រាជធានីភ្នំពេញ ៖ អភិបាលរងខណ្ឌមានជ័យ និងជាប្រធានអនុសាខាកាកកបាទក្រហមកម្ពុជា ប្រចាំខណ្ឌ លោកឌី រ័ត្នខេមរុណ បានមានប្រសាសន៍អំពាវនាវដល់បងប្អូនប្រជាពលរដ្ឋរស់នៅក្នុងមូលដ្ឋានខណ្ឌមានជ័យទាំងអស់ ដែលមានអាយុគ្រប់គ្រាន់មានសិទ្ធិក្នុងការចូលរួមបោះឆ្នោត សូមមេត្តាទៅចូលរួមបោះឆ្នោតកំុបីខាន…
រាជធានីភ្នំពេញ ៖ អភិបាលរងខណ្ឌមានជ័យ និងជាប្រធានអនុសាខាកាកកបាទក្រហមកម្ពុជា ប្រចាំខណ្ឌ លោកឌី រ័ត្នខេមរុណ បានមានប្រសាសន៍អំពាវនាវដល់បងប្អូនប្រជាពលរដ្ឋរស់នៅក្នុងមូលដ្ឋានខណ្ឌមានជ័យទាំងអស់ ដែលមានអាយុគ្រប់គ្រាន់មានសិទ្ធិក្នុងការចូលរួមបោះឆ្នោត សូមមេត្តាទៅចូលរួមបោះឆ្នោតកំុបីខាន ដែលនឹងប្រព្រឹត្តិទៅនៅថ្ងៃទី២៩ កក្កដា ឆ្នាំ២០១៨ ខាងមុខនេះ ។
ការអំពាវនាវរបស់លោកអភិបាលរង និងជាប្រធានអនុសាខាខាងលើនេះ ធ្វើឡើងក្នុងពិធីចែកអំណោយមនុស្សធម៌សម្តេចកិតិព្រឹទ្ធបណ្ឌិតប៊ុនរ៉ានី ហ៊ុនសែន ចែកជូនបងប្អូនពលរដ្ឋក្រីក្រចំនួន៥០គ្រួសារ ដែលរស់នៅតាមបណ្តាភូមិផ្សេងៗ ក្នុងសង្កាត់ស្ទឹងមានជ័យទី១ ខណ្ឌមានជ័យ នាព្រឹកថ្ងៃទី១៣ មិថុនា ឆ្នាំ២០១៨ នេះ ។ លោកឌី រ័ត្នខេមរុណ បានមានប្រសាសន៍អោយដឹងថា ប្រទេសកម្ពុជានាពេលបច្ចុប្បន្ន ជាប្រទេសកំពុងមានការលូតលាស់រីកចម្រើនខ្លាំងខ្លា លើដំណើរការអភិវឌ្ឍន៍ផ្សេងៗស្ទើរគ្រប់វិស័យទាំងអស់របស់ប្រទេស ក្រោមការដឹកនាំប្រកបដោយគតិបញ្ញាញាណដ៏វៀងវៃរបស់ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលលោកបានខិតខំប្រឹងប្រែងអស់ពីកម្លាំងកាយពល ចិត្តគំនិត បូជាសាច់ស្រស់ឈាមស្រស់ ក្នុងការជួយស្រោចស្រង់ប្រទេសមួយនេះតាំងពីបាតដៃទទេ មកប្រែក្លាយមកជាប្រទេសមួយដែលពិភពលោកទទួលស្គាល់ និងមានភាពរីកចម្រើនខ្ពស់គួរអោយស្ងប់ស្ងែង និងជាទីមោទនះបំផុតសម្រាប់ពលរដ្ឋកម្ពុជាទាំងអស់គ្នា ។
លោកបន្តថា ប្រទេសមួយអាចមានការអភិវឌ្ឍន៍បាន លុះត្រាណាប្រទេសនេាះមានសុខសន្តិភាពជាមុនសិន ហើយនាពេលបច្ចុប្បន្ន ប្រទេសកម្ពុជាបានជួបសុខសន្តិភាពពេញលេញអស់ហើយ ដូច្នេះដំណើរការ នៃការអភិវឌ្ឍន៍ប្រទេសក៏អាចមានសន្ទុះស្ទុះឡើងជាបន្តបន្ទាប់ផងដែរ ខណះដែលបច្ចុប្បន្ន កម្ពុជាមានទាំងអាគារធំខ្ពស់ស្គឹមស្គៃជាច្រើន , ផ្លូវថ្នល់ , មន្ទីរពេទ្យ , សាលារៀន , ស្ពានសម្រាប់ឆ្លងកាត់ទឹកស្ទឹងបឹងបួរ និងទន្លេ រួមទាំងហេដ្ឋារចនាសម្ព័ន្ធផ្សេងជាច្រើនទៀតផងដែរ ។ ថ្លែងទៅកាន់បងប្អូនពលរដ្ឋទាំង៥០គ្រួសារ ដែលមកទទួលយកអំណោយនៅពេលនេះ លោកអភិបាលរង អំពាវនាវដល់បងប្អូនពលរដ្ឋទាំងអស់ សូមកំុជឿរតាមការញ៉ុះញ៉ុងរបស់ជនអគតិ ឬជនមានចេតនាបង្កចលាចលក្នុងសង្គមមួយចំនួនតូច ដែលខិតខំរិះរកគ្រប់វិធីសាស្ត្រធ្វើយ៉ាងណាបងប្អូនប្រជាពលរដ្ឋកើតចិត្តស្អប់ និងរើសអើង ទៅលើគណបក្សនយោបាយមួយដែលជាគណបក្សល្អត្រឹមត្រូវ ជួយជ្រោមជ្រែងប្រទេសជាតិអោយមានភាពរីកចម្រើនតាំងពីដើមមករហូតមកទល់នឹងបច្ចុប្បន្ននេះ ហើយក៏ជាគណបក្សមួយដែលបាននឹងបញ្ចេញនូវរាល់សកម្មភាពរបស់ខ្លួន ច្រើនជាជាងការដើរឃោសនានិយាយបំផុសបំផុលគ្មានមូលបទត្រឹមត្រូវ នេាះគឺជាគណបក្សប្រជាជនកម្ពុជា ដែលឈរនៅលេខរៀងទី២០ សម្រាប់ការបេាះឆ្នោតជ្រើសរើសតំណាងរាស្ត្រនីតិកាលទី៦ ដែលនឹងប្រព្រឹត្តិទៅនៅថ្ងៃទី២៩ ខែកក្កដា ឆ្នាំ២០១៨ខាងមុននេះ ។លោកឌី រ័ត្នខេមរុណ ស្នើរអោយបងប្អូនមេត្តាចូលរួមទៅបេាះឆ្នោតអោយបានគ្រប់ៗគ្នាផងដែរ ដើម្បីបំពេញកាតព្វកិច្ចជាពលរដ្ឋល្អ ។
ហើយការបោះឆ្នោតគាំទ្រជូនគណបក្សនយោបាយណានេាះ វាគឺជាសិទ្ធិរបស់បងប្អូនលើគណបក្សដែលខ្លួនស្រលាញ់ និងគាំទ្រ ប៉ុន្តែទន្ទឹមនឹងនេាះសូមបងប្អូនគិតអោយបានច្បាស់មុនសម្រេចចិត្តបេាះឆ្នោតជូន ថាតើគណបក្សណាដែលនាំមកនូវសុខសន្តិភាព រួមជាមួយការអភិវឌ្ឍន៍ដល់ប្រទេស ជាជាងគណបក្សខ្លះ ដែលបានតែដើរស្រែកថាខ្លួនល្អ តែធាតុពិតពំុដែលបានជួយជ្រោមជ្រែងអ្វីដល់ប្រជាជន និងប្រទេសជាតិទាំងមូលសេាះ ។
សូមបញ្ជាក់ថា នៅក្នុងពិធីចែកអំណោយមនុស្សធម៌ ជូនចំពេាះបងប្អូនពលរដ្ឋក្រីក្រទាំង៥០គ្រួសារខាងលើ គឺក្នុង១គ្រួសារៗ ទទួលបាន ៖ អង្ករ ១បាវ ,ទឹកត្រី ១យ៉ួរ ,ទឹកស៊ីអ៉ីវ ១យួរ , ទឹកសុទ្ធ ១យួរ , មី ១កេះ និងគ្រឿងសំភារះ ផ្ទះបាយ ១ឈុត ទេយ្យទាន ១កញ្ចប់ រួមទាំងថវិកា ៣ ម៉ឺនរៀលផងដែរ ។ ក្នុងឱកាសដដែលនេាះ លោក ឌី រ្ន័តខេមរុណ អភិបាលរងខណ្ឌ មានជ័យ និងជាប្រធានអនុសាខាកាកបាទក្រហមកម្ពុជាខណ្ឌមានជ័យ បានផ្តាំផ្ញើនូវការសាកសួរសុខទុក្ខ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចការសម្តេចតែងតែក្រើនរំលឹក ដល់មន្ត្រីអនុសាខាអោយធ្វើយ៉ាងណាត្រូវយកទុកដាក់ខ្ពស់បំផុតចំពោះប្រជាពលរដ្ឋលើគ្រោះមហន្តរាយ ខ្យល់កន្ត្រាក់ មនុស្សចាស់ជរាគ្មានទីពឹង ប្រជាពលរដ្ឋទីទាល់ក្រ អ្នកផ្ទុកមេរោគអេដ៍ ជំងឺអេដ៍ ដោយមិន ប្រកាន់និន្នាកានយោបាយអ្វីឡើយពោលគឺ៖ «កាកបាទក្រហមកម្ពុជា មានគ្រប់ទីកន្លែង សំរាប់មនុស្សគ្រប់ៗគ្នា » ៕
ចែករំលែកព័តមាននេះ