ខេត្តកែប ៖ យោងតាមប្រភពព័ត៌មានពីសមត្ថកិច្ចចម្រុះក្រុងកែបបានឲ្យអ្នកសារព័ត៌មានយើងដឹងថា មានជនបរទេសមិនស្គាល់អត្តសញ្ញាណម្នាក់បានជិះម៉ូតូម៉ាកអ៊ែប្លែក ពណ៌ខ្មៅ ពាក់ផ្លាកលេខ ភ្នំពេញ 1A-9436 បានដួលខ្លួនឯងនៅចំណុចពយព្រះរាជដំណាក់ធ្លាក់លើថ្មក្នុងទឹកបណ្តាលឲ្យរងរបួសធ្ងន់ធ្ងរកាលពីវេលាម៉ោង៩និង៤៥នាទីព្រឹកថ្ងៃទី០៣ ខែកក្កដា ឆ្នាំ២០១៨ស្ថិតក្នុងភូមិថ្មី សង្កាត់ព្រៃធំ ក្រុងកែប ។
ប្រភពដដែលបានឲ្យដឹងទៀតថា ក្រោយពីកើតហេតុកំលាំងសមត្ថកិច្ចចម្រុះរបស់សាលាក្រុងកែបបានយករថយន្តសង្គ្រោះរបស់មន្ទីរពទ្យបង្អែកខេត្តកែបដឹកជនរងគ្រោះទៅសង្គ្រោះបន្តនៅមន្ទីរពេទ្យបង្អែកខេត្តកំពតរួចហើយប្រធានក្រុមការងារចម្រុះបានចាត់កំលាំងឲ្យជួយស្វែងរកអត្តសញ្ញាណ និងកន្លែងជួលម៉ូតូព្រមទាំងផ្ទះដែលជនរងគ្រោះជួល និងស្នាក់នៅ ។
ប៉ុន្តែពេញមួយថ្ងៃហើយក្រុមអ្នកស្រាវជ្រាវស៊ើបអង្កេតរកអត្តសញ្ញាណជនបរទេសរងគ្រោះរូបនេះនៅពុំទាន់បានដឹងនៅឡើយដោយសារតែជនបរទេសរងគ្រោះរូបនេះមិនអាចនិយាយបានទេ ។ បច្ចុប្បន្នជនរងគ្រោះកំពុងនៅសង្គ្រោះក្នុងមន្ទីរពេទ្យបង្អែកខេត្តកំពតនៅឡើយ ៕
ចែករំលែកព័តមាននេះ