ប្រទេសថៃ ៖ ក្រុមកុមារទាំង១២នាក់ និងគ្រូបង្វឹកបាល់ទាត់របស់ពួកគេ ដែលរកឃើញដ៏អស្ចារ្យនៅរស់ទាំងអស់ ក្រោយជាប់ក្នុងរូងភ្នំទឹកជន់លិចមួយនៅថៃអស់ពេល៩ថ្ងៃ ទើបរកឃើញ ពួកគេមានសុខភាពល្អទាំងអស់គ្នា។ នេះបើយោងតាមកងម៉ារីនថៃ ដែលចេញផ្សាយនាថ្ងៃទី៤…
ប្រទេសថៃ ៖ ក្រុមកុមារទាំង១២នាក់ និងគ្រូបង្វឹកបាល់ទាត់របស់ពួកគេ ដែលរកឃើញដ៏អស្ចារ្យនៅរស់ទាំងអស់ ក្រោយជាប់ក្នុងរូងភ្នំទឹកជន់លិចមួយនៅថៃអស់ពេល៩ថ្ងៃ ទើបរកឃើញ ពួកគេមានសុខភាពល្អទាំងអស់គ្នា។ នេះបើយោងតាមកងម៉ារីនថៃ ដែលចេញផ្សាយនាថ្ងៃទី៤ ខែកក្កដា ឆ្នាំ២០១៨ វីដេអូទី២ ពីស្ថានភាពសុខភាពពួកគេ នាំឲ្យមានក្ដីសង្ឃឹមលើការនាំពួកគេចេញបានឆាប់។
កងម៉ារីន បានបញ្ជាក់ថា ក្រោយទទួលបានអាហារហូបចុកគ្រប់គ្រាន់ ពួកគេទទួលការពិនិត្យសុខភាពពីសំណាក់គ្រូពេទ្យយោធាមួយរូប។ សម្រាប់ពេលនេះកងម៉ារីនពុំបានប្រកាសពីពេលវេលានៃការនាំពួកគេចេញដែលពោរពេញដោយភាពស្មុគស្មាញជាមួយការធ្វើដំណើរឆ្ងាយដោយមុជទឹក។
ហើយក្នុងវីដេអូនោះថតនាថ្ងៃទី៣ កក្កដា គេឃើញតែកុមារ១១នាក់និយាយថា សួស្ដី ប្រាប់ពីឈ្មោះពួកគេ បន្ទាប់មកនិយាយថា ពួកគេមានសុខភាពល្អទេ ប៉ុន្តែកងម៉ារីន ពុំបានពន្យល់ហេតុអីក៏បាត់មិនឃើញកុមារទី១២ក្នុងសារវីដេអូ ព្រមទាំងគ្រូបង្វឹកពួកគេអាយុ២៥ឆ្នាំ។
ការបង្ហាត់មុជទឹកចាប់ផ្ដើម រួចការប្រកាសដំបូងពីស្ថានភាពសុខភាពល្អរបស់ពួកគេ នាំឲ្យមានក្ដីសង្ឃឹមពីការនាំពួកគេចេញបានឆាប់ ហើយប្រព័ន្ធខ្សែទូរស័ព្ទតភ្ជាប់ក្នុងរូងភ្នំ អាចឲ្យកុមារទាំងនេះទាក់ទងផ្ទាល់ជាមួយឪពុកម្ដាយពួកគេ។
អភិបាលខេត្តឈៀងរ៉ៃលោក NORONGSAK OSOTTANAKORN នៅថ្ងៃទី៤ កក្កដា ដែលដឹកនាំប្រតិបត្តិការជួយសង្គ្រោះនិយាយថា ការនាំពួកគេចេញអាចពុំទាន់ទៅរួចនាថ្ងៃទី៤ កក្កដា ដោយកម្រិតទឹកនៅខ្ពស់ ទោះមានប្រព័ន្ធបូមទឹកចេញសំខាន់មួយក្ដី។
លោកបន្តថា មានការលំបាកក្នុងការនាំពួកចេញនាពេលនេះ ហើយលោកបានបដិសេធរាល់ពាក្យចចាមអារ៉ាមពីកាលបរិច្ឆេទនៃការនាំពួកគេចេញ។ យើងត្រូវរង់ចាំឲ្យមានភាពប្រាកដ១០០% ពេលសម្រេចជម្លៀសចេញដែលអាចធ្វើដោយបំបែកគ្នាច្រើនក្រុម។ ចំណែកផ្លូវវិលត្រឡប់ពិតជាវែង ចម្ងាយច្រើនគីឡូម៉ែត្រក្នុងល្អាងភ្នំ ដែលមានគ្រោះថ្នាក់ ជាមួយការធ្វើដំណើរក្នុងទឹកដ៏លំបាក។ ជាមួយជំនួយរបស់ជប៉ុន ពួកអ្នកជួយសង្គ្រោះបន្តបូមទឹកចេញឲ្យបានច្រើនបំផុត ដើម្បីសម្រួលដល់ការនាំពួកគេចេញ៕
ចែករំលែកព័តមាននេះ