រាជធានីភ្នំពេញ ៖ រថយន្តដឹកអីវ៉ាន់មួយគ្រឿងគេចពីរថយន្តក្រឡុកស៊ីម៉ង់ត៍មួយគ្រឿងដែលធ្វើដំណើរបញ្ច្រាសទិសគ្នា បណ្តាលអោយរេចង្កូតទៅខាងស្តាំបុករះចូលផ្ទះលក់បាយបណ្តាលអោយខូចខាតសំយ៉ាបខាងមុខអស់២ផ្ទះ ។ ហេតុការណ៍នេះដែរបានកើតឡើងកាលពីវេលាម៉ោង១១និង២០នាទីយប់ថ្ងៃទី២៣ ខែកក្កដា នៅតាមបណ្តោយផ្លូវ៣៧១ ចំណុចផ្ទះលក់បាយសម្ល យីហោ…
រាជធានីភ្នំពេញ ៖ រថយន្តដឹកអីវ៉ាន់មួយគ្រឿងគេចពីរថយន្តក្រឡុកស៊ីម៉ង់ត៍មួយគ្រឿងដែលធ្វើដំណើរបញ្ច្រាសទិសគ្នា បណ្តាលអោយរេចង្កូតទៅខាងស្តាំបុករះចូលផ្ទះលក់បាយបណ្តាលអោយខូចខាតសំយ៉ាបខាងមុខអស់២ផ្ទះ ។ ហេតុការណ៍នេះដែរបានកើតឡើងកាលពីវេលាម៉ោង១១និង២០នាទីយប់ថ្ងៃទី២៣ ខែកក្កដា នៅតាមបណ្តោយផ្លូវ៣៧១ ចំណុចផ្ទះលក់បាយសម្ល យីហោ ប្រាជ្ញ ស៊ីណាត និងផ្ទះលក់បាយម្ហូបដូចគ្នាមួយទៀត យីហោ ណុយ សុគន្ធា ក្នុងសង្កាត់បឹងទំពុន២ ខណ្ឌមានជ័យ។
រថយន្តបង្កជាប្រភេទរថយន្តដឹកអីវ៉ាន់ធុនតូច ពណ៌ស ពាក់ស្លាកលេខ ភ្នំពេញ ៣B-៦០៨៨ បើកបរដោយបុរសម្នាក់ និងព្រូម្នាក់ ។
ប្រភពពីអ្នកបើកបររថយន្តបានប្រាប់អោយដឹងថា មុនកើតហេតុ គាត់បានបើករថយន្តតាមបណ្តោយផ្លូវ៣៧១ ក្នុងទិសដៅពីកើតទៅលិច លុះមកដល់កន្លែងកើតហេតុ ស្រាប់តែមានរថយន្តក្រឡុកស៊ីម៉ង់ត៏មិនស្គាល់ម៉ាកមួយគ្រឿងបើកជែងគេឯងចូលទៅចំណែកផ្លូវរថយន្តរបស់គាត់វាក់អើគ្នា ហើយគាត់បានងាកចង្កូតទៅខាងស្តាំ ក៏ត្រូវរថយន្តក្រឡុកស៊ីម៉ង់ត៍នោះកៀរទូរថយន្តរបស់គាត់បណ្តាលអោយឆ្កូតធ្លុះមួយប្រឡោះ ហើយរថយន្តក្រឡុកស៊ីម៉ង់ត៍នោះបានបើកគេចខ្លួនបាត់ស្រមោល ។
ភ្លាមនោះរថយន្តរបស់គាត់បានជ្រុលទៅប៉ះនឹងប្រអប់ភ្លើងជាមួយនឹងកញ្ចក់រថយន្តបណ្តាលអោយធ្លាក់ដាច់ភ្លើង ហើយរថយន្តនៅតែបន្តទៅបុកនឹងសំយ៉ាបផ្ទះលក់បាយអស់ចំនួន២ផ្ទះ បណ្តាលអោយខូចខាតទាំងស្រុង លាន់ស្នូរប្រាវធ្វើអោយម្ចាស់ផ្ទះភ័យព្រលឹងចុងសក់ ហើយរថយន្តបង្ករងការខូចខាតមួយកំណាត់មុខផ្នែកខាងឆ្វេង។
ភ្លាមៗនោះបន្ទាប់ពីកើតហេតុ ម្ចាស់ផ្ទះរងគ្រោះបានចេញមកចរចាជាមួយអ្នកបើកបររថយន្តបង្ក ហើយអ្នកបើកបររថយន្តដឹកអីវ៉ាន់បានទូរស័ព្ទហៅថៅកែខ្លួនមកដោះស្រាយ បន្ទាប់ពីចរចា ថៅកែរថយន្តព្រមហៅជាងធ្វើសំយ៉ាប់ថ្មីជូនវិញ និងសងការខាតបង់ការរកស៊ីទៅឱ្យម្ចាស់ផ្ទះរងគ្រោះក្នុងមួយថ្ងៃ៣០ម៉ឺនរៀល រហូតដល់ធ្វើសំយ៉ាបមុខផ្ទះរួច ហើយខាងម្ចាស់ផ្ទះយល់ព្រមបញ្ចប់រឿង រួចថៅកែររថយន្តបង្កទៅចរចាខាងអគ្គិសនី សងការខូចខាតទៅតាមទំហំនៃការខូចខាតដើម្បីបញ្ចប់រឿង ៕
ចែករំលែកព័តមាននេះ