០៤:២១ | ក្នុងស្រុក
- kspg websites
- info@kspg.co
- 023 987 118
រាជធានីភ្នំពេញ ៖ ជាការកត់សម្គាល់ រាល់ឆ្នាំបោះឆ្នោតអាណត្តិមុនៗ សកម្មភាពក្នុងវិស័យអចលនទ្រព្យ ជាពិសេសតម្លៃដីធ្លីនៅប្រទេសកម្ពុជា ហាក់មានផលប៉ះពាល់ គ្រាន់តែតិចឬច្រើន ប៉ុន្ដែអាណត្តិនេះវិញ ខណៈដែលការបោះឆ្នោតកាន់តែជិតមកដល់ សកម្មភាពវិនិយោគលើវិស័យនេះ ជាពិសេស ដីធ្លីកាន់តែមានសកម្មភាពមិនតែប៉ុណ្ណោះ តម្លៃក៏បានកើនឡើងថែមទៀត។
បើតាមលោក ប៉ូ អ៊ាវគង់ នាយកគ្រប់គ្រងក្រុមហ៊ុនអចលនទ្រព្យ Advance បានឲ្យដឹងថា ការបោះឆ្នោតអាណត្តិនេះ ហាក់មិនបានធ្វើឲ្យប៉ះពាល់ដល់វិស័យអចលនទ្រព្យនោះទេ។ ជាក់ស្ដែង យើងសង្កេតឃើញថា ការវិនិយោគក្នុងវិស័យនេះនៅតែមានសកម្មភាពដដែល ដោយមិនមានការបង្អាក់ឬត្រូវផ្អាកឡើយ មិនថាសំណង់អគារ ឬដីធ្លី ។
លោកបន្តថា វិនិយោគិនដែលមកបណ្ដាក់ទុនវិនិយោគក្នុងប្រទេសកម្ពុជា នាពេលបច្ចុប្បន្ននេះ ភាគច្រើនមកពីតំបន់អាស៊ី ហើយពួកគេបានយល់ច្បាស់ណាស់ពីស្ថានភាពនយោបាយនៅក្នុងប្រទេសកម្ពុជា ដូចនេះ ពួកគេមិនមានការរុញរាក្នុងការបណ្ដាក់ទុនវិនិយោគលើវិស័យអចលនទ្រព្យ និងដីធ្លីឡើយ ។ លោកថា ៖« បើយើងក្រឡេកមើលវិនិយោគិនដែលបណ្ដាក់ទុនវិនិយោគក្នុងវិស័យអចលនទ្រព្យ និងដីធ្លី ភាគច្រើនជាជនជាតិចិន ហើយជនជាតិចិននេះដែរ ក៏បានដឹងច្បាស់ពីស្ថានភាពនយោបាយស្រុកខ្មែរយើង អីចឹង ពួកគេនឹងនៅតែបន្តសកម្មភាពវិនិយោគរបស់ពួកគេមកលើប្រទេសកម្ពុជា បើទោះបីជាកម្ពុជាយើងជិតដល់ព្រឹត្តិការណ៍បោះឆ្នោតក្តី » ។
លោកបន្ថែមថា បច្ចុប្បន្ននេះ លោកមើលឃើញថា តម្លៃដីធ្លីនៅក្នុងប្រទេសកម្ពុជា មិនត្រឹមតែនៅនឹងនរ ឬធ្លាក់ចុះទេ តែផ្ទុយទៅវិញវាបានបន្តងើបឡើងថែមទៀត ហើយនៅក្រោយការបោះឆ្នោតខាងមុខ លោកជឿថា តម្លៃអចលនទ្រព្យ ជាពិសេស ដីធ្លីនឹងបន្តឡើងថ្លៃថែមទៀត ។
លោកឧកញ៉ា នួន រឹទ្ធី អគ្គនាយកក្រុមហ៊ុនអចលនទ្រព្យ Khmer Founder Appraisal បានឲ្យដឹងដែរថា នៅជិតបោះឆ្នោតនេះ ដីកាន់តែឡើងថ្លៃ បើប្រៀបធៀបនឹងឆ្នាំមុនៗ ដែលមិនមែនជាឆ្នាំត្រូវរៀបចំការបោះឆ្នោត ។
លោកមានប្រសាសន៍ថា ៖« ខ្ញុំមើលឃើញថា វាមិនមានអ្វីប៉ះពាល់ដល់វិស័យដីធ្លី និងអចលនទ្រព្យនោះទេ, ទាំងដីលំនៅឋាន និងតំបន់ពាណិជ្ជកម្ម សុទ្ធតែបានកើនឡើងទាំងសកម្មភាពទិញ-លក់ និងតម្លៃ » ។
លោកឧកញ៉ាបន្តថា ដោយសារតែកំណើនប្រជាពលរដ្ឋបានកើនឡើងជាបន្តបន្ទាប់ ទាំងនៅរាជធានីភ្នំពេញ និងបណ្ដាខេត្ត តម្រូវការលំនៅឋានសម្រាប់ស្នាក់នៅ ក៏បានកើនឡើងដូចគ្នា ហើយអ្វីដែលជាការកត់សម្គាល់នោះ តម្រូវការលំនៅឋានតម្លៃសមរម្យបានកើនឡើងគួរឲ្យកត់សម្គាល់សម្រាប់បំពេញតម្រូវការប្រជាពលរដ្ឋមានប្រាក់ចំណូលទាប និងមធ្យម ក៏ដូចជាមន្ត្រីរាជការ ជាដើម ។ ដូចនេះ វាទាមទារឲ្យមានការវិនិយោគបន្ថែមលើប្រភេទលំនៅឋានតម្លៃសមរម្យ អីចឹងហើយដីធ្លីនៅតែមានតម្រូវការ និងបន្តកើនឡើង ។
លោកឧកញ៉ាបញ្ជាក់ថា នៅក្រោយការបោះឆ្នោត លោករំពឹងថា តម្លៃដីធ្លីនឹងកើនឡើងខ្ពស់ជាងបច្ចុប្បន្ន ជាពិសេសនៅភ្នំពេញ និងតំបន់មាត់សមុទ្រ ពីព្រោះវិនិយោគិនចិននៅតែបន្តបណ្ដាក់ទុនក្នុងវិស័យអចលនទ្រព្យ បានធ្វើសកម្មភាពទិញ-លក់ជាហូរហែនៅតំបន់ទាំងនោះ។ ដូចនេះហើយ បើសិនជាមានចរន្តទិញ-លក់កាន់តែច្រើន តម្លៃក៏មិននៅនឹងដដែលដែរ ។
លោក ជា គុយ ប្រធានក្រុមហ៊ុនពុះដីឡូត៍លក់បានឲ្យដឹងថា លោកបានត្រៀមឡើងថ្លៃរួចហើយសម្រាប់ដីឡូត៍នៅតំបន់ដែលលោកបានត្រៀមពុះលក់ ដូចជា នៅតំបន់ភ្នំរាប និងភ្នំប្រសិទ្ធ ។ លោកថា ៖« នៅក្រោយការបោះឆ្នោតថ្នាក់ជាតិ ដីឡូត៍យើងនឹងឡើងថ្លៃទៀតហើយ មិននៅដដែលនោះទេ ពីព្រោះតម្លៃដីដែលយើងទិញពីប្រជាពលរដ្ឋមកពុះជាឡូត៍នោះ ក៏បានឡើងថ្លៃដែរ អីចឹង យើងមិនមានការព្រួយបារម្ភចំពោះព្រឹត្តិការណ៍បោះឆ្នោតនោះឡើយ » ។
ជាមួយគ្នានេះដែរ អ្នកជំនាញក្នុងវិស័យនេះ សុទ្ធតែមានសុទិដិ្ឋនិយមថា ក្រោយព្រឹត្តិការណ៍បោះឆ្នោត វិស័យនេះនៅតែមានសុខភាពល្អ និងបន្ដរីកចម្រើនក្នុងរយៈពេលវែងថែមទៀត ។
លោក Ken Lo អគ្គនាយកក្រុមហ៊ុនអចលនវត្ថុ Century21 Imperial Property បានមានប្រសាសន៍ក្នុងពិធីអបអរក្រុមហ៊ុន Century21ចំនួន៨ ដែលទទួលបានពានរង្វាន់ចំនួន៨ ពីសហរដ្ឋអាមេរិក នៅព្រឹកថ្ងៃទី១៤ កក្កដា កន្លងមកថា វិស័យអចលនទ្រព្យនៅកម្ពុជានឹងមានភាពរីកចម្រើនកាន់តែខ្លាំងថែមទៀត ក្រោយការបោះឆ្នោតនាពេលខាងមុខនេះ ។
លោកបន្តថា ៖« ការរីកចម្រើនវិស័យអចលនវត្ថុកម្ពុជា នឹងផ្តល់ផលប្រយោជន៍ច្រើន ដល់ប្រទេសជាតិ ហើយការរីកចម្រើននេះនឹងបន្តរយៈពេលវែងទៀត » ។
លោក គាម សៀកឡុង អគ្គនាយកក្រុមហ៊ុនCentury21 Dream Property បានលើកឡើងស្រដៀងគ្នាថា វិស័យនេះមានឱកាសរីកចម្រើនរយៈពេលវែងបន្ថែមទៀត ខណៈទីផ្សារនេះកំពុងស្រូបយកអ្នកវិនិយោគទុនជាតិ និងអន្តរជាតិ ។ ហេតុនេះ ក្រោយការបោះឆ្នោត អ្វីៗនឹងល្អប្រសើរថែមទៀត ប្រសិនជាគ្មានការប្រែប្រួលស្ថានភាពនយោបាយ និងសេដ្ឋកិច្ចរបស់ប្រទេស ។
លោកបន្តថា ៖« ខ្ញុំជឿជាក់ និងមានទំនុកចិត្តលើទីផ្សារនេះ ជាពិសេស មានទំនុកចិត្តលើរដ្ឋាភិបាលនឹងនាំមកនូវស្ថិរភាពនយោបាយ និងមិនធ្វើឲ្យស្ថានភាពនយោបាយប្រែប្រួលជាដុំកំភួនណាមួយនោះទេ » ។
អគ្គនាយកក្រុមហ៊ុន VUTRUST GROUP លោក គុយ វ៉ាត បានថ្លែងផងដែរថា ស្ថានភាពវិស័យអចលនវត្ថុកម្ពុជានៅតែបន្តមានភាពរឹងមាំ ហើយក្រុមហ៊ុនរបស់យើងមិនទាន់ទទួលបានលទ្ធផលធំដុំពេកទេ តែបើទីផ្សារវិញ យើងនៅតែមានភាពនាំមុខគេនៅក្នុងទីផ្សារនេះ ។
លោកបន្តថា ៖« ក្រោយការបោះឆ្នោត ស្ថានភាពវិស័យនេះនឹងរីកចម្រើនបន្តទៀត ប្រសិនជាស្ថានភាពនយោបាយមិនមានការប្រែប្រួលជាដុំកំភួនណាមួយនោះ » ។
យោងតាមរបាយការណ៍គោលនយោបាយសេដ្ឋកិច្ច ដែលបានបោះផ្សាយជាសាធារណៈកាលពីអំឡុងចុងខែមីនា បង្ហាញថា វិស័យសំណង់នឹងមានអត្រាកំណើនប្រមាណ១៦,៧%ក្នុងឆ្នាំ២០១៨ និង១៦,៩%ក្នុងឆ្នាំ២០១៩ ដែលត្រូវបានឆ្លុះបញ្ចាំងតាមរយៈការបន្តងាកទៅរកប្រភេទគម្រោងសំណង់ថ្លៃទាប និងមធ្យម ដែលជួយប៉ះប៉ូវដល់កំណើនយឺតនៃប្រភេទសំណង់ថ្លៃខ្ពស់ ។
ភាពរឹងមាំនៃវិស័យនេះ ត្រូវបានបន្តគាំទ្រដោយការអនុវត្តគម្រោងអភិវឌ្ឍន៍លំនៅឋានតម្លៃសមរម្យ, ការប្តេជ្ញាចិត្តរបស់រាជរដ្ឋាភិបាលក្នុងការអភិវឌ្ឍហេដ្ឋារចនាសម្ព័ន្ធរូបវ័ន្ត និងភាពជឿជាក់ចំពោះការវិនិយោគ ដោយសារភាពរឹងមាំនៃកំណើនសេដ្ឋកិច្ចកម្ពុជា ទោះជាមានឥរិយាបថប្រុងប្រយ័ត្នពីសំណាក់វិនិយោគិនមួយចំនួនក្នុងឆ្នាំ២០១៨ ដែលជាឆ្នាំបោះឆ្នោតក៏ដោយ ។
ទន្ទឹមនឹងនេះ វិស័យអចលនទ្រព្យត្រូវបានរំពឹងថា នឹងនៅតែមានកំណើនរឹងមាំក្នុងរង្វង់៨,៥%ក្នុងឆ្នាំ២០១៨ និងឆ្នាំ២០១៩ ដែលមាននិន្នាការស្របគ្នាទៅនឹងវិស័យសំណង់ដែរ។ កំណើននេះនឹងត្រូវទ្រទ្រង់ដោយការកើនឡើងនៃសកម្មភាពទិញ-លក់សំណង់អគារពាណិជ្ជកម្ម និងលំនៅឋានមានថ្លៃទាបនិងមធ្យម ដែលប៉ះប៉ូវដល់ការថមថយនៃប្រតិបត្តិការទិញ-លក់ និងជួលលំនៅឋានថ្លៃខ្ពស់ ដោយសារកំណើនខ្លាំងនៃការផ្គត់ផ្គង់ធៀបនឹងតម្រូវការ ៕
តាមជើងលេខកំពូលហោរចិនសែដែលល្បីឆុតមួយរយភាគរយបានអះអាងថា នៅថ្ងៃអង្គារ ទី២២ស្អែកនេះជាថ្ងៃល្អបវរមហាប្រសើរ ប្រុសស្រីកើតឆ្នាំទាំង៥ ឆ្លូវ រោង មមី មមែ កុរ លេខនាំ...
បារាំង ៖ ការផ្លាស់ប្តូរដ៏គួរឱ្យភ្ញាក់ផ្អើលមួយរបស់កីឡាករ Neymar ដើម្បីក្លាយជាដៃគូសហការថ្មីជាមួយក្រុមហ៊ុន Puma របស់អាល្លឺម៉ង់ ជាមួយកិច្ចព្រមព្រៀងដ៏ធំសម្បើមមួយ...
Google Maps មានអំណាចខ្លាំងណាស់លើអាជីវកម្មទាំងតូចទាំងធំដែលព្យាយាមទាក់ទាញអតិថិជនថ្មីៗក្នុងសម័យកាលនេះ ។ មុនពេលមនុស្សសម្រេចចិត្តទៅសាកល្បងកន្លែងថ្មីណាមួយ ពួកគេ...
ប្រទេសថៃ ៖ ដោយផ្គើនទាំងចំហចំពោះព្រះមហាក្សត្រថៃ មហាវ៉ាជីរ៉ាឡុងកន បាតុករច្រើនម៉ឺននាក់ កាលពីថ្ងៃទី២០ ខែកញ្ញា ឆ្នាំ២០២០ បានលើកគ្នាដើរហែក្បួននៅក្រុងបាងកក...
ពេលចុងសប្តាហ៍ជាពេលសម្រាប់មនុស្សភាគច្រើន ប៉ុន្តែការមានការងារដែលផ្តល់នូវប្រាក់ចំណូលសមរម្យនៅថ្ងៃចុងសប្តាហ៍មានសារៈសំខាន់ណាស់ប្រសិនបើអ្នកមានគោលបំណងចង់...
សហរដ្ឋអាមេរិក ៖ តម្រួតកាណាដារាយការណ៍កាលពីថ្ងៃទី១៩ កញ្ញា ថា សំបុត្រមួយច្បាប់ដែលផ្ញើមកកាន់សេតវិមាន មានដាក់សារធាតុពុលមួយប្រភេទ ដែលគេស្គាល់ថា ជាសារធាតុRICINE ដែល...
រាជធានីភ្នំពេញ ៖ បុរសម្នាក់សង្ស័យមានវិបត្តិរឿងប្រពន្ធសុំលែងលះ ហើយកូនទើបតែចែកឋានចោលទៀត ធ្វើឱ្យគាត់គិតខ្លី រហូតសម្រេចចិត្តលោតពីលើផ្ទះជាន់ទី២ ធ្លាក់ទើរ...
រាជធានីភ្នំពេញ ៖ ក្រុមប្រឹក្សាធម្មនុញ្ញាកម្ពុជានឹងប្រារព្ធខួបលើកទី២៧ឆ្នាំ នៃការដាក់ឲ្យប្រើប្រាស់រដ្ឋធម្មនុញ្ញជាផ្លូវការ នៅថ្ងៃទី២៣ ខែកញ្ញា ឆ្នាំ២០២០ខាង...
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានថ្លែងឲ្យដឹងនៅថ្ងៃទី២១ ខែកញ្ញា នេះថា កិច្ចព្រមព្រៀងពាណិជ្ជកម្មសេរីកម្ពុជា-ចិន (Free Trade Agreement-FTA) ដែលបាន...
ប្រទេសឥណ្ឌា ៖ តាមបណ្ដាសារព័ត៌មានឥណ្ឌាបានឱ្យដឹងថា អគារកម្ពស់៣ជាន់មួយបានបាក់កាលពីថ្ងៃទី២១ ខែកញ្ញា ឆ្នាំ២០២០ នៅក្នុងតំបន់ជាយក្រុងមួយនៃក្រុងបុមបៃ ប្រទេស...
ខេត្តប៉ៃលិន ៖ បន្ទាប់ពីជំនន់ទឹកភ្លៀងបានបង្កឱ្យលិចលង់ដល់ភូមិជាច្រើន នៅឃុំស្ទឹងត្រង់ ស្រុកសាលាក្រៅ ខេត្តប៉ៃលិន ហើយអាជ្ញាធរខេត្តបានដឹកនាំក្រុមការងារយុវជន ស....
សម័យមួយព្រះធម្មសេនាបតី សារីបុត្ររលឹកដល់ញោមស្រីរបស់លោកដែលនៅជាមិច្ឆាទិដ្ឋិនៅឡើយ ។ លោកក៏មើលឧបនិស្ស័យរបស់ញោមដឹងថា ញោមស្រីមានឧបនិស្ស័យអាចសម្រេចធម៌ដោយបាន...
រាជធានីភ្នំពេញ ៖ កីឡាការិនីតេក្វាន់ដូដ៏ល្បីដែលធ្លាប់ទទួលបានមេដាយមាសយកកិត្តិយសជូនជាតិមាតុភូមិន តាមរយៈការប្រកួតនៅលើឆាកអន្តរជាតិជាច្រើននោះកញ្ញា ស៊ន សៀវ...
ខេត្តសៀមរាប ៖ រថយន្តឈ្នួលម៉ាកសាំយ៉ុងចំណុះ១៥កៅអីមួយគ្រឿង ដឹកអ្នកដំណើរពេញមានប្រុសមានស្រីក្មេងចាស់ ដោយសារអ្នកបើកបរងោកមួយភាំង ក៏រេចង្កូតទៅបុកម៉ូតូកង់បីកែ...
ខេត្តប៉ៃលិន ៖ សំរាមជាច្រើនការ៉ុងដែលត្រូវបានអាជីវករ និងប្រជាពលរដ្ឋយកទៅគរចោលរយៈពេលជាង១អាទិត្យទៅហើយបានបង្កជាក្លិនស្អុយអសោចិ៍ប៉ះពាល់ដល់សុខភាព...
រាជធានីភ្នំពេញ ៖ តារាសម្តែងបែបកំប្លុកកំប្លែង ម៉ាដូណា ដែលមានរហ័សនាម «ធីតាមុខសេះ» បានធ្វើអោយមហាជនមានការចាប់អារម្មណ៍ និងផ្ទុះសំណើចមិនស្ទើរនោះទេ ក្រោយពីរូបលោក...
រាជធានីភ្នំពេញ ៖ ជនជាតិវៀតណាម២នាក់ប្តីប្រពន្ធត្រូវបានកម្លាំងនគរបាលខណ្ឌសែនសុខ សហការជាមួយនគរបាលខណ្ឌពោធិ៍សែនជ័យឃាត់ខ្លួន ដោយជាប់សង្ស័យផ្សំគំនិត និងទទួលផល...
រាជធានីភ្នំពេញ ៖ តារាចម្រៀងមនោសញ្ចេតនាល្បីទាំងក្នុង និងក្រៅស្រុក ទៀង មុំសុធាវី បានលេចសញ្ញាពពោះកូនដំបូងហើយ ក្រោយពេលរៀបការជាមួយបុរសជាអ្នកជំនួញខ្មែរ-បារាំង។...
រាជធានីភ្នំពេញ៖ ប្រជាពលរដ្ឋអះអាងថាតំណាងឲ្យកសិករ ៧០៩៩ គ្រួសារមកពីខេត្តមួយចំនួន បានធ្វើបាតុកម្មទាមទារឲ្យមានការដោះស្រាយបញ្ហាដីធ្លី ដែលកើតមានលើផ្ទៃដីប្រមាណ ជាង១ម៉ឺនហិកតា...
ហុងកុង៖តាមប្រភពព័ត៌មាន Bangkok Post បានឱ្យដឹងថា អ្នកគ្រប់គ្រងអាកាសចរណ៍របស់ហុងកុង បានហាមឃាត់ការហោះហើររវាងទីក្រុង និងកូឡាឡាំពួ រយៈពេលពីរសប្តាហ៍ បន្ទាប់ពីអ្នកដំណើរ៥...
