រាជធានីភ្នំពេញ ៖ ការយល់ដឹងពាក់ព័ន្ធនឹងជំងឺបេះដូងសម្រាប់ប្រជាជនកម្ពុជា គឺហាក់នៅមានកម្រិត បើទោះបីជាជំងឺបេះដូង គឺជាមូលហេតុចម្បងនៃការស្លាប់ច្រើនបំផុតនៅលើពិភពលោក ។ យ៉ាងណាមិញ បច្ចេកវិទ្យាទំនើប ការព្យាបាលជំងឺបេះដូងគ្រប់ប្រភេទក៏មានការវិវត្តទៅមុខ…
រាជធានីភ្នំពេញ ៖ ការយល់ដឹងពាក់ព័ន្ធនឹងជំងឺបេះដូងសម្រាប់ប្រជាជនកម្ពុជា គឺហាក់នៅមានកម្រិត បើទោះបីជាជំងឺបេះដូង គឺជាមូលហេតុចម្បងនៃការស្លាប់ច្រើនបំផុតនៅលើពិភពលោក ។ យ៉ាងណាមិញ បច្ចេកវិទ្យាទំនើប ការព្យាបាលជំងឺបេះដូងគ្រប់ប្រភេទក៏មានការវិវត្តទៅមុខ ជាមួយនឹងឧបករណ៍ និងបច្ចេកវិទ្យាឈានមុខផងដែរ ។
ជួបជាមួយនឹងភ្នាក់ងារកោះសន្តិភាពថ្មីៗនេះ វេជ្ជបណ្ឌិតនៃមន្ទីរពេទ្យបំរ៉ុងរ៉ាត់ វេជ្ជបណ្ឌិត វិស៊ុត វិវេកាភីរ៉ាត (Dr. Visuit Vivekaphirat) ឯកទេសជំងឺបេះដូងនៃមន្ទីរពេទ្យលំដាប់ផ្កាយ ៥ Bumrungrad International Hospital នៅទីក្រុងបាងកក ប្រទេសថៃ បានឲ្យជំងឺបេះដូង គឺជាប្រភេទជំងឺធ្ងន់ធ្ងរដែលប្រជាពលរដ្ឋគួរយកចិត្តទុកដាក់ ។ ពាក់ព័ន្ធនឹងបញ្ហាជំងឺបេះដូងនេះផងដែរ វេជ្ជបណ្ឌិត បានបកស្រាយពន្យល់នូវចំណុចសំខាន់ៗចំនួន ២ ពាក់ព័ន្ធនឹងជំងឺបេះដូងដោយកង្វះការផ្គត់ផ្គង់ឈាម (Heart Ischemia) និងការដាក់ស្តេន (Stent implantation ៖
១- ជំងឺបេះដូងដោយកង្វះការផ្គត់ផ្គង់ឈាម (Heart Ischemia) ៖ Ischemia គឺជាពាក្យដែលរៀបរាប់អំពីកង្វះនៃការផ្គត់ផ្គង់ឈាមទៅសាច់ដុំបេះដូង។ ដូច្នេះជំងឺបេះដូងដោយកង្វះការផ្គត់ផ្គង់ឈាម (Heart Ischemia) វាត្រូវបានគេហៅថា បញ្ហាបេះដូងដែលបណ្តាលមកពីសរសៃឈាមបេះដូងតូចចង្អៀត។ នៅពេលសរសៃឈាមតូចចង្អៀត ឈាម និងអុកស៊ីសែនមានចំនួនតិចតួចផ្តល់ដល់សាច់ដុំបេះដូង។
២- ការដាក់ស្តេន (Stent implantation) ៖ គឺការព្យាបាលម្យ៉ាង ដែលគ្រូពេទ្យជំនាញខាងបេះដូងប្រើប្រាស់សម្រាប់ព្យាបាលនៃការរាំងស្ទះនៃសសៃឈាម ។ ដូច្នេះការដាក់ស្តេន (Stent implantation) គឺជាការព្យាបាលបែបទំនើបដែលជាការអភិវឌ្ឍន៍ពីការព្យាបាលដោយការដាក់បាឡុង balloon sinuplasty ដែលត្រូវបានធ្វើតាំងពីដើមឆ្នាំ ៨០។
វេជ្ជបណ្ឌិត Dr. Visuit Vivekaphirat បានបញ្ជាក់ថា នៅពេលដែលវេជ្ជបណ្ឌិតជំនាញ ព្យាបាលដោយ balloon sinuplasty គឺបានពើបប្រទះនូវបញ្ហាធំមួយចំនួន ។ ស្តេន (Stent) គឺជាបំពង់ដែកអ៊ីណុកតូចមួយដែលដាក់បញ្ចូលជាអចិន្ត្រៃយ៍ បញ្ចូលទៅក្នុងសរសៃឈាមដែលដំណើរការនេះ គឺដើម្បីកាត់បន្ថយឱកាសនៃការបិទសរសៃឈាម ជាពិសេសបន្ទាប់ពីអ្នកជំងឺត្រូវបានអនុវត្តការព្យាបាលតាមរយៈ balloon ។
វេជ្ជបណ្ឌិត ថេង យូដាលីន ឯកទេសជំងឺបេះដូងនៃមន្ទីរពេទ្យកាល់ម៉ែតមានប្រសាសន៍ថា បច្ចេកវិទ្យាក្នុងស្រុកក៏មានការវិវត្តទៅមុខល្អសម្រាប់ការព្យាបាលជំងឺបេះដូង ហើយចំពោះមន្ទីរពេទ្យកាល់ម៉ែតយើងទាក់ទងទៅនឹងអ្នកជំងឺដែលមានបញ្ហាបេះដូងនោះ គឺនិយាយមែនទែន គឺយើងមានសឹងគ្រប់កំរិតដែលអាចព្យាបាលបាន ។
វេជ្ជបណ្ឌិត ថេង យូដាលីន មានប្រសាសន៍បន្ថែមថា ៖ នៅក្នុងនោះយើងមានការដាក់រឺស័រក្នុងសរសៃឈាមបេះដូង ហើយយើងមានរហូតដល់ការវះកាត់តសរសៃឈាមបេះដូង យើងអាចដាក់ថ្មបេះដូង ជាពិសេសសម្រាប់អ្នកមានបេះដូងដើរយឺត អ្នកដែលមានវិបត្តិបញ្ហាបេះដូងដើរញាប់ខ្លាំង ឬមួយក៏អ្នកជំងឺបេះដូងដែលមានចង្វាក់បេះដួងដើរមិនស្មើណាមួយនោះ អាចឈានទៅដល់ការរំជួលនៃចរន្តដែលឆ្លងភ្លើងនៅក្នុងបេះដូង ។ យើងអាចធ្វើការវះកាត់ដូរប្រឹសបេះដូងបាន ហើយយើងអាចធ្វើការវះកាត់ ជាពិសេសកូនខ្មែរក្មេងៗដែលមានបញ្ហាបេះដូងចំហរពីកំណើត ជាដើម។
វេជ្ជបណ្ឌិត ឯកទេសជំងឺបេះដូងនៃមន្ទីរពេទ្យកាល់ម៉ែតបន្តថា៖ «ចំពោះវិបត្តិនៃជំងឺស្ទះសរសៃឈាមបេះដូង គឺការព្យាបាលមានដូចជាការព្យាបាលដោយដាក់រឺស័រ ហើយនឹងមួយទៀតយើងអាចព្យាបាលការវះកាត់តសរសៃឈាមបេះដូង ដែលភាសាបច្ចេកទេសយើងហៅថា Bypass ព្រោះយើងបានធ្វើការវះកាត់ដោយជោគជ័យច្រើនករណីមកហើយសម្រាប់ការធ្វើ Heart Bypass »។
វេជ្ជបណ្ឌិត ថេង យូដាលីន មានប្រសាសន៍ថា៖ «សម្រាប់ការព្យាបាលដោយដាក់ស្តេន មានន័យថា វាគឺជារឺស័រមួយ ដែលយើងរុកតាមសរសៃឈាមយើង ដែលក្នុងនោះអាចតាមសរសៃឈាមដៃ ឬមួយក៏សរសៃឈាមនៅនឹងក្រលៀន ។ នៅពេលដែលយើងរុកដល់ទៅក្នុងសរសៃឈាមបេះដូង ដល់កន្លែងដែលយើងបាញ់ ដោយប្រើម៉ាស៊ីនថតមើលទៅ គឺដល់កន្លែងដែលស្ទះ ។
ពេលឃើញកន្លែងដែលស្ទះ គឺយើងតម្រូវដាក់រឺស័រ (ស្តេន) នៅកន្លែងនឹងដើម្បីពង្រីក ដែលភាសានិយាយឲ្យស្រួលស្តាប់ គឺដូចលូស្ទះ គឺយើងរុក ។ សម្រាប់ការព្យាបាល ពេលយើងរកឃើញកន្លែងស្ទះហើយ រឺស័រនឹងដោតទៅ វាពន្លា ដើម្បីបើកមុខនៃការស្ទះនឹង»។
វេជ្ជបណ្ឌិត ថេង យូដាលីន មានប្រសាសន៍ថា៖ «បាទ មែនទែនទៅការព្យាបាលដោយ Balloon គឺជាផ្នែកមួយនៃការព្យាបាលដោយដាក់ស្តេន ។ មានន័យថា Balloon គ្រាន់តែដាក់ទៅដើម្បីបើកច្រកចេញ រួចហើយយើងយករឺស័រស្តេន ទៅដោតកន្លែងនឹង យើងពន្លាដើម្បីដាក់ឲ្យជាប់តែម្តង ។ ព្រោះ Balloon ត្រឹមតែបើក ហើយដាក់ស្តេន (Stent implantation) កន្លែងនឹងដើម្បីទប់ឲ្យបានយូរអង្វែង ។
ដោយសារតែយើងឃើញថា ការធ្វើ Balloon ទទេរ ជាមួយនឹងការធ្វើ Balloon បូកជាមួយនឹងការដាក់ Stent employment or stent implantation គឺផលចំណេញប្រសើរជាងការធ្វើដាក់ Balloon ទទេរ»៕
អត្ថបទនេះនាំជូនមកដោយក្រុមហ៊ុនធានារ៉ាប់រងជីវិត AIA
ចែករំលែកព័តមាននេះ