រាជធានីភ្នំពេញ ៖ ការវិវត្តនៃបច្ចេកវិទ្យាពិតជាបានធ្វើឲ្យពិភពលោកមានការផ្លាស់ប្ដូរយ៉ាងលឿន ខណៈដែលប្រទេសជឿនលឿននានាបានចាប់យកបច្ចេកវិទ្យាជាសសរស្ដមក្នុងការអភិវឌ្ឍសេដ្ឋកិច្ច និងសង្គមទៅហើយ។ ដោយឡែក កម្ពុជាដែលជាប្រទេសកំពុងអភិវឌ្ឍន៍យ៉ាងលឿន និងលេចធ្លោជាងគេនៅក្នុងតំបន់អាស៊ាន ក៏បាននិងកំពុងអភិវឌ្ឍន៍ខ្លួនទៅរកសេដ្ឋកិច្ចឌីជីថលដូចអារ្យប្រទេសដែរ ។…
រាជធានីភ្នំពេញ ៖ ការវិវត្តនៃបច្ចេកវិទ្យាពិតជាបានធ្វើឲ្យពិភពលោកមានការផ្លាស់ប្ដូរយ៉ាងលឿន ខណៈដែលប្រទេសជឿនលឿននានាបានចាប់យកបច្ចេកវិទ្យាជាសសរស្ដមក្នុងការអភិវឌ្ឍសេដ្ឋកិច្ច និងសង្គមទៅហើយ។ ដោយឡែក កម្ពុជាដែលជាប្រទេសកំពុងអភិវឌ្ឍន៍យ៉ាងលឿន និងលេចធ្លោជាងគេនៅក្នុងតំបន់អាស៊ាន ក៏បាននិងកំពុងអភិវឌ្ឍន៍ខ្លួនទៅរកសេដ្ឋកិច្ចឌីជីថលដូចអារ្យប្រទេសដែរ ។
បើទោះបីយ៉ាងនេះក្ដី ប្រជាពលរដ្ឋកម្ពុជាភាគច្រើនពុំទាន់ត្រៀមខ្លួនទទួលយកបច្ចេកវិទ្យាឲ្យបានស៊ីជម្រៅនៅឡើយ ខណៈប៉ុន្មានឆ្នាំចុងក្រោយនេះ ផលិតផល និងសេវាកម្មបច្ចេកវិទ្យាថ្មីៗជាច្រើនបានចាប់ផ្ដើមមានវត្តមាននៅលើទីផ្សារក្នុងប្រទេស ។ ថ្មីៗនេះ វិស័យជួញដូរហិរញ្ញវត្ថុក៏កំពុងវិវត្តន៍ទៅរកបច្ចេកវិទ្យាដែរ ស្របពេលរូបិយប័ណ្ណអេឡិចត្រូនិក ឬហៅថា Crypto Currency ដែលជាអាវុធថ្មីនៃវិស័យហិរញ្ញវត្ថុរបស់ពិភពលោក ក៏បានបង្ហាញខ្លួននៅក្នុងប្រទេសកម្ពុជាផងដែរ ។
ការវិនិយោគលើរូបិយប័ណ្ណមួយនេះកំពុងមានសន្ទុះខ្លាំងនៅបណ្ដាប្រទេសអភិវឌ្ឍន៍នានាជុំវិញពិភពលោក តែនៅកម្ពុជា ជានិន្នាការមួយថ្មីនៅលើទីផ្សារប្រទេសកំពុងអភិវឌ្ឍន៍យ៉ាងខ្លាំងមួយនេះ ។ តើអ្វីជារូបិយប័ណ្ណអេឡិចត្រូនិក? ហេតុអ្វីបានជាអ្នកត្រូវយល់ដឹងពីរូបិយប័ណ្ណមួយនេះ ? នៅថ្ងៃទី៣០ មិថុនា ឆ្នាំ២០១៨នេះ Asian Fintech ជាក្រុមហ៊ុនមួយដែលបាននិងកំពុងវិនិយោគលើវិស័យជួញដូររូបិយប័ណ្ណអេឡិចត្រូនិក Afin Coin នៅបណ្ដាប្រទេសក្នុងតំបន់អាស៊ី បានធ្វើសន្និសីទមួយស្ដីពី «Blockchain &Cryptocurrency» ដែលនឹងរៀបចំនៅសណ្ឋាគារសូហ្វីតែល ភ្នំពេញ ភូគីត្រា ចាប់ពីម៉ោង១រសៀលដល់ម៉ោង៥ល្ងាច ដែលជាឱកាសមាសសម្រាប់វិនិយោគិនជាតិ-អន្តរជាតិ ពាណិជ្ជករ ក៏ដូចជាសហគ្រិន ចូលរួមដោយសេរី ដើម្បីទទួលបានចំណេះដឹងកាន់តែច្រើនអំពី Crypto Currency និងអត្ថប្រយោជន៍ជាច្រើនទៀតដូចជា ប្រាក់ចំណេញពីការចូលរួមក្នុងព្រឹត្តិការណ៍ ។
ព្រឹត្តិការណ៍មួយនេះ មិនត្រឹមតែជាវេទិកាផ្ដល់ចំណេះដឹងប៉ុណ្ណោះទេ ថែមទាំងមានឱកាសធ្វើធុរកិច្ចជាមួយអ្នកវិនិយោគនានាដែលបានចូលរួមផងដែរ ។ ជាមួយនឹងព្រឹត្តិការណ៍ធុរកិច្ចមិនធ្លាប់មាននេះ ក្រុមហ៊ុន Asian Fintech នឹងដាក់ឲ្យដំណើរការជួញដូររូបិយប័ណ្ណអេឡិចត្រូនិករបស់ខ្លួន Afin Coin នៅលើទីផ្សារព្រះរាជាណាចក្រកម្ពុជាផងដែរ ។ ដើម្បីកុំឲ្យឱកាសដ៏កម្រនេះកន្លងផុត លោកអ្នកអាចធ្វើការចុះឈ្មោះតាមរយៈ QR Code ដែលមាននៅក្នុងរូបភាពក្នុងអត្ថបទនេះដោយមិនគិតថ្លៃ ឬអាចចូលទៅកាន់ http://l.ead.me/bauVVv ៕
ចែករំលែកព័តមាននេះ