ខេត្តកំពង់ចាម៖ សម្រាប់ថ្ងៃយុទ្ធនាការឃោសនារកសម្លេងឆ្នោត នាថ្ងៃដំបូងត្រូវនឹងព្រឹកថ្ងៃទី៧ កក្កដា ២០១៨នេះ មានគណបក្សចំនួន៣ ក្នុងចំណោម១៩គណបក្សបានចេញឃោសនា ដោយមានរថយន្ត និងម៉ូតូច្រើនកុះករ ហើយការដង្ហែក្បួនបានប្រព្រឹត្តទៅដោយមានសណ្តាប់ធ្នាប់ល្អ…
ខេត្តកំពង់ចាម៖ សម្រាប់ថ្ងៃយុទ្ធនាការឃោសនារកសម្លេងឆ្នោត នាថ្ងៃដំបូងត្រូវនឹងព្រឹកថ្ងៃទី៧ កក្កដា
២០១៨នេះ មានគណបក្សចំនួន៣ ក្នុងចំណោម១៩គណបក្សបានចេញឃោសនា ដោយមានរថយន្ត និងម៉ូតូច្រើនកុះករ ហើយការដង្ហែក្បួនបានប្រព្រឹត្តទៅដោយមានសណ្តាប់ធ្នាប់ល្អ ហើយអ្នកគាំទ្របក្សនីមួយៗ មានការយោគយល់គ្នាក្នុងពេលដែលចេញក្បួនតាមដងផ្លូវ។
លោកចាន់ ផល្លី ប្រធានគណបក្សប្រជាជនកម្ពុជាក្រុងកំពង់ចាមបានឱ្យដឹងថា ទីវាលមុខសាលាខេត្តនៅព្រឹកថ្ងៃទី៧ កក្កដា លោកឧបនាយករដ្ឋមន្ត្រី យឹម ឆៃលី ប្រធានក្រុមការងារថ្នាក់ជាតិចុះជួយខេត្ត និងលោកហ៊ុន ណេង អនុប្រធានក្រុមការងារចុះជួយខេត្ត បានដឹកនាំសមាជិកសមាជិកាបក្សរហូតដល់ទៅជាង៨.០០០នាក់ បានជួបជុំគ្នាស្តាប់សាររបស់សម្តេចតេជោសែន ប្រធានគណបក្សប្រជាជនកម្ពុជាថ្លែងពីកោះពេជ្រ រាជធានីភ្នំពេញ ។ បន្ទាប់មកក្បួនបានដង្ហែរចេញតាមមធ្យោបាយម៉ូតូនិងរថយន្តតាមដងវិថីនានាក្នុងក្រុងកំពង់ចាម ដើម្បីរកសម្លេងការគាំទ្រពីប្រជាពលរដ្ឋ បានប្រព្រិត្តិទៅដោយមានសណ្តាប់ធ្នាប់ល្អផងដែរ ។
លោកមាង ម៉េងហួន ប្រធានគណកម្មការរៀបចំការបោះឆ្នោតខេត្ត មានប្រសាសន៍ឲ្យដឹងថា សម្រាប់
ខេត្តកំពង់ចាមមានគណបក្សនយោបាយទាំងអស់ចំនួន១៩ បានចូលរួមប្រកួតប្រជែងក្នុងការបោះ
ឆ្នោតតំណាងរាស្ត្រនីតិកាលទី៦ ដែលនឹងប្រព្រឹត្តទៅថ្ងៃទី២៩ កក្កដាខាងមុខ ។ នៅក្នុងថ្ងៃដំបូងនៃយុទ្ធនា
ការឃោសនារកសម្លេងឆ្នោតនៅថ្ងៃទី៧ កក្កដា មានគណបក្សនយោបាយចំនួនតែ៣ប៉ុណ្ណោះក្នុងនោះ
មានៈ
១-គណបក្សប្រជាជនកម្ពុជា មានអ្នកចូលរួមចំនួន៨.៥២៩នាក់ រថយន្តចំនួន២០២គ្រឿងម៉ូតូគ្រប់
ប្រភេទចំនួន៤៥៩គ្រឿង ។
២-គណបក្សយុវជនខ្មែរ មានរថយន្តចំនួន៩៨គ្រឿង ម៉ូតូ១៨៥គ្រឿង អ្នកចូលរួមចំនួន១.២៥០នាក់ ។
៣-គណបក្សសាធារណៈរដ្ឋប្រជាធិបតេយ្យមិនទាន់ទទួលបានរបាយការណ៏ពីថ្នាក់ក្រោមនោះទេ ។
លោកមាង ម៉េងហួន ប្រធានគណៈកម្មការរៀបចំការបោះឆ្នោតខេត្តបន្តថា តាមមន្ត្រីរបស់លោកបាន
បានចុះទៅឃ្លាំមើលនៅតាមបណ្តាស្រុកក្រុងនានា ក្នុងពេលដែលមានយុទ្ធនាការឃោសនាបោះឆ្នោត
នាថ្ងៃដំបូងនេះមានការរៀបចំសណ្តាប់ធ្នាប់បានល្អ ជាអាណត្តិមុន។
នៅពេលដែលមានការហែក្បួនចេញទៅដងវិថីនានាក្នុងក្រុងកំពង់ចាម មិនឲ្យមានជាន់ផ្លូវមួយមានគណបក្សនយោបាយដល់ទៅ២នោះទេ ទោះបីជាយ៉ាងណាក្តីសមាជិកសមាជិកាដែលគាំទ្របក្សនីមួយៗ មានការយោគយល់គ្នា ប្រសិនណាមានបក្សមួយគាត់មានបំពងសម្លេងតាមមីក្រូ បក្សមួយទៀតត្រូវបិទជាបណ្តោះអាសន្នរង់ចាំបក្សមួយនោះទៅផុតរាងឆ្ងាយ ទើបបើកមីក្រូដើម្បីចៀសវាងការដៀមដាមដាក់គ្នា៕
ចែករំលែកព័តមាននេះ