ខេត្តកំពង់ធំ ៖ បុរសវ័យចំណាស់ចងកសម្លាប់ខ្លួនបង្កឲ្យមានការភ្ញាក់ផ្អើលកាលពីព្រឹកថ្ងៃទី២៣ ខែកក្កដា ឆ្នាំ២០១៨ នៅភូមិតាំងស្ទោង ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ ។…
ខេត្តកំពង់ធំ ៖ បុរសវ័យចំណាស់ចងកសម្លាប់ខ្លួនបង្កឲ្យមានការភ្ញាក់ផ្អើលកាលពីព្រឹកថ្ងៃទី២៣ ខែកក្កដា ឆ្នាំ២០១៨ នៅភូមិតាំងស្ទោង ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ ។
សមត្ថកិច្ចបានឲ្យដឹងថា ជនរងគ្រោះដែលស្លាប់ឈ្មោះ ប៉ុន ប៉ុច ភេទប្រុស អាយុ៥៤ឆ្នាំ មុខរបរកសិករ នៅភូមិខាងលើ ។
បើតាមការបំភ្លឺរបស់ស្ត្រីជាប្រពន្ធឈ្មោះ ជីន គន អាយុ៥៣ឆ្នាំ បាននិយាយថា កាលពីវេលាម៉ោងប្រហែល៦យប់ថ្ងៃទី២២ ខែកក្កដា ឆ្នាំ២០១៨ គាត់បានត្រឡប់មកពីមើលគោវិញ ហើយក៏បានដួសបបរអោយប្តីគាត់ហូប និងបានទិញថ្នាំអោយគាត់លេប ខណៈពេលនោះ ប្ដីគាត់បាននិយាយខុសធម្មតាថា «យើងនឹងស្លាប់ទាំងអស់គ្នា» ឮពាក្សនិយាយដូច្នេះ ភ្លាមនោះរូបគាត់ក៏បានលួងលោមប្តីអោយដេកទៅ កុំឲ្យនិយាយផ្តេសផ្តាស តែប្តីគាត់មិនដេកនោះទេ ហើយបានស្ទុះទៅទាញកូនកាំបិតចិតបន្លែមក ហើយគាត់បានស្រែកហៅបងប្អូនឲ្យមកជួយឃាត់ប្តីគាត់ ពេលគេយកកូនកាំបិតទុកហើយ ប្តីគាត់បានទៅយកខ្សែអង្រឹងមកទៀត គាត់ក៏សុំយកខ្សែមកទុក តែប្តីគាត់មិនអោយ ។
ស្ត្រីជាប្រពន្ធបន្តទៀតថា លុះដល់វេលាម៉ោង១០និង៣០នាទីយប់ បងប្អួនជិតខាងក៏បានទៅផ្ទះគេអស់ ចំណែកគាត់ជាប្រពន្ធពេលឃើញអាការប្តីប្លែកៗដូច្នេះ មិនហ៊ានដេកនៅផ្ទះជាមួយប្តីនោះទេ បាននាំកូនទៅដេកផ្ទះម្ដាយមីង លុះដល់ព្រឹកថ្ងៃទី២៣ កក្កដាឆ្នាំ២០១៨ គាត់ដើរទៅផ្ទះវិញ ក៏ឃើញប្ដីចងកស្លាប់បាត់ទៅហើយ ក៏បានហៅបងប្អួនមកជួយស្រាយដាក់សពចុះមកក្រោម ។
ក្រោយពីទទួលបានព័ត៌មាននេះភ្លាម កំលាំងជំនាញបានសហការជាមួយលោកនាយរងប៉ុស្តិ៍ លោកគ្រូពេទ្យ លោកមេភូមិ និងបងប្អួនសាច់ញាតិដើម្បីពិនិត្យសព រកឃើញថាបុរសរងគ្រោះពិតជាស្លាប់ដោយសារចង
កពិតប្រាកដមែន ក៏ប្រគល់សពជួនក្រុមគ្រួសារដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ