ជីវិតដែលមានប្រយោជន៍ បើជាបព្វជិតលោកបានបំពេញការសិក្សាក្បួនខ្នាតពីមាគ៌ាព្រះពុទ្ធសាសនាបានចេះដឹងហើយ បានប្រតិបត្តិតាមការចេះដឹង និងបានបំពេញមុខងារតាមតួនាទីរបស់បព្វជិត ដើម្បីញុំាងប្រយោជន៍អោយដល់ព្រះពុទ្ធសាសនាផង ដល់ប្រទេសជាតិផង ដល់ខ្លួន និងមនុស្សទូទៅផង មិនប្រព្រឹត្តខ្ជះខ្ជាយពេលវេលា ខ្ជិលច្រអូស…
ជីវិតដែលមានប្រយោជន៍ បើជាបព្វជិតលោកបានបំពេញការសិក្សាក្បួនខ្នាតពីមាគ៌ាព្រះពុទ្ធសាសនាបានចេះដឹងហើយ បានប្រតិបត្តិតាមការចេះដឹង និងបានបំពេញមុខងារតាមតួនាទីរបស់បព្វជិត ដើម្បីញុំាងប្រយោជន៍អោយដល់ព្រះពុទ្ធសាសនាផង ដល់ប្រទេសជាតិផង ដល់ខ្លួន និងមនុស្សទូទៅផង មិនប្រព្រឹត្តខ្ជះខ្ជាយពេលវេលា ខ្ជិលច្រអូស គឺធ្វើខ្លួនអោយសមជាបព្វជិតទីពឹងខ្លួន បានទាំងជនដទៃក៏គេអាចចូលមកពឹងពាក់បានផង ។
ជីវិតដែលមានតម្លៃនោះ គឺពុំមែនទាល់តែរស់នៅលើគំនរមាសប្រាក់ ឬយសស័ក្តិឋានខ្ពង់ខ្ពស់ទើបមានតម្លៃនោះទេ បញ្ហាដែលសំខាន់ជាងនេះគឺគប្បីអប់រំកាយ វាចា ចិត្ត អោយប្រកបដោយគុណធម៌ល្អ ជាធម្មិកជន និងបានបំពេញតួនាទី ជាមនុស្សដែលផ្តល់ផលប្រយោជន៍ដល់មនុស្សគ្រប់រូប ។
បើជាគ្រហស្ថវិញ គ្រហស្ថនោះមានចិត្តប្រកបដោយមនុស្សធម៌ មានប្រាជ្ញាស្គាល់ការខុសត្រូវ ជ្រៅរាក់ ចេះសម្របខ្លួនក្នុងសង្គមមិនប្រព្រឹត្តច្រងេងច្រងាងកោងកាច អុងអាត់ លើកកម្ពស់ខ្លួនមើលងាយអ្នកដទៃ ដែលផ្ទុយនឹងច្បាប់លោក ច្បាប់ធម៌ ទាំងបានបំពេញប្រយោជន៍ដល់ប្រទេសជាតិ ដល់សាសនា ដល់ខ្លួន ដល់គ្រួសារ និងដល់សាធារណជនផង ដោយកម្លាំងកាយ វាចា ចិត្ត និងកម្លាំងទ្រព្យ ។
ជីវិតរបស់មនុស្សបែបនេះទោះជាក្រហស្ថក្តី បព្វជិតក្តីឈ្មោះថា ជាជីវិតរស់នៅមានប្រយោជន៍ ដោយពិត ព្រោះសប្បុរសជនទាំងនោះគេបានបំពេញកិច្ចការដ៏មានប្រយោជន៍ដល់សង្គមជាតិ ដល់សាសនា ហើយស្នាដៃទាំងអស់នេះជាមហាកុសល ជាស្បៀង ជាកំណប់ ទ្រព្យអាចជូនផលដល់ខ្លួនវិញអោយបានសុខទៅលោកខាងមុខជាក់ជាមិនខាន ។
ចែករំលែកព័តមាននេះ