ខេត្តព្រះសីហនុ ៖ ជនសង្ស័យអ្នកបើករថយន្តកុងតឺន័រ២រូប ដែលជាប់ពាក់ព័ន្ធករណីបើករថយន្តបុករះរថយន្ត និងម៉ូតូរួមជាមួយប៉ុស្តិ៍ប្រចាំការរបស់ប៉ូលិសចរាចរណ៍កាលពីរសៀលថ្ងៃទី២១ កក្កដា ឆ្នាំ២០១៨ កន្លងទៅនោះនារសៀលថ្ងៃទី២៣ កក្កដា ២០១៨…
ខេត្តព្រះសីហនុ ៖ ជនសង្ស័យអ្នកបើករថយន្តកុងតឺន័រ២រូប ដែលជាប់ពាក់ព័ន្ធករណីបើករថយន្តបុករះរថយន្ត និងម៉ូតូរួមជាមួយប៉ុស្តិ៍ប្រចាំការរបស់ប៉ូលិសចរាចរណ៍កាលពីរសៀលថ្ងៃទី២១ កក្កដា ឆ្នាំ២០១៨ កន្លងទៅនោះនារសៀលថ្ងៃទី២៣ កក្កដា ២០១៨ នគរបាលចរាចរណ៍ផ្លូវគោក ខេត្តព្រះសីហនុបានបញ្ជូនទៅសាលាដំបូងខេត្ត ដើម្បីអនុវត្តន៍ទៅតាមនីតិវិធីច្បាប់ហើយ ។
ថ្លែងក្នុងឱកាសបញ្ជូនជនសង្ស័យទៅកាន់សាលាដំបូងខេត្តលោកឧត្តមសេនីយ៍ត្រី អ៊ី សុខាស្នងការរងទទួលផែនសណ្តាប់ធ្នាប់បានគូសបញ្ជាក់ថា ជនសង្ស័យអ្នកបើករថយន្តកុងតឺន័រ២រូប ដែលបានបង្កការបង្កគ្រោះថ្នាក់ចរាចរណ៍ពីរករណីខុសៗគ្នានៅម្តុំចំណោតរ៉ាក្នុងក្រុងព្រះសីហនុ កាលពីរសៀលថ្ងៃទី២១ កក្កដានេះដែលបណ្តាលឲ្យរថយន្ត និងម៉ូតូមួយចំនួនរងការខូចខាតនោះត្រូវបានអនុវត្តន៍ទៅតាមនិតិវិធីហើយ ។
ក្នុងនោះជនសង្ស័យទី១ ឈ្មោះ ទុយ វិចិត្រ ភេទប្រុស អាយុ២៣ឆ្នាំ មានទីលំនៅភូមិអូរចន្ទី ឃុំព្រៃស្លឹក ខេត្តតាកែវ បើកបររថយន្តកុងតឺន័រពាក់ស្លាកលេខព្រះសីហនុ3A-0549(បង្កហេតុលើកទី១)បុកប៉ះខូចខាត រថយន្តតូច២គ្រឿង និងម៉ូតូមួយគ្រឿង ។ ជនសង្ស័យទី២ បើករថយន្តកុងតឺន័រពាក់ស្លាកលេខ ព្រះសីហនុ3A-1074 ឈ្មោះ អៀម ណាក់ ភេទប្រុស អាយុ២២ឆ្នាំ មានទីលំនៅភូមិព្រៃរុន ឃុំព្រៃស្រង៉ែ ស្រុកទាំង ខេត្តតាកែវ (បង្កហេតុលើកទី២)បណ្តាលឲ្យរថយន្តតូចមួយគ្រឿងរងការខូចខាតមធ្យមអ្នកទាំង២ បើកបររថយន្តឲ្យក្រុមហ៊ុនមួយ ។
លោកឧត្តមសេនីយ៍ត្រីបានមានប្រសាសន៍បញ្ជាក់បន្ថែមថា ក្រោយឃាត់ខ្លួនអ្នកបើកបរទាំង២រូប សមត្ថកិច្ចធ្វើតេស្តរកឃើញមានសារធាតុញៀនក្នុងខ្លួនផងដែរ ក្នុងនោះជនសង្ស័យម្នាក់ឈ្មោះ អៀម ណាក់ គ្មានទាំងបណ្ណ័បើកបរទៀត ៕
ចែករំលែកព័តមាននេះ