ខេត្តព្រះសីហនុ ៖ ប្រភពព័ត៌មានពីសមត្ថកិច្ចបានឱ្យដឹងថា កាលពីវេលាម៉ោង៩និង៥០នាទីព្រឹកថ្ងៃទី២៩ មិថុនា ឆ្នាំ២០១៨ មានទូកនេសាទមួយគ្រឿងបានដឹកសពបុរសម្នាក់ឈ្មោះញ៉ស់ សម្បត្តិ ហៅង៉ា អាយុ៣៣ឆ្នាំ មុខរបរបើកបរទូកនេសាទ រស់នៅភូមិកំពង់ស្មាច់តូច ឃុំទឹកល្អក់ ស្រុកព្រៃនប់ ខេត្តព្រះ សីហនុ។ ម្ចាស់ទូកឈ្មោះនូ សំណែន ភេទប្រុស អាយុ៤៣ឆ្នាំ រស់នៅក្រុម៣៤ ភូមិ៣ សង្កាត់លេខ១ ក្រុងព្រះសីហនុ។តាមប្រភពព័ត៌មានបានឱ្យដឹងថា កាលពីវេលាម៉ោង១រំលងអធ្រាត្រឈានចូលថ្ងៃទី២៩ មិថុនា នៅចំណុចខាងក្រៅកោះតាង បុរសរងគ្រោះឈ្មោះញ៉ស់ សម្បត្តិ ហៅង៉ា បានលើករនាស់អូសខ្យងខុសបច្ចេកទេសជ្រុលមកបុកត្រូវចុងដង្ហើម បណ្តាលអោយជនរងគ្រោះស្លាប់តែម្តង ៕
ចែករំលែកព័តមាននេះ