ខេត្តក្រចេះ ៖ ស្ថានភាពគណបក្សនយោបាយ ដែលបានឈរឈ្មោះដើម្បីធ្វើការប្រកួតប្រជែងរកសំឡេងឆ្នោត ក្នុងការបោះឆ្នោតជ្រើសតាំងតំណាងរាស្ត្រនីតីកាលទី៦ ឆ្នាំ២០១៨ នៅក្នុងខេត្តក្រចេះ មានចំនួន១៣គណបក្សនយោបាយ។
តាំងពីថ្ងៃចាប់ផ្តើមយុទ្ឋនាការឃោសនា រហូតមកទល់នេះ គឺខាងមន្រី្តគ.ជ.ប បានកត់សម្គាល់ឃើញថា មិនមានបាតុភាព ឬបញ្ហាអវិជ្ជមានណាមួយប៉ះពាល់ដល់ការអនុវត្តនីតិវិធីបោះឆ្នោតរបស់គណៈកម្មធិការរៀបចំការបោះឆ្នោតនោះទេ ក៏ដោយសារតែគណបក្សនយោបាយទាំង១៣គណបក្ស គឺសុទ្ធសឹងមានភាព ចាស់ទុំ ផ្នែកនយោបាយ ។ នេះបើយោងតាមការបញ្ជាក់លើកឡើងរបស់លោក អ៊ុង ស៊ីយឿន ប្រធានគណៈ កម្មាធិការជាតិរៀបចំការបោះឆ្នោតខេត្តក្រចេះបានឱ្យដឹង នៅថ្ងៃទី១៨ កក្កដា នេះ។
ទន្ទឹមនិងស្ថានភាពអាកាសធាតុ ដែលកំពុងតែរងនូវសម្ពាធទាប ភ្លៀងធ្លាក់យ៉ាងគំហុក នៅដើមរដូវ ស្របពេលដែលស្ថានភាពទឹកទន្លេ បឹង ព្រែក ក៏កំពុងជន់ឡើងផងដែរនោះ ប្រធានគណៈកម្មធិការជាតិរៀបចំការបោះឆ្នោតខេត្តក្រចេះ លោក អ៊ុង ស៊ីយឿន បានសម្តែងនូវក្តីបារម្ភពីការគំរាមកំហែង ដោយគ្រោះទឹកជំនន់មកលើការរិយាល័យបោះឆ្នោតមួយចំនួន នៅតាមបណ្តាស្រុកដែលងាយនិងរងគ្រោះ ។
ស្រុកចំនួន៤ និងក្រុង១ ក្នុងចំណោមស្រុកទាំង៥ ដែលប្រឈមការលិចការិយាល័យបោះឆ្នោត រួមមានស្រុកឆ្លូង មាន៨ការិយល័យ ស្រុកចិត្របុរីមាន១២ការិយាល័យ ក្រុងក្រចេះមាន៤ការិយាល័យ ស្រុកព្រែកប្រសព្វមាន២៣ការិយាល័យ ស្រុកសំបូរមាន៤ការិយាល័យ ។
បញ្ហានេះ ក៏ត្រូវលោកប្រធានគ.ជ.បខេត្ត បានបញ្ជាក់ថា ខាងគណៈកម្មាធិការបានត្រៀមទីទួលសុវត្ថិភាពជាច្រើនកន្លែង ដើម្បីត្រៀមជម្លៀសការិយាល័យ សម្រាប់ឲ្យដំណើរការបោះឆ្នោតគេចពីការលិចលង់ដំណើរទៅបានតាមធម្មតា ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ