សំណុំរឿងលោក កឹម សុខា គឺក្បាលអ្នកណា សក់អ្នកនោះ
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានលើកឡើងថា សំណុំរឿងរបស់លោក កឹម សុខា ត្រូវតែអនុវត្តតាមគោលការណ៍ច្បាប់មិនអាចមានមនោសញ្ចេតនាបានឡើយ…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានលើកឡើងថា សំណុំរឿងរបស់លោក កឹម សុខា ត្រូវតែអនុវត្តតាមគោលការណ៍ច្បាប់មិនអាចមានមនោសញ្ចេតនាបានឡើយ…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានលើកឡើងថា សំណុំរឿងរបស់លោក កឹម សុខា ត្រូវតែអនុវត្តតាមគោលការណ៍ច្បាប់មិនអាចមានមនោសញ្ចេតនាបានឡើយ ។
លោក សុខ ឥសាន បានឲ្យដឹងនៅថ្ងៃទី៤ កក្កដា យ៉ាងដូច្នេះថា «គោលការណ៍ច្បាប់ និងមនោសញ្ចេតនាគឺសាច់ពីគ្នា ។ ដើម្បីពង្រឹងលទ្ធិប្រជាធិបតេយ្យឲ្យរឹងមាំ និងមាននិរន្តរភាពយូរអង្វែង ទាមទារត្រូវពង្វឹងនីតិរដ្ឋតាមការគោរព និងអនុវត្តច្បាប់ឲ្យបានម៉ឺងម៉ាត់ ។ ជនណាប្រព្រឹត្តល្មើសច្បាប់បឬរំលោភច្បាប់ ជននោះត្រូវទទួលខុសត្រូវចំពោះមុខច្បាប់ដោយផ្ទាល់ខ្លួនឯង មិនអាចជនណាផ្សេងមកជាប់ទោសជំនួសបានឡើយទោះបីជាប់សាច់ឈាម ឬសាច់ញាតិជិតដិតយ៉ាងណាក៏ដោយច្បាប់មិនអនុញ្ញាត្តជាដាច់ខាត» ។
លោកបានបញ្ជាក់ថា «ដូចករណី កឹម សុខា យើងមានការអាណិតអាសូរគាត់ តែក៏មានការសោកស្តាយជាខ្លាំងដែលមិនអាចជួយអ្វីបានចំពោះអំពើប្រព្រឹត្តរបស់គាត់ដែលហ៊ានឃុបឃិតជាមួយបរទេសមកចង់ផ្តួលរំលំរាជរដ្ឋាភិបាលកម្ពុជាស្របច្បាប់ដែលជាទោសធ្ងន់ដល់ថ្នាក់ក្បត់ជាតិឯង ដែលគាត់ត្រូវតែទទួលទោសដោយផ្ទាល់ខ្លួនគាត់ ទោះបីកូនប្រពន្ធមានមនោសញ្ចេតនាធំធេងប៉ុនណាក៏មិនអាចសុំជាប់ទោសជំនួសបានដែរ គឺក្បាលអ្នកណា សក់អ្នកនោះ» ។
លោកបន្តថាមនោសញ្ចេតនា វាគ្រាន់តែសម្តែងឲ្យឃើញនូវទឹកចិត្តអាណិតអាសូរប៉ុណ្ណោះ ប៉ុន្តែមិនអាចធានារ៉ាប់រងជាប់ទោសជំនួសបានឡើយ ។ ពន្ធនាគារ គឺជាកន្លែងឃុំឃាំងជនជាប់ពិរុទ្ធនិងជាប់ទោសដើម្បីទុកពេលឲ្យភ្ញាក់រលឹក និងកែប្រែស្របតាមស្ថានទម្ងន់ទោសដែលច្បាប់កំណត់ ៕
ចែករំលែកព័តមាននេះ