ទែនមែនណា អត់កាត់តនោះទេ… ពួកគាត់កំពុង​យកជីវិតមកលេង​សើច


រាជធានីភ្នំពេញ ៖ សេចក្តីរាយការណ៍ឱ្យដឹងថា រថយន្ត​២​គ្រឿង​​​បាន​បើក​លឿន​ដូច​គ្នា លុះ​មក​ដល់​ចំណុច​​ផ្លូវ​បំបែក​ជា​បួន​ នៅ​​មិន​ព្រម​​បន្ថយល្បឿន បណ្តាល​ឱ្យ​​រថយន្ត​ទាំង​២​គ្រឿង​បុក​គ្នា​​ចំ​ពីមុខ​ពេញទំហឹង ធ្វើ​ឲ្យ​ម្ខាង​​ប៉ើង​​ធ្លាក់​ទៅ​ត្រាំ​ក្នុង​លូ​ទឹក​ស្អុយ ​​សំណាងល្អ​មិន​បង្កឱ្យ​​នរណា​ម្នាក់​រង​របួស​ដល់​ជីវិត​ឡើយ ហេតុ​ការណ៍​​ដ៏រន្ធត់​នេះ​ ​​កើតឡើង​កាលពី​វេលា​ម៉ោង​០៣​ និង​១៥​នាទី​ទៀប​​ភ្លឺថ្ងៃ​ទី​២៥ ​មិថុនា នេះ នៅ​តាម​បណ្តោយ​ផ្លូវ​១០៥ កែង​៤៣២ ក្នុង​សង្កាត់​បឹង​ត្របែក ខណ្ឌចំការមន ។ សេចក្តីរាយការណ៍បន្តថា នៅ​មុន​កើតហេតុ គេ​ឃើញ​​រថយន្ត​មួយគ្រឿង ពណ៌​ទឹកប្រាក់ ពាក់​ស្លាក​លេខ​ភ្នំពេញ 2AB-9342 ​បើកបរ​ដោយ​បុរស​២​នាក់​នឹង​ស្រី​ម្នាក់ ធ្វើ​ដំណើរ​តាម​ផ្លូវ៤៣២ ក្នុង​ទិស​ដៅ​ពី​លិចទៅ​កើត ក្នុង​ល្បឿន​លឿន​ ។ លុះ​មក​ដល់​ចំណុច​​កើតហេតុ ក៏​មាន​រថយន្ត​មួយ​គ្រឿង​ទៀត ​​​បើក​ដោយ​បុរស​ម្នាក់ និងស្រី​ម្នាក់ ​តាម​ផ្លូវ​១០៥ ទិស​ដៅ​ពី​ជើង​ទៅ​ត្បូង ក្នុង​ល្បឿន​លឿនដែរ​ បាន​ឆ្លងផ្លូវមិន​បន្ថយ​ល្បឿនក៏​បុក​គ្នា​​ពេញទំហឹង បណ្តាល​​មួយគ្រឿង​ប៉ើង​​ធ្លាក់​ចូល​ទៅ​ត្រាំ​ ​ក្នុង​ទឹក​ស្អុយ​តែ​ម្តង ។ ភ្លាម​ៗ​នោះ​ជន​រង​គ្រោះ​នៅ​ក្នុង​រថយន្ត​នោះ បាន​វាយ​នឹង​ធាក់​ទម្លុះ​កញ្ចក់​មុខ​ចេញ​មក​ក្រៅ ក៏​ត្រូវ​បាន​ប្រជា​ពលរ​ដ្ធ ជួយ​ទាញ​នឹង​លើក​អ្នក​ទាំង​២​មក​លើគោក ។

មួយសន្ទុះ​ក្រោយមក​ ក៏​គេចខ្លួន​បាត់​អស់ ​​បន្សល់​ទុក​តែ​រថយន្ត​នៅ​ក្នុង​ប្រឡាយ​ទឹក​ស្អុយ ចំណែក​ភាគី​ខាង​រថយន្ត​ម្ខាងទៀត បាន​រងការ​ខូចខាត​មួយ​កំណាត់​មុខ និង​អ្នកបើកបរ​រង​របួស​ដៃ ត្រូវ​សាច់ញាតិ ដឹក​ទៅ​ព្យាបាល​របួស​នៅ​មន្ទី​ពេទ្យរុ​ស្សី​ភ្លាម​ៗ ។ ក្រោយ​កើតហេតុ​ សមត្ថកិច្ច​ជំនាញ​ចរាចរ​ណ៏​ធ្វើការ​វាស់វែង​នឹង​ស្ទូច​យក​រថយន្ត​ទាំង​២​គ្រឿង​នោះ ទៅ​រក្សារ​ទុក​នៅ​ការិយាល័យ​នគរបាល​ចរាចរណ៍​ជើង​គោក រង​ចាំ​ដោះស្រាយ​គ្នា​នៅ​ពេល​ក្រោយ ។

Facebook Google Twitter Email

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ