ខេត្តក្រចេះ ៖ ពលរដ្ឋនៅស្រុកចិត្របុរីសម្រេចធ្វើការប្រមូលផលមុនរដូវស្របពេល ដែលដំណាំកសិកម្មដែលពួកគាត់កំពុងតែបង្កបង្កើនផលរួមមាន ពោត,ស្រូវ,សណ្តែក,ល្ងរ គឺ កំពុងតែយាយីពីការជនលិចដោយទឹកជំនន់ ។
![Picture]()
ប្រជាកសិករនៅស្រុកចិត្របុរីដែលនិយមបង្កបង្កើនផលកសិកម្មភាគច្រើនជាពោតក្រហម សម្តែងក្តីបារម្ភថា និងបាត់ទិន្នផលខណៈដែលស្ថានភាពទឹកជំនន់ឆ្នាំនេះជន់លិចលឿនជាង ឆ្នាំមុនៗជាហេតុធ្វើឲ្យប្រជាកសិករសម្រេចប្រមូលផលកសិកម្មមុនផលដំណាំហុច ផលគ្រប់គ្រាន់ ។
![Picture]()
ស្ថានភាពទឹកជំនន់ត្រូវគេមើលឃើញថាបាននឹងកំពុងគំរាមកំហែងលើការជន់លិចតាម បណ្តាស្រុកមួយចំនួនដែលមានទីតាំងប្រប និងដងទន្លេមេគង្គ ពិសេសតាមតំបន់វាលទំនាប នៅខេត្តក្រចេះ ។ ស្រុកទាំងចំនួន៥និងក្រុង១ក្នុងចំណោមស្រុកទាំង៦នៅខេត្តក្រចេះកំពុងតែ ប្រឈម និងការជន់លិចដោយជំនន់ទឹកភ្លៀង និងជំនន់ទឹកទន្លេខណៈដែលស្ថានភាព អាកាសធាតុទទួលរងសំពាធទាបក្នុងអំឡុងរយៈពេលប៉ុន្មានថ្ងៃចុងក្រោយនេះ ។
![Picture]()
ទន្ទឹម និងអាកាសធាតុដែលកំពុងតែមានសំពាធទាបនាដើមរដូវបានធ្វើឲ្យប្រជាកសិករ ធ្វើស្រែវស្សា និងស្រែប្រដេញទឹកកំពុងម្នីម្នាភ្ជួរាស់ដីស្រែដកស្ទូង ដើម្បីបង្កបង្កើនផលឲ្យ ទាន់ទឹកភ្លៀងរដូវដើមឆ្នាំ ។ ជាមួយគ្នានេះពលរដ្ឋដែលបង្កបង្កើនផលកសិកម្មនៅតាមតំបន់ វាលទំនាបកំពុងតែមានការព្រួយបារម្ភថា និងបាត់ទិន្នផលដំណាំកសិកម្មក៏ព្រោះ តែស្ថានភាព ទឹកទន្លេ បឹង ព្រែកបានហក់ជន់ឡើងយ៉ាងគំហុកធ្វើឲ្យពួកគាត់សម្រេចប្រមូលផល ដើម្បីគេច ពីការលិចទាំងដំណាំទាំងនោះភាគច្រើននៅមិនទាន់ហុចផលពេញលេញនៅឡើយនោះទេ ។
![Picture]()
ស្ត្រីជាកសិករមួយរូបរស់នៅក្នុងភូមិព្រែកតាំអាំ ឃុំបុសសាវ ស្រុកចិត្របុរី ដែលមានផ្ទៃដី បង្កបង្កើនផលដំណាំកសិកម្មច្រើនជាងគេបានប្រាប់ឲ្យដឹងនៅថ្ងៃទី២៣ កក្កដា នេះថា ដោយសារតែស្ថានភាពដីក្នុងភូមិជាប្រភេទដីទំនាបពលរដ្ឋនៅក្នុងភូមិនេះភាគច្រើននិយមដាំ ពោតក្រហមជាដំណាំកសិកម្មនាំមុខ ។ ស្ត្រីជាកសិកររូបនេះបានប្រៀបធៀបថា ដោយសារតែឆ្នាំនេះស្ថានភាពទឹកជំនន់បានឡើងលឿនជាងឆ្នាំរាល់ដងទើបធ្វើឲ្យប្រជា កិសករក្នុងភូមិសម្រេចកាច់ពោតពីចម្ការមកផ្ទះ បើទោះបីជាដំណាំពោតទាំងនោះនៅមិនទាន់ ហុចផលពេញលេញយ៉ាងណាក្តីតែពួកគាត់បានប្រមូលយក ដើម្បីគេចផុតពីការលិចលង់ ។ ស្ត្រីជាកសិកររូបនេះបានលើកឡើងដោយសម្តែងក្តីបារម្ភពីការបាត់ទិន្នផលពោតនៅឆ្នាំនេះ ក៏ព្រោះតែធម្មជាតិមិនអំណោយផលល្អ ។
បើទោះជាបែបណាជុំវិញស្ថានភាពទឹកជំនន់នេះក៏ត្រូវបានមន្ត្រីសាលាខេត្តក្រចេះបាន អះអាងប្រាប់ឲ្យដឹងថា ការជន់លិចនៅមិនទាន់ដល់កម្រិតព្រួយបារម្ភនៅឡើយនោះទេ ។ មន្ត្រីរូបនេះថា តំបន់ដែលជនលិចជាតំបន់វាលទំនាប ហើយការជនលិចវាជាទំលាប់គ្រប់រដូវ ។ បើតាមមន្ត្រីសាលាខេត្តក្រចេះបានឲ្យដឹងទៀតថា គិតត្រឹមថ្ងៃទី២៣ កក្កដា នេះស្ថាន ភាពកម្ពស់ទឹកទន្លេមិនហក់ឡើងទៀតនោះទេ គឺត្រូវបានស្រកចុះបន្តិចទៅវិញ ៕
ចែករំលែកព័តមាននេះ