខខាងឆ្វេង ចំណែកអ្នកបើកបរគ្មានគ្រោះថ្នាក់អ្វីទេ ខូចតែរថយន្ត។
មន្ត្រីនគរបាលបានបញ្ជាក់ថា មូលហេតុគ្រោះថ្នាក់ខាងលើនេះ គឺបណ្តាលមកពីអ្នកបើករថយន្តផ្លូវកោងបើកបរលឿន ថែមទាំងឡើងជែងមិនប្រុងប្រយ័ត្ន និងមើលមុខមើលក្រោយ ទើបបុកបង្កាន់ដៃស្ពានធ្លាយកញ្ចក់មុខ ប៉ុន្តែសំណាងគ្មានអ្នករងរបួសឡើយ។ ក្រោយពេលវាស់វែងរួច ត្រូវបានយករថយន្តទៅរក្សាទុកនៅស្នងការគរបាលខេត្ត ដើម្បីអនុវត្តន៍តាមច្បាប់៕
ចែករំលែកព័តមាននេះ