រាជធានីភ្នំពេញ ៖ អតីតបុគ្គលិកដែលបម្រើការនៅស្ថានទូតអាមេរិកដែលត្រូវបានស្ថានទូតអាមេរិកបណ្តេញចេញបានលើកគ្នាមកដាក់ញាត្តិនៅក្រសួងការងារ និងបណ្តុះបណ្តាលវិជ្ជាជីវៈធ្វើអន្តរាគមន៍ដល់ពួកគាត់ ។លោកអឹម រ៉ាអតីតបុគ្គលិកនៅស្ថានទូតអាមេរិកបានឲ្យដឹងពេលមកដាក់ញាតិនាព្រឹក ថ្ងៃទី២២ ខែមិថុនា ឆ្នាំ២០១៨ នៅទីស្តីការក្រសួងការងារបានឲ្យដឹងយ៉ាងដូច្នេះថា ថ្ងៃ នេះយើងបានយកញាតិមកដាក់នៅក្រសួងការងារ ដើម្បីឲ្យជួនអន្តរាគមន៍ ហើយពួកយើងបានត្រូវបំពេញបែបបទ និងមានការសាកសួរពីគណៈកម្មាការដោះស្រាយវិវាទ ការងារនៃក្រសួងការងារជួយអន្តរាគមន៍ ។ លោកបន្តថា ពេលនេះខាងក្រសួងការងារមិនទាន់បានដោះស្រាយចម្លើយបានយ៉ាងណានោះទេ ព្រោះថាខាងក្រសួងការងារថានឹងធ្វើការដោះស្រាយជាមួយសា្ថនទូតអាមេរិកសិនទើបហៅពួកគាត់មកពិភាក្សា ។
តាមលោកអឹម រ៉ាបានអះអាងថា ពួកគាត់ដែលត្រូវទូតអាមេរិកបណ្តេញពីការងារ បានដាក់ញាតិនៅគ្រប់ស្ថាប័នរួចហើយ ដោយពួកគាត់នៅតែរងចាំលទ្ធផលដោះស្រាយរបស់ក្រសួងការងារសិន ។ លោកថា អ្នកដែលត្រូវទូតអាមេរិកបណ្តេញចេញនៅតែប្រកាន់ជំហរក្នុងការតវ៉ាដដែលប្រសិន បើគ្មានដំណោះស្រាយ ។ យ៉ាងណាក្តីលោម អ៊ឹម រ៉ាបានក៏បានឲ្យដឹងថា ភាគីខាងស្ថានទូតអាមេរិកបានប្រកាស ថា បានសម្រេចមិនដោះស្រាយឲ្យពួកគាត់នោះទេ ។
ចំណែកលោកលឹមសេង គឹមហុង អតីតបុគ្គលិកស្ថានទូតក៏បានលើកឡើងថា អ្វីដែល ស្ថានទូតអាមេរិកបញ្ឈប់ការងារបុគ្គលិក៣២រូប គឺជាការសម្លាប់ពួកគាត់អីញ្ចឹង ។ លោកថា ពួកលោកចង់បានតម្លាភាពដែលទទួលបានយកបានទាំងអស់គ្នា ។ ជាមួយគ្នានោះដែរលោក គឹម ហុងបានអះអាងថា ក្នុងនាមប្រកាន់លទ្ធិប្រជាធិបតេយ្យអាមេរិក គួរសម្លែងការពិតត្រឹមត្រូវកុំចេញតែលោកប្រកាន់ដែលមិនអាចទទួលយក បាននោះទេ ។
សូមជម្រាបថា អតីតសន្តិសុខស្ថានទូតអាមេរិកប្រចាំកម្ពុជាចំនួន៣២នាក់ បានធ្វើការប្រមូលផ្តុំខាងមុខស្ថានទូតករណីបញ្ឈប់ការងាររបស់ពួកគាត់ពីការងារ ។ បុគ្គលិក ទាំងនោះស្នើឲ្យស្ថានទូតអាមេរិកមើលរឿងនេះឡើងវិញ ហើយធ្វើឲ្យមានយុត្តិធម៌ និ ងបង្ហាញពីភស្តុតាងច្បាស់លាល់ ចំពោះការបណ្តេញ ពួកគាត់ចេញពីការងារកាលពីថ្ងៃទី១៩ ខែមិថុនា ឆ្នាំ២០១៨ ។ បុគ្គលិកម្នាក់បានលើកឡើងថា ភាគីស្ថានទូតអាមេរិកបានលើកយកមូលហេតុមួយ គឺចោទប្រកាន់ពួកគាត់ថាចែកចាយរូបថត អាសអាភាសធ្វើឲ្យប៉ះពាល់ដល់កិត្តិយស ។ ប៉ុន្តែពួកគាត់អះអាងថា មូលហេតុនេះមិនសមរម្យនោះទេ គឺរូបថតនោះបង្ហោះក្នុង Group M e ssager ឯកជន ហើយក៏មិនដឹងថា ចេញមកពីណាផងដែរ ។
ការតវ៉ារបស់អតីតបុគ្គលិកទាំង៣២នាក់ ដែលត្រូវបណ្តេញចេញពីការងារពួកគាត់ទាមទារឲ្យស្ថានទូតអាមេរិកដោះស្រាយជូនពួកគាត់ចំនួន៧ចំណុចទី១-ទាមទាររកយុ ត្តិធម៌ពីការបញ្ឈប់ពួកគាត់ដោយបង្ខំ និងមិនបង្ហាញភស្តុតាង ។ ទី២- ទាមទារកែពាក្យ ពីការបណ្តេញចេញមកជាការកាត់បន្ថយបុគ្គលិកវិញ ។ ទី៣-ទាមទារសំណង០៦ខែ ទៅតាមច្បាប់កាត់បន្ថយបុគ្គលិក ។ ទី៤-សូមប្តឹងពីបទរំលោភ សិទ្ធិបុគ្គលិក ដោយដកហូតយកទូរស័ព្ទទៅឆែកមើលគ្រប់រូបភាព និងឯកសារផ្សេងៗព្រមទាំងរឹបអូសយកទូរស័ព្ទពួកគាត់មួយចំនួនទៅរក្សាទុកមួយរយៈពេល ។ ទី៥-សូមឲ្យទូទាត់លុយមូលនិធិឧបត្ភម្ត(ប្រាក់១២ភាពរយ) ក្នុងខែនេះ ព្រមទាំង០៣ខែកន្លងមកដែលមិនទាន់ទូទាត់ឲ្យពួកគាត់ ។ ទី៦-សូមទារសំណងជំងឺចិត្តទៅលើការបង្ខូចកេរ្តិ៍ឈ្មោះ និងកិតិ្តយស ដោយចោទប្រកាន់គ្មានភស្តុតាង ។ ទី៧- សូមឲ្យសហគមន៍បុគ្គលិកខ្មែរមានសិទ្ធិចូលរួមដោះស្រាយពីបញ្ហាការបញ្ឈប់បុគ្គលិកខ្មែរ ដែលមានភាពយុត្តិធម៌ និងត្រឹមត្រូវតាមច្បាប់ការងារ ។ លោកបានស្នើឲ្យស្ថានទូតអនុវត្តន៍ទៅតាមចំណុចច្បាប់នៃសៀវភៅការងារដែលបាន កំណត់ទើបពួកគាត់អស់ចិត្ត ។យ៉ាងណាក្តីរហូតដល់ពេលនេះមិនទាន់មានករបកស្រាយពីខាងក្រសួងការងារយ៉ាងណានោះទេ ទាក់ទិននឹងករណីរបស់អតីតបុគ្គលិកស្ថានទូតអាមេរិកនោះទេ ៕
ចែករំលែកព័តមាននេះ