និន្នាការចង់ចរចារកដំណោះស្រាយនយោបាយ មិនអាចមានឡើយ
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានអះអាង ការចង់ចរចានយោបាយរបស់អតីតមេបក្សប្រឆាំង មិនអាចកើតមានបានឡើយ ព្រោះហួសពេល…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានអះអាង ការចង់ចរចានយោបាយរបស់អតីតមេបក្សប្រឆាំង មិនអាចកើតមានបានឡើយ ព្រោះហួសពេល ហើយ អ្វីគ្រប់យ៉ាងបានទៅមុខអស់ហើយ។ ការអះអាងរបស់លោក សុខ ឥសាន នេះ បន្ទាប់ពីលោក កឹម សុខា អតីតប្រធានគណបក្សសង្គ្រោះជាតិ ដែលកំពុងជាប់ពន្ធនាគារអះអាង ថា តាមរយៈប្រជាធានចលនាយុវជន និងជាអតីតជំនួយការគណបក្សសង្គ្រោះជាតិ ថា ការដោះស្រាយលោក កឹម សុខា មិនឲ្យចរចាជាមួយ គណបក្សប្រជាជនកម្ពុជាឡើយ។
និងថា គណបក្សប្រជាជនកម្ពុជាចង់ឲ្យមានការចរចា ផ្នែកនយោបាយជាមួយក្រុមនៅខាងក្រៅប្រទេស។យ៉ាងណាក្តីការអះអាងនេះត្រូវបានលោក សុខ ឥសាន បានឲ្យដឹងនៅថ្ងៃទី៩ខែ កក្កដា ឆ្នាំ២០១៨ យ៉ាងដូច្នេះថា « មកដល់ពេលនេះ គ្មានដំណោះស្រាយនយោបាយណាមួយជាមួយ អតីតៈបក្សប្រឆាំងដែលត្រូវបានរំលាយដោយតុលាការកំពូលរួចហើយនោះជាដាច់ខាត»។ លោកបន្តថា គណបក្សប្រជាជនកម្ពុជា និងរាជរដ្ឋាភិបាលកម្ពុជា គោរព និងអនុវត្តតា មសាលដីកាស្ថាពររបស់តុលាការកំពូលនៃព្រះរាជាណាចក្រកម្ពុជា ដែលជាស្ថាប័នឯករាជ្យ។ រាល់អនុសាសន៍ និងការទាមទាររបស់បរទេស ចាត់ទុកជាការបញ្ចេញមតិ ដែលគ្មានវិសា លភាពមកលើឯករាជ្យ និងអធិបតេយ្យភាពជាតិកម្ពុជាឡើយ។ លោកបន្ថែមថា សរុបមក រាល់ការចង់ឲ្យមានការចរចា នយោបាយណាមួយជាមួយអតីតបក្សប្រឆាំង មិនអាចកើតមានឡើងជាដាច់ខាត ទោះក្នុងករណី និងកាលៈទេសៈណាក៏ដោយ។
សូមជម្រាបថា ការលើកឡើងរបស់អ្នកនាំពាក្យគណបក្សកាន់អំណាចនេះ បន្ទាប់ពីប្រធានចលនា យុវជន និងជាជំនួយការរបស់ប្រធានគណបក្សសង្គ្រោះជាតិ លោក ហ៊ីង សុខសាន្ដ ត្រូវបានវិទ្យុអាស៊ីសេរីស្រង់សម្ដីផ្សាយ ឲ្យដឹងថា លោក កឹម សុខា ប្រាប់ថា គណបក្ស ប្រជាជនកម្ពុជា បង្ហើបថា ចង់មានការចរចា ជាមួយក្រុមគណបក្សប្រឆាំង នៅក្រៅប្រទេសដើម្បី លើកលែងការចោទប្រកាន់ថ្នាក់ដឹកនាំ គណបក្សប្រឆាំងចំនួន១១៨នាក់ បានចូលធ្វើនយោបាយ ឡើងវិញ ដោយជ្រកក្រោមស្លាកគណបក្ស ផ្សេងជាថ្នូរនឹងការសម្របសម្រួល កុំឲ្យអន្តរជាតិ ដាក់ សម្ពាធលើរាជរដ្ឋាភិបាល។ លោក ហ៊ីង សុខសាន្ដ បន្ដថា លោក កឹម សុខា ប្រាប់ថា គណបក្ស សង្គ្រោះជាតិអាចចរចាបាន លុះត្រាតែត្រូវរកដំណោះស្រាយចំនួន៤ គឺដោះលែងអ្នកទោស នយោបាយ និងអ្នកទោសមនសិការទាំងអស់មិនមែន តែរូបលោកទេត្រូវផ្ដល់សិទ្ធិធ្វើនយោបាយ ឲ្យថ្នាក់ដឹកនាំបក្សប្រឆាំងអនុញ្ញាតឲ្យគណបក្សសង្គ្រោះជាតិចូលរួមការបោះឆ្នោត រៀបចំការបោះឆ្នោតឡើងវិញឲ្យបានត្រឹមត្រូវ និងអនុញ្ញាតឲ្យសង្គម ស៊ីវិល និងប្រព័ន្ធផ្សព្វផ្សាយ ឯករាជ្យមានវត្តមាននៅកម្ពុជាឡើងវិញ។
ចំណែកអតីតអ្នកនាំពាក្យ គណបក្ស សង្គ្រោះជាតិ លោក យ៉ែម បុញ្ញាឫទ្ធិ បានសរសេរក្នុងហ្វេសប៊ុកកាលពីថ្ងៃទី៧ កក្កដាថា លោក កឹម សុខា ឲ្យ អត់ធ្មត់ ដើម្បីជាតិ។ លោកបន្ដថានេះ ជាការផ្ដាំផ្ញើរបស់លោក កឹម សុខា ប្រធានគណបក្សប្រ ឆាំង ដែលមានអាសនៈនៅសភា ពីពន្ធនាគារ ត្រពាំងផ្លុង “ម៣” ព្រំដែនខ្មែរ -យួន ត្រូវអត់ធ្មត់ ខាំ មាត់សង្កត់ចិត្ត មិនវៀចវេរក្បត់ឆន្ទៈរបស់ប្រជាពលរដ្ឋ ដែលបានផ្ដល់ក្ដីសង្ឃឹម ជំនឿទំនុកទុកចិត្ត មកលើគណបក្សសង្គ្រោះជាតិ។ លោក យ៉ែម បុញ្ញឫទ្ធិ បន្ដទៀតថា លោក កឹម សុខា ថា អត់ធ្មត់ ដើម្បីជាតិយើងមិនមែន ដើម្បីបុគ្គល បក្ខពួក គ្រួសារ មិនត្រូវ បោះបង់ចោល ប្រជាជាតិ យើង ក្បត់ឆន្ទៈប្រជារាស្ត្រនោះទេ។ លោក កឹម សុខា ថាគិតពិចារណាមានអីហូបហ្នឹង គ្រាន់តែ ហូប ដើម្បីរស់មិនសំខាន់ទេ កុំក្បត់ឆន្ទៈរាស្ត្រ៕
ចែករំលែកព័តមាននេះ