រាជធានីភ្នំពេញ ៖ យ៉ាងហោចណាស់មានរថយន្តចំនួនជាង១០គ្រឿង សុទ្ធសឹងតែជារថយន្តស៊េរីទំនើបៗ បានរងការខូចខាតយ៉ាងដំណំ ខណៈដែលភ្លៀងធ្លាក់មួយមេយ៉ាងធំរាប់ម៉ោង លាយឡំជាមួយ នឹងខ្យល់កន្ត្រាក់បោកបក់មកយ៉ាងខ្លាំងផងដែរនោះ បានបណ្តាលឲ្យបាក់បង្គោលភ្លើងថ្មចំនួន៤ដើម រួមទាំងខ្សែភ្លើងមួយដុំធំបាក់ធ្លាក់សង្កត់ជាប់ពីលើ។…
រាជធានីភ្នំពេញ ៖ យ៉ាងហោចណាស់មានរថយន្តចំនួនជាង១០គ្រឿង សុទ្ធសឹងតែជារថយន្តស៊េរីទំនើបៗ បានរងការខូចខាតយ៉ាងដំណំ ខណៈដែលភ្លៀងធ្លាក់មួយមេយ៉ាងធំរាប់ម៉ោង លាយឡំជាមួយ នឹងខ្យល់កន្ត្រាក់បោកបក់មកយ៉ាងខ្លាំងផងដែរនោះ បានបណ្តាលឲ្យបាក់បង្គោលភ្លើងថ្មចំនួន៤ដើម រួមទាំងខ្សែភ្លើងមួយដុំធំបាក់ធ្លាក់សង្កត់ជាប់ពីលើ។
ហេតុការណ៍នេះដែរបានកើតឡើងកាលវេលាម៉ោង៥ និង៤៥ នាទីល្ងាច ថ្ងៃទី២៥ ខែមិថុនា ឆ្នាំ២០១៨ នៅចំណុចខាងមុខធនាគារ ហុង លីអុង តាមបណ្តោយផ្លូវលេខ៥១ (ផ្លូវប៉ាស្ទ័រ) ក្នុងសង្កាត់បឹងរាំង ខណ្ឌដូនពេញ។ យោងតាមប្រភពព័ត៌មាន ពីសមត្ថកិច្ចបានប្រាប់ឱ្យដឹងថា ក្នុងករណីបាក់បង្គោលភ្លើងចំនួន៤ដើម ដែលដួលសង្កត់ទៅលើរថយន្ត ទាំងអស់ខាងលើនេះ គេមិនទាន់ដឹងថា មានរថយន្តប៉ុន្មានគ្រឿងរងការខូចខាតធ្ងន់ធ្ងរ និង ប៉ុន្មានគ្រឿងរងការខូចខាតតិចតួចនោះទេ ហើយក៏មិន ទាន់អនុញ្ញាតឲ្យម្ចាស់រថយន្តយករថយន្ត ចេញបានទេ ព្រោះខ្លាចក្រែងឆ្លងចរន្តអគ្គិសនី បណ្តាលឲ្យឆក់រងគ្រោះថ្នាក់ ដល់មនុស្សថែមទៀត និង រង់ចាំមន្ត្រីអគ្គិសនីធ្វើការបិទប៉ារ៉ែតភ្លើងជាមុនសិន។
ក្រោយពេលកើតហេតុ កម្លាំងមានសមត្ថកិច្ច មូលដ្ឋាន ក៏បានចុះមកដល់កន្លែងកើតហេតុ និងរាយការណ៍ទៅប្រាប់ខាងមន្ត្រីអគ្គិសនីកម្ពុជាចុះមកដល់ នឹងធ្វើការបិទប៉ារ៉ែតភ្លើងជាមុនសិន ទើបអនុញ្ញាតឲ្យក្រុមបុគ្គលិករបស់ធនាគារ ហុង លីអុង ខាងលើ យករថយន្តរបស់ខ្លួនទាំងជាង១០គ្រឿងនោះចេញពីក្រោមបង្គោលភ្លើង និងខ្សែរភ្លើងនោះយកទៅបាន៕
https://youtu.be/u52BsvDxNV8
ចែករំលែកព័តមាននេះ