សេចក្តីរាយការណ៍ពីសារព័ត៌មាន BBC News ឲ្យដឹងថា ការដែលកុមារសុបិនអាក្រក់ជាទៀងទាត់អាចជាសញ្ញាព្រមាន ភ្លាមៗ មួយនៃជំងឺផ្លូវចិត្តរបស់ពួកគេ ។ ខណៈពេលដែលកុមារជាច្រើនអាចសុបិនអាក្រក់ម្តងម្កាល ប្រវតិ្តមួយនៃការមានសុបិនអាក្រក់ជាទៀងទាត់អាចជាសញ្ញាបញ្ជាក់ថាមានអ្វីមួយកាន់តែគ្រោះថ្នាក់ហើយ…
សេចក្តីរាយការណ៍ពីសារព័ត៌មាន BBC News ឲ្យដឹងថា ការដែលកុមារសុបិនអាក្រក់ជាទៀងទាត់អាចជាសញ្ញាព្រមាន ភ្លាមៗ មួយនៃជំងឺផ្លូវចិត្តរបស់ពួកគេ ។ ខណៈពេលដែលកុមារជាច្រើនអាចសុបិនអាក្រក់ម្តងម្កាល ប្រវតិ្តមួយនៃការមានសុបិនអាក្រក់ជាទៀងទាត់អាចជាសញ្ញាបញ្ជាក់ថាមានអ្វីមួយកាន់តែគ្រោះថ្នាក់ហើយ ។
ការសិក្សានេះបានតាមដានទៅលើកុមារច្រើនជាង៦០០០នាក់ ហើយបានរកឃើញថា ក្មេងដែលមានម្តាយប្រាប់ថា មានសុបិនអាក្រក់ជាទៀងទាត់យ៉ាងហោចណាស់ម្តងនៅពេលអាយុ៩ឆ្នាំ ទំនងជាប្រាប់ថា កូនពួកគេមានបញ្ហាផ្លូវចិត្តនៅអាយុ១២ឆ្នាំ ។
ការសិក្សានេះមិនបានបញ្ជាក់ថា ការមានសុបិនអាក្រក់ទៀងទាត់ពិតជាបញ្ជាក់ថា កូននឹងមានជំងឺផ្លូវចិត្តតែម្តងនោះទេ ។ លើសពីនេះទៅទៀត សេចក្តីរាយការណ៍ថាកូនអាយុ ១២ឆ្នាំមានបញ្ហាផ្លូវចិត្តតែមួយមិនមែនបញ្ជាក់ថា កូនពិតជាជំងឺផ្លូវចិត្តដូចជា ជំងឺឆ្គួត (Schizophrenia) នៅថ្ងៃក្រោយនោះឡើយ ។ ចំណែកឯប្រធានដឹកនាំការសិក្សាវិញបានកត់សម្គាល់ថា គេនៅតែមិនអាចនិយាយបានថា ការដែលមានសុបិនក្រក់ជាមូលហេតុដោយផ្ទាល់មួយក្នុងការបង្កើនការប្រឈមនឹងជំងឺផ្លូវចិត្តនោះទេ ។ ដូច្នេះហើយគេនៅតែមិនទាន់ច្បាស់ថា ការបញ្ឈប់សុបិនអាក្រក់នឹងមានប្រសិទ្ធភាពទប់ស្កាត់ការប្រឈមមុខនេះ ឬអត់ដែរ ៕
ស្រង់ពីគេហទំព័រសុខភាព
ចែករំលែកព័តមាននេះ