រាជធានីភ្នំពេញ ៖ សម្លៀកបំពាក់ទាន់សម័យរបស់អង់គ្លេស ស៊ុបពើត្រាយ ( Supertry ) ដែលមានសាខារហូតដល់ជាង១៦៩ នៅប្រទេស៤៩លើពិភពលោក បានមកដល់កម្ពុជា…
រាជធានីភ្នំពេញ ៖ សម្លៀកបំពាក់ទាន់សម័យរបស់អង់គ្លេស ស៊ុបពើត្រាយ ( Supertry ) ដែលមានសាខារហូតដល់ជាង១៦៩ នៅប្រទេស៤៩លើពិភពលោក បានមកដល់កម្ពុជា និងបើកដំណើរការជាផ្លូវការនូវហាងធំទូលាយមួយ សម្រាប់ទទួលបម្រើអតិថិជនកម្ពុជា ។
ពិធីបើកដំណើរការហាងលក់សម្លៀកបំពាក់ស៊ុបពើត្រាយបានធ្វើឡើងកាលពីថ្ងៃទី២៩ មិថុនា ឆ្នាំ២០១៨ នៅផ្សារទំនើបអ៊ីអនម៉លសែនសុខស៊ីធី ដោយមានការចូលរួមពីតារាសម្ដែង និងចម្រៀងល្បីៗប្រចាំព្រះរាជាណាចក្រកម្ពុជាជាច្រើនផងដែរ ។
តាមសេចក្តីប្រកាសព័ត៌មានរបស់ក្រុមហ៊ុននាំចូលសម្លៀកបំពាក់នេះបានឲ្យដឹងថា ស៊ុបពើត្រាយ (Supertry) បាននាំមកជូនអតិថិជននូវឈុតខូលិកសិន រដូវក្តៅដ៏ស្រស់ស្អាត ដែលនឹងធ្វើឱ្យអ្នកនឹកឃើញដល់ឆ្នេរសមុទ្រពណ៌មាស និងផ្ទៃសមុទ្រពណ៌ខៀវ ។ Supertry ss18 បានបញ្ចេញនូវការរចនាដែលប្រកបដោយផាសុកភាព លាយបញ្ចូលនូវម៉ាកដ៏ទាក់ទាញធ្វើឱ្យអ្នកពាក់មានទំនុកចិត្តទ្វេដង ។
ជាមួយនោះក៏មានសម្លៀកបំពាក់នារី ខលលិកសិន The Miami Wave ដែលរចនាឡើងលាយបញ្ចូលគ្នានូវនីអុង លោហធាតុទន់ និងក្រណាត់សំណាញ់។ លើសពីនេះភាពរលោងនៃពណ៌ឥន្ទនូ បានជួយលើកសម្រស់នៃការរចនាកាន់តែស្រស់ស្អាត មានតាំងពីអាវដៃខ្លី អាវកាក់ និងសំពត់ខ្លី ។
The Pretty in Punk Collection រចនាឡើងសម្រាប់នារីក្លាហាន ដែលចង់បញ្ចេញរាងដ៏ស៊ិចស៊ីរបស់ខ្លួន ។ ទន្ទឹមនេះ The Pacific Sport Collection មានម៉ូដសំពត់អំបោះក្រឡាចក្រត្រង្គសម្រាប់រដូវដ៏ស្រស់ត្រកាល មិនតែប៉ុណ្ណោះមានម៉ូដពិសេសៗជាច្រើនប្រភេទ ដែលមានទាំងទំហំធំ សាច់ក្រណាត់យឺត មានច្រើនពណ៌ ច្រើនជំរើសសម្រាប់អតិថិជន ។
ដោយឡែកសម្លៀកបំពាក់បុរស ត្រូវបានរចនាឡើងប្រកបដោយថាមពល និងរស់រវើកក្នុងរដូវនេះដោយអាចប្រើបានសឹងគ្រប់កាលៈទេសៈ ការចនាពិសេសនោះ គឺការរចនាបែបមានទ្រនាប់មើលទៅជាស្ទីលទាន់សម័យ ងាយពាក់ បូករួម និងការផ្តោតសំខាន់ទៅលើគុណភាព ។ អ្វីដែលពិសេសខលលិកសិនរដូវក្តៅ របស់ ស៊ុបពើត្រាយ ត្រូវបានរចនាឡើង ដើម្បីធ្វើឱ្យការលេងកីឡា ការធ្វើដំណើរកម្សាន្ត និងដំណើរផ្សងព្រេងខាងក្រៅរបស់អ្នកពោពេញដោយថាមពល ហើយក្លាយជាអនុស្សាវរីយ៍នារដូវក្តៅដ៏សប្បាយរីករាយ ។
ហាងទី១របស់ ស៊ុបពើត្រាយ ខេមបូឌា ស្ថិតនៅក្នុងហាងលេខ T 014 ជាន់ផ្ទាល់ដី ផ្សារទំនើបអ៊ីអន សែនសុខ ផ្លូវ លេខ១០០៣ ភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ម៉ាកសញ្ញាស៊ុបពើត្រាយ ត្រូវបង្កើតឡើងនៅឆ្នាំ២០០៣ បន្ទាប់មានការជម្រុញចិត្តមួយក្នុងដំណើរទៅកាន់ទីក្រុងតូក្យូ ដែលមានបំណងបង្កើតសម្លៀកបំពាក់ ដែលមានភាពដាច់ដោយឡែក និងលេចធ្លោតាមរយៈរូបភាព សិល្បៈរបស់ជប៉ុន និងរស់និយមបែបបុរាណរបស់ងាមេរិក បូករូម និងច្នៃប្រឌិតថ្មីតាមបែបអង់គ្លេស ។ ស៊ុបពើត្រាយ គឺជាប់ម៉ាកសញ្ញាសម្លៀកបំពាក់ដោយរចនាឡើងឆ្លុះបញ្ចាំងនូវចរិក និងស្ទីលរបស់អ្នកពាក់ តែមិនកំណត់អាយុ មានគុណភាព និងតម្លៃសមរម្យ ៕ អត្ថបទសហការ
ចែករំលែកព័តមាននេះ