ខេត្តព្រះសីហនុ ៖ ក្រៅអំពីកិច្ចការរដ្ឋបាល និងកិច្ចការពារសន្តិសុខការអភិវឌ្ឍហេដ្ឋារចនាសម្ព័ន្ឋ គឺជាយុន្តការដ៏សំខាន់ដែលប្រមុខរាជរដ្ឋាភិបាលក៏ដូចជា អាជ្ញាធរខេត្តក្រោមការដឹកនាំរបស់ឯកឧត្តម យន្ត មីន បានយកចិត្តទុក្ខដាក់យ៉ាងខ្លាំង ។
ថ្លែងនាព្រឹកថ្ងៃទី២២ កក្កដា ឆ្នាំ២០១៨នេះ លោក ស កក្កដា អភិបាលស្រុកព្រៃនប់បានឲ្យដឹង ថា បើទោះបីស្រុកព្រៃនប់ទទួលរងឥទ្ធិពលព្យុះភ្លៀង ខ្សល់កន្ទ្រាក់ និងមានការជន់ផ្លូវខ្លះៗតិចតួចយ៉ាងណាក្តី ក៏អាជ្ញាធរនៅតែតាមដានយចិត្តទុកដាក់ពីសំណាក់អាជ្ញាធរស្រុកឃុំ គ្រប់លំដាប់ថ្នាក់ ដោយចុះពិនិត្យតាមប្រព័ន្ធលូរំដោះទឹកសំខាន់ៗ ដើម្បីស្វែងយល់ពីមូលហេតុក្រែងមានការជន់លិច ងាយស្រួលក្នុងការមានវិធានការស្តារទាន់ពេលវេលា ។ ជាមួយ និងអាកាសធាតុនេះនៅក្នុងស្រុកព្រៃនប់ស្របពេលដែលភ្លៀងនៅបន្តធ្លាក់ជោគជាំ ផ្លូវលំចូលទៅភូមិព្រែកក្រាញ់ ឃុំសាមគ្គីត្រូវបានលិចទឹកចម្ងាយប្រមាណជា២០០ម៉ែត្រ តែយ៉ាងណាមិនបង្កប៉ះពាល់ដល់ការធ្វើចរាចរណ៍របស់ពលរដ្ឋឆ្លងកាត់ឡើយ ។
ដោយឡែកសម្រាប់ប្រជុំជនវាលរេញវិញក៏មិនមានការជន់លិចដែរ ស្របពេលដែលអាជ្ញាធរមូលដ្ឋានដឹកនាំដោយរូបលោកផ្ទាល់បានដាក់គ្រឿងចក្រកាយដឹកកាកសំណល់ផ្សេងៗចេញតាមប្រព័ន្ធលូសំខាន់ៗតាមបណ្តោយផ្លូវជាតិលេខ៣ ដែលជាប្រភពរំដោះទឹកយ៉ាងសំខាន់ចេញពីប្រជុំជនវាលរេញ ។ ជាមួយ នឹងសកម្មភាពនេះរដ្ឋបាលស្រុកព្រៃនប់សង្ឈឹមថា ក្នុងឆ្នាំនេះនឹងមិនមានការជន់លិចដូចឆ្នាំកន្លងទៅឡើយទោះបីជាភ្លៀងនៅបន្តធ្លាក់ទៀតយ៉ាងណាក៏ដោយ ៕
ចែករំលែកព័តមាននេះ