ខេត្តបន្ទាយមានជ័យ ៖ មន្ត្រីកាំកុងត្រូលចុះពិនិត្យផ្សារចំនួន២ នៅស្រុកភ្នំស្រុករកឃើញទំនិញហួសកាលបរិច្ឆេទ និងខូចគុណភាព និងកម្ទេចមី ដែលដកហូតទម្ងន់១១៦គីឡូក្រាម កាលពីថ្ងៃទី១៩ ខែកក្កដា ឆ្នាំ២០១៨…
ខេត្តបន្ទាយមានជ័យ ៖ មន្ត្រីកាំកុងត្រូលចុះពិនិត្យផ្សារចំនួន២ នៅស្រុកភ្នំស្រុករកឃើញទំនិញហួសកាលបរិច្ឆេទ និងខូចគុណភាព និងកម្ទេចមី ដែលដកហូតទម្ងន់១១៦គីឡូក្រាម កាលពីថ្ងៃទី១៩ ខែកក្កដា ឆ្នាំ២០១៨ នៅស្រុកភ្នំស្រុក ។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យប្រាប់ថា ជាការយកចិត្តទុកដាក់ចំពោះសុខមាលភាពបងប្អូនប្រជាពលរដ្ឋមន្ត្រីសាខាកាំកុងត្រូលខេត្តបានសហការជាមួយមន្ត្រីអាជ្ញាធរ ស្រុកភ្នំស្រុក និងអធិការដ្ឋាននគរស្រុកភ្នំស្រុក និងម្ចាស់ផ្សារបានចុះពិនិត្យទំនិញនៅតាមតូប និងផ្សារចំនួន២កន្លែងស្រុកភ្នំស្រុក ។
លោកបានបញ្ជាក់ថា ក្រោយពេលចុះពិនិត្យរកឃើញមានទំនិញដែលខូចគុណភាពហួសការបរិច្ឆេតត្រូវបានដកហូតយកមាន មីកំប៉ុង ពោតកំប៉ុង ម្ស៉ៅស៊ុបខ្នុរ កាហ្វេកញ្ចប់ ទឹកដោះគោខាប់ ទឹកក្រូចដបជ័រ ស្ករគ្រាប់ ដំណាប់កន្ទួត កាកសំណល់កម្ទេចមី សរុបចំនួន១១៨គីឡូក្រាមយកទៅដុតកម្ទេចចោល ។
លោក ហ៊ុយ ឡេង ម្ចាស់ផ្សារហ៊ុយឡេងស្រុកភ្នំស្រុកបានបញ្ជាក់ថា ម្ចាស់ផ្សារ និងចូលរួមសហការជាមួយមន្ត្រីជំនាញ ដើម្បីឲ្យចុះពិនិត្យរកទំនិញខូចគុណភាព និងហួសការបរិច្ឆេទ បើរកឃើញមានអាជីវករណាមួយលក់ទំនិញខូចគុណភាពហើយ បានណែនាំម្តងជាពីរដងមិនរៀងចាលសុំឲ្យមន្ត្រីជំនាញចាត់ការតាមច្បាប់ឲ្យបញ្ឈប់លក់ក្នុងផ្សារទៀត ។
លោក យឹម សំណាង អភិបាលស្រុកភ្នំស្រុកបានសំណូមពរដល់មន្ត្រីសាខាកាំកុងត្រូលខេត្តបន្ទាយមានជ័យត្រូវចុះពិនិត្យរកទំនិញខូចគុណភាពក្នុង១ខែបាន២ទៅ៣ដង ជាការប្រសើរដើម្បីការពារសុខមាលភាពបងប្អូនប្រជាពលរដ្ឋ ។ ហើយអាជីវករត្រូវចូលរួមទប់ស្កាតការលក់ដូរទំនិញដែលខូចគុណភាព និងហួសការបរិច្ឆេទ បើសិនឃើញមានជនខិលខូចនាំយកមកលក់ក្នុងទីផ្សារត្រូវរាយការជូនអាជ្ញាធរ និងសមត្ថកិច្ចចាត់ការតាមច្បាប់ ៕
ចែករំលែកព័តមាននេះ