ភ្នំពេញ៖ យ៉ាងហោចណាស់ មានគណបក្សនយោបាយ ចំនួន ៨គណបក្ស នៅថ្ងៃទី៦ ខែកុម្ភៈនេះ បានចេញសេចក្តីថ្លែងការណ៍ថ្កោល​ទោស​លោក សុន ឆ័យ និង​ប្រកាសគាំទ្រយ៉ាងពេញទំហឹង ចំពោះសេចក្តីថ្លែងការណ៍របស់មេធាវីតំណាងគណបក្សប្រជាជនកម្ពុជា កាលពីថ្ងៃទី៤ ខែកុម្ភៈ ឆ្នាំ២០២៤ និងចំណាត់ការតាមផ្លូវច្បាប់ នៅតុលាការ​។

លោក សុន ឆ័យ អនុប្រធានគណបក្ស​ភ្លើងទៀន ក្នុង​បទសម្ភាស​នៅ​វិទ្យុបារាំងអន្តរជាតិ បាន​បកស្រាយ មានចរិតកេងចំណេញនយោបាយ និងធ្វើឱ្យប៉ះពាល់ដល់ការអនុវត្តសិទ្ធិតាម​ផ្លូវច្បាប់។

គណបក្សទាំង ៨ ដែលបានចេញសេចក្តីថ្លែងការណ៍ រួមមាន៖ គណបក្សកម្លាំងប្រជាធិបតេយ្យ គណបក្សនគរប្រជាធិបតេយ្យ គណបក្សខ្មែរក្រោក គណបក្សមហាសាមគ្គីជាតិខ្មែរ គណបក្សចលនាប្រជាធិបតេយ្យ គណបក្សជនជាតិដើមប្រជាធិបតេយ្យកម្ពុជា គណបក្សខ្មែរសាធារណរដ្ឋ និង​គណបក្សខ្មែរ​អភិវឌ្ឍន៍សេដ្ឋកិច្ច​៕